Gadi Number 1760 Trailer Released On 4 July : मराठी चित्रपटसृष्टीत धमाकेदार रहस्य आणि विनोदाची मेजवानी घेऊन येणाऱ्या ‘गाडी नंबर 1760’ (Gadi Number 1760) या चित्रपटाचा बहुप्रतीक्षित टीझर प्रेक्षकांच्या भेटीला आला आहे. टीझर पाहून एकच प्रश्न सगळ्यांना पडला आहे, तो म्हणजे बॅग कुठे आहे? टीझरमध्ये एका काळ्या बॅगेभोवती फिरणारी गोष्ट उलगडताना (Marathi Movie) दिसतेय. सुरुवातीलाच दाखवलेली पैशांनी भरलेली बॅग गायब होते. तिथून सुरू होतो रहस्याने भरलेला अन् विनोदाने सजलेला प्रवास. या बॅगेच्या शोधात अनेक जण एकमेकांवर संशय घेताना, गोंधळात अडकताना दिसत (Entertainment News) आहेत. त्यामुळे एकीकडे रहस्य वाढतेय, तर दुसरीकडे संवाद आणि प्रसंगांमधून विनोदही प्रेक्षकांना खिळवून ठेवतोय. ही बॅग नेमकी कुठे गेली, हे 4 जुलैला चित्रपटगृहात पाहायला मिळेल.
या चित्रपटात प्रथमेश परब, शुभंकर तावडे, प्रियदर्शिनी इंदलकर, सुहास जोशी, प्रसाद खांडेकर, श्रीकांत यादव आणि शशांक शेंडे यांसारखे उत्तम कलाकार पाहायला मिळणार आहेत. प्रत्येक पात्राकडे एक गूढ बाजू आहे. ती पडद्यावर उलगडताना या कलाकारांचा अभिनय चित्रपटाला अधिकच मनोरंजक बनवतो.
RCB Victory : हातापाया पडून रजा, आनंदात स्टेडियमकडे धाव अन् विराटच्या चाहतीचा करूण अंत
दिग्दर्शक योगिराज संजय गायकवाड म्हणतात, गाडी नंबर 1760 या चित्रपटात प्रेक्षकांना एक मजेशीर गोंधळ पाहायला मिळणार आहे, जो प्रेक्षकांना खिळवून ठेवेल. प्रत्येक वळणावर एक नवा ट्विस्ट पाहायला मिळेल. ही विनोदी रहस्यमय कथा प्रेक्षकांचे नक्कीच मनोरंजन करेल. टीझरला प्रेक्षकांचा प्रतिसाद पाहून चित्रपटाला ही असाच प्रतिसाद मिळेल अशी आशा करतो.
निर्माते कैलाश सोराडी म्हणतात, मराठी प्रेक्षकांसाठी कॉमेडी, मिस्ट्री, ड्रामा, सस्पेन्स असा मनोरंजनाचे पॅकेज असलेला ‘गाडी नंबर 1760’ चित्रपट घेऊन आलो आहोत. चित्रपटाला एकापेक्षाएक उत्तम कलाकार लाभल्यामुळे चित्रपटाची कथा यांच्या अभिनयाने अजूनच रंगली आहे. या चित्रपटाने प्रेक्षकांचे भरभरून मनोरंजन होईल, याची मला खात्री आहे.
अफवा उडाली, बॅरिगेट तुटले अन्… संभाजीनगरच्या तरुणाने सांगितला अंगावर काटा आणणारा थरार
तन्वी फिल्म्स प्रस्तुत या चित्रपटाचे निर्माते कैलाश सोराडी आणि विमला सोराडी आहेत, तर लेखन आणि दिग्दर्शनाची धुरा योगिराज संजय गायकवाड यांनी सांभाळली आहे. येत्या 4 जुलै रोजी हा चित्रपट प्रदर्शित होणार आहे.
