‘Drishyam: The Conclusion’ : ‘दृश्यम : द कन्क्लूजन’ रिव्ह्यू : ‘दृश्यम’ म्हटलं की डोकं चालवायला लावणारी कथा, पोलिस-तपासाची गुंतागुंत, कुटुंबासाठी काहीही करण्याची तयारी आणि शेवटच्या क्षणापर्यंत टिकणारा थरार हे सगळं आलंच. त्यामुळे या फ्रँचायझीच्या अंतिम पर्वाकडून अपेक्षा प्रचंड होत्या. ‘दृश्यम : द कन्क्लूजन’ या अपेक्षांच्या कसोटीवर उतरतो का? उत्तर आहे…नक्कीच!
हा चित्रपट ‘दृश्यम’च्या युनिव्हर्सला पुढे नेताना आधीच्या भागांची केवळ पुनरावृत्ती करत नाही. उलट, नव्या संघर्षाची आणि नव्या समीकरणांची मांडणी करत कथा एका निर्णायक टप्प्यावर घेऊन जातो. दिग्दर्शक अभिषेक पाठक याने पुन्हा एकदा या फ्रँचायझीची नस अचूक पकडली आहे.
लेखन आणि दिग्दर्शन हे चित्रपटाचे सर्वात सशक्त पैलू ठरतात…
अजय देवगण विरुद्ध जयदीप अहलावत : खरी रंगत इथेच!
चित्रपटाचा सर्वात मोठा हायपॉइंट म्हणजे अजय देवगण आणि जयदीप अहलावत यांचा आमना – सामना.
फ्लायदुबईच्या कॉकपिटमध्ये हल्ल्याचा आरोप, हमाम अलहमामी कोण? उड्डाणबंदीपासून कॉकपिटपर्यंतचा प्रवास
दोघेही आपल्या अभिनयात कमालीचे संयमी आहेत. मात्र पडद्यावर ते एकमेकांसमोर उभे राहतात तेव्हा त्या शांततेतूनच तणाव निर्माण होतो. संवादापेक्षा नजर, देहबोली आणि चेहऱ्यावरचे भाव बरंच काही सांगून जातात. विशेषतः इंटरव्हलपूर्वीचा अजय देवगण-जयदीप अहलावत यांचा सीक्वेन्स हा चित्रपटातील टाळ्या आणि दाद मिळवणारा क्षण ठरतो… कोर्टरूम ड्रामा देतो कथेला नवा आयाम ‘दृश्यम’च्या विश्वात तपास आणि कायद्याची लढाई नवीन नाही, मात्र यावेळी कोर्टरूम सीक्वेन्सेस कथेला अधिक व्यापक रूप देतात. चित्रपटाच्या सुरुवातीला प्रकाश राज आणि अजय देवगणच्या कुटुंबातील प्रसंग विशेष लक्षवेधी आहे. या दृश्यापासूनच कथानकातील संघर्षाची तीव्रता जाणवू लागते.
क्लायमॅक्स : सर्वात मोठी परीक्षा आणि सर्वात मोठं यश!
‘दृश्यम’च्या चाहत्यांसाठी सर्वात महत्त्वाचा प्रश्न एकच…
या कथेचा शेवट नेमका कसा होतो?
आणि इथे चित्रपट निराश करत नाही.
क्लायमॅक्स गुंतवून ठेवणारा, प्रभावी आणि समाधान देणारा आहे. अनेक प्रश्नांची उत्तरं देताना तो कथेला योग्य असा शेवट देतो. त्यामुळे ‘दृश्यम’च्या प्रवासाचा हा अंतिम टप्पा केवळ औपचारिक शेवट वाटत नाही. विजय साळगावकरच्या भूमिकेत अजय देवगण पुन्हा अव्वल, विजय साळगावकर ही व्यक्तिरेखा आता ‘दृश्यम’ फ्रँचायझीची ओळख बनली आहे. अजय देवगणने पुन्हा एकदा या व्यक्तिरेखेतील शांतपणा, चातुर्य, भीती, अस्वस्थता आणि प्रसंगी आक्रमक होणारा आत्मविश्वास अत्यंत प्रभावीपणे साकारला आहे. विशेष म्हणजे, अजयचा अभिनय मोठमोठ्या संवादांपेक्षा नजरेतून आणि चेहऱ्यावरील सूक्ष्म भावांमधून अधिक व्यक्त होतो.
मुंबईतील मोहरम मिरवणुकीत विषारी कॅप्सूल वाटल्याचा आरोप, फैयाज प्रेमजीविरोधात 700 पानी चार्जशीट
जयदीप अहलावतची एन्ट्री ठरते गेमचेंजर, जयदीप अहलावत हा या फ्रँचायझीमध्ये प्रभावी भर आहे. त्याची व्यक्तिरेखा नियंत्रित असूनही तिच्यात कमालीचा दबदबा आहे. अजय देवगणसोबतचे त्याचे सीन्स चित्रपटातील सर्वात लक्षात राहणाऱ्या भागांपैकी आहेत. तब्बू आणि प्रकाश राजची दमदार साथ, तब्बू पुन्हा एकदा प्रभावी ठरते. राग, वेदना, सूड आणि निर्धार या भावनांमधील तिचा प्रवास पडद्यावर जाणवतो. प्रकाश राज यांच्या व्यक्तिमत्त्वाला साजेसा अधिकार आणि वजन त्यांच्या भूमिकेत जाणवतं. त्यांची स्क्रीन प्रेझेन्स चित्रपटाला आवश्यक असलेली गंभीरता देते.
श्रिया सरन उत्तम काम करते. रजत कपूर यांनी आपल्या भूमिकेत आवश्यक तो संयम आणि प्रतिष्ठा जपली आहे. कमलेश सावंत यांचं कामही लक्षवेधी आहे. इशिता दत्ता आणि मृणाल जाधव आपल्या भूमिकांमध्ये ठीक काम करतात. गाणी नाहीत, पण पार्श्वसंगीताचा जबरदस्त प्रभाव, या प्रकारच्या कथानकात गाण्यांना फारसा वाव नाही. मात्र पार्श्वसंगीत चित्रपटाचा थरार अधिक तीव्र करतं. अनेक प्रसंगांमधील तणाव, गूढता आणि अस्वस्थता बॅकग्राउंड स्कोअरमुळे अधिक प्रभावी होते. कथा रंजक आहे, अभिनय दमदार आहे, दिग्दर्शन पकड घेणारं आहे आणि क्लायमॅक्स समाधान देतो. विजय साळगावकरचा डाव संपतो की तो पुन्हा एकदा सगळ्यांना चकवतो? हे जाणून घेण्यासाठी ‘दृश्यम : द कन्क्लूजन’ आवर्जून पाहायला हवा…
‘वाल्मिक कराड जेलमधून सूत्रे हलवतोय’; बजरंग सोनवणेंच्या आरोपानंतर बीडच्या कारागृहाची झडती!
‘दृश्यम : द कन्क्लूजन’ का पाहावा?
‘दृश्यम’ फ्रँचायझीचे चाहते असाल, तर हा चित्रपट मोठ्या पडद्यावर पाहण्यासारखा आहे. अजय देवगण आणि जयदीप अहलावत यांच्यातील अभिनयाची जुगलबंदी, प्रभावी कोर्टरूम सीन्स, अभिषेक पाठकचं दिग्दर्शन आणि सर्वात महत्त्वाचं म्हणजे क्लायमॅक्स.
मग सिनेमा टाळावा का?
स्लो-बर्न थ्रिलर, तपास, कोर्टरूम ड्रामा आणि मानसिक संघर्ष असलेले सिनेमे आवडत नसतील, तरच
थोडक्यात काय?
‘दृश्यम : द कन्क्लूजन’ हा केवळ आणखी एक सिक्वेल नाही; तो विजय साळगावकरच्या कहाणीला दिलेला निर्णायक पूर्णविराम आहे.
बघायला पाहिजे…
रेटिंग : ⭐⭐⭐⭐ / 5