Mahesh Bhatt Statement On Saiyaraa : भारतातील सर्वात प्रतिष्ठित चित्रपट निर्मात्यांपैकी एक असलेल्या महेश भट्ट (Mahesh Bhatt) यांना आनंद आहे की, लोक मोहित सूरीच्या ( Mohit Suri) सैयारा चित्रपटात (Saiyaraa Movie) त्यांच्या ब्लॉकबस्टर आशिकीची आठवण अनुभवत आहेत.
महेश भट्ट यांचा आशिकी हा चित्रपट राहुल रॉय आणि अनु अग्रवाल यांना एका रात्रीत स्टार बनवणारा ठरला होता. या चित्रपटाने एक नवी, गहिरी आणि काळाच्या पुढे असलेली प्रेमकथा सादर करत संपूर्ण देशात खळबळ उडवून दिली (Entertainment News) होती. आशिकीचे संगीत देखील प्रचंड हिट ठरले होते! त्याचप्रमाणे, सैयारा आहान पांडे आणि अनीत पड्डा यांच्यासाठी YRF चे नवे हिरो-हिरोईन म्हणून पदार्पण करणारा चित्रपट आहे. सैयाराचे गाणे देखील चार्टबस्टर ठरले आहेत आणि टायटल ट्रॅक तर सुपरहिट झाला आहे.
रहस्यमय प्रेमाची एक अद्भुत कहाणी! 21 नोव्हेंबरला उलगडणार ‘असंभव’चा थरार
महेश म्हणतात, प्रत्येक पिढीची एक अशी प्रेमकथा असते जी त्या पिढीचं प्रतिनिधित्व करते. सैयारा ही माझ्यासाठी या पिढीची सर्वात निर्णायक प्रेमकथा ठरणार आहे. जेव्हा मी आशिकी केली, तेव्हा ती खूप प्रामाणिकपणे बनवली होती. लोकांनी ती मनापासून स्वीकारली. त्यामुळे ते दोन नवोदित रातोरात स्टार्स बनले. मी अपेक्षा करतो की, मोहित सूरी सैयारासोबत हेच करेल. ते पुढे म्हणतात, सैयारा पाहताना लोकांना आशिकीची आठवण येत असल्याचं पाहणं खूपच अद्भुत आहे. पण मी सांगू शकतो की सैयारा आजच्या काळातील प्रेमकथांची व्याख्या नव्याने ठरवेल. प्रत्येक नवीन पिढीने मागील पिढीपेक्षा पुढे जावं लागते, आणि सैयारा हेच करेल याची मला खात्री आहे. मोहित माझा शिष्य आहे आणि तो जर मला प्रत्येक पातळीवर मागे टाकतो, तर त्यापेक्षा आनंदाची गोष्ट दुसरी नाही.
महेश भट्ट यांना वाटते की, मोहित सूरी, ज्याला त्यांनी घडवले, सैयाराद्वारे स्वतःच्या मार्गावर स्वतंत्रपणे उभा आहे. ते म्हणतात, सैयारासाठी मोहितने आपल्या साच्यातून बाहेर पडल्याचं पाहणं माझ्यासाठी अभिमानास्पद आहे. हा चित्रपट त्याच्या संपूर्ण करिअरमधील इतर चित्रपटांपेक्षा खूप वेगळा आहे. यात प्रेमाची जी गहिराई आहे, ती मोहितच्या आतमधील आहे. तो ती गहिराई जगासमोर मांडतो आहे, याचा मला आनंद आहे. प्रेमाच्या भावना पोहचवण्यासाठी तीव्रता आवश्यक असते. सैयाराबाबत मी खूप उत्साहित आहे.
सायना नेहवाल – पारुपल्ली कश्यप यांचा घटस्फोट, लग्नाच्या 7 वर्षानंतर फुलराणीच्या प्रेमकहानीचा अंत
हे ज्येष्ठ चित्रपट निर्माते नेहमीच मोहितला नवोदितांसह चित्रपट बनवण्यासाठी प्रेरित करत होते. सैयारासाठी मोहितने YRF सोबत भागीदारी केली, याचा त्यांना आनंद आहे. ते म्हणतात, सैयारासाठी दोन अत्यंत प्रतिभावान कलाकारांसोबत मोहितने मोठा निर्णय घेतला आहे. ते स्क्रीनवर चमकत आहेत, हे पाहून मला खूप आनंद होतोय. तसेच त्याच्यासोबत YRF सारखा स्टुडिओ असल्याचं पाहूनही मी समाधानी आहे.
ते पुढे म्हणतात, सैयारा एक ताजं वाऱ्याचं झुळूक वाटतं आहे, जे फक्त नव्या चेहऱ्यांमुळे शक्य होतं. सैयाराची ऊर्जा जाणवते आणि मला या चित्रपटाकडून खूप अपेक्षा आहेत. मला 18 जुलैला संपूर्ण देशाने तो पाहावा याची आतुरता आहे. सैयारा ही चित्रपटसृष्टीतील एक दीर्घ प्रतीक्षेत असलेली सर्वात चर्चेची डेब्यू फिल्म ठरली आहे. यामध्ये यशराज फिल्म्स आणि मोहित सूरी पहिल्यांदाच एकत्र आले आहेत, जे प्रेमकथांमध्ये नैसर्गिक सौंदर्य घडवून आणतात.
सैयाराने या वर्षातील सर्वोत्कृष्ट म्युझिक अल्बम दिला आहे. ज्यात फहीम-अर्सलानचे टायटल ट्रॅक सैयारा, जुबिन नौटियाल चे बर्बाद, विशाल मिश्राचे तुम हो तो, सचेत-परंपराचे हमसफर आणि अरिजित सिंग व मिथुनचे धुन हे गाणी भारतातील संगीत चार्ट्सवर धुमाकूळ घालत आहेत. YRF चे CEO अक्षय विधानी यांनी निर्मित केलेला सैयारा 18 जुलै 2025 रोजी जगभरातील चित्रपटगृहांमध्ये प्रदर्शित होणार आहे.
