अखेरचा खेळ! ड्वेन जॉन्सनने शेअर केले ‘जुमानजी: ओपन वर्ल्ड’चे नवे पोस्टर; ख्रिसमसला चित्रपटगृहांत धुमाकूळ

Dwayne Johnson shares new poster for Jumanji Open World film is set to take cinemas by storm this Christmas : ‘जुमानजी’चा आणखी एक थरारक आणि धमाल खेळ अनुभवण्यासाठी सज्ज व्हा! हॉलिवूड अभिनेता ड्वेन जॉन्सनने आगामी ‘जुमानजी: ओपन वर्ल्ड’ या चित्रपटाचे नवे पोस्टर शेअर करत चाहत्यांची उत्सुकता वाढवली आहे. विशेष म्हणजे, हा चित्रपट ‘जुमानजी’च्या लोकप्रिय अ‍ॅक्शन-अ‍ॅडव्हेंचर मालिकेतील अखेरचा भाग असणार आहे. येत्या ख्रिसमसला हा चित्रपट प्रेक्षकांच्या भेटीला येणार आहे.

जितेंद्र आव्हाडांना धमकी देणारा पुण्यातून ताब्यात; घरमालकानेच ओळखलं आरोपीचं कृत्य

ड्वेन जॉन्सन, जॅक ब्लॅक, केविन हार्ट आणि करेन गिलन यांच्या प्रमुख भूमिका असलेल्या या चित्रपटाची चाहत्यांना उत्सुकता आहे. चित्रपटाच्या निर्मात्यांनी नुकतेच नवे पोस्टर प्रदर्शित केले असून, त्यातून आगामी साहसाची झलक पाहायला मिळत आहे.ड्वेन जॉन्सनने इन्स्टाग्रामवर हे पोस्टर शेअर केले. या पोस्टरमध्ये चित्रपटातील प्रमुख पात्रे खेळाच्या आभासी जगात आणि वास्तविक जगात अडकलेली दिसत आहेत. पोस्टरसोबत त्याने, “दोन जगांची टक्कर… एक अखेरचा खेळ! ‘जुमानजी: ओपन वर्ल्ड’चा शेवटचा खेळ या ख्रिसमसला केवळ चित्रपटगृहांत!” असे कॅप्शन दिले आहे.

यावेळी जुमानजीचा खेळ थेट वास्तवात!

यापूर्वीच्या चित्रपटांमध्ये नायकांनी जुमानजीच्या धोकादायक जंगलातून सुखरूप बाहेर पडण्याचा प्रयत्न केला होता. मात्र, यावेळी परिस्थिती आणखी वेगळी आणि धोकादायक असणार आहे. कारण, जुमानजीचा खेळ आता केवळ गेमपुरता मर्यादित न राहता थेट वास्तविक जगात प्रवेश करणार आहे. त्यामुळे नायकांसमोर नव्या संकटांची मालिका उभी राहणार असून, त्यांना पुन्हा एकदा एकत्र येऊन या आव्हानांचा सामना करावा लागणार आहे. विनोद, अ‍ॅक्शन आणि थरार यांची मेजवानी असलेल्या या चित्रपटातून ‘जुमानजी’च्या कथेला अखेरचा टप्पा मिळणार आहे. त्यामुळे या मालिकेच्या चाहत्यांसाठी हा चित्रपट विशेष ठरण्याची शक्यता आहे.

२५ डिसेंबरला चित्रपटगृहांत होणार प्रदर्शित

‘जुमानजी: ओपन वर्ल्ड’ हा चित्रपट २५ डिसेंबर २०२६ रोजी ख्रिसमसच्या मुहूर्तावर चित्रपटगृहांत प्रदर्शित होणार आहे. सोनी पिक्चर्स एंटरटेनमेंट इंडियाच्या माध्यमातून हा चित्रपट इंग्रजी, हिंदी, तमिळ आणि तेलुगू या चार भाषांमध्ये प्रेक्षकांच्या भेटीला येईल. ‘जुमानजी’च्या या अखेरच्या साहसात नेमके कोणते नवे धोके, धमाल आणि अनपेक्षित वळणे पाहायला मिळणार, याची उत्सुकता आता चाहत्यांना लागली आहे.