सायना नेहवाल – पारुपल्ली कश्यप यांचा घटस्फोट, लग्नाच्या 7 वर्षानंतर फुलराणीच्या प्रेमकहानीचा अंत
- Written By: Rohini Gudaghe Published:
Saina Nehwal P Kashyap Divorce : बॅडमिंटन स्टार (Badminton Player) सायना नेहवालने तिचा पती पारुपल्ली कश्यपपासून वेगळे (Saina Nehwal P Kashyap Divorce) झाल्याची घोषणा केली आहे. सायनाने सोशल मीडियावर इंस्टाग्राम स्टोरीद्वारे ही माहिती शेअर केली, ज्यामध्ये तिने एक भावनिक नोट लिहिली की, दोघांनीही परस्पर संमतीने वेगळे होण्याचा निर्णय घेतला (Saina Nehwal News) आहे.
ब्रेकिंग! उड्डाणानंतरच लागली विमानाला आग, एअरपोर्टवरच कोसळलं; 15 जणांचा मृत्यू
सायनाची सोशल मीडिया पोस्ट
आयुष्य कधीकधी आपल्याला वेगवेगळ्या मार्गांवर घेऊन जाते. खूप विचार केल्यानंतर, पारुपल्ली कश्यप आणि मी वेगळे होण्याचा निर्णय घेतला आहे. आम्ही एकमेकांसाठी शांती, वाढ आणि निरोगी जीवन निवडण्याचा निर्णय घेतला (Saina Nehwal Love Story) आहे. मी या संस्मरणीय क्षणांबद्दल कृतज्ञ आहे. भविष्यासाठी त्याला शुभेच्छा देतो. यावेळी आमच्या गोपनीयतेला समजून घेतल्याबद्दल आणि त्यांचा आदर केल्याबद्दल धन्यवाद, असं सायनाने या पोस्टमध्ये म्हटलंय.
View this post on Instagram
सायना नेहवालने अन् पारुपल्ली कश्यपची प्रेमकहाणी
दोघांची प्रेमकहाणी बॅडमिंटन कोर्टपासून सुरू झाली. सायना आणि कश्यप हैदराबादमधील पुलेला गोपीचंद अकादमीमध्ये भेटले, जिथे त्यांनी एकत्र प्रशिक्षण घेतले. मैत्रीपासून सुरू झालेले हे नाते हळूहळू प्रेमात बदलले आणि दोघांनी 14 डिसेंबर 2018 रोजी लग्न केले. सायनाचा जन्म हरियाणातील हिसार येथे झाला. ती पारुपल्ली कश्यपपेक्षा तीन वर्षांनी लहान आहे. लग्नाच्या वेळी सायना 28 वर्षांची होती आणि कश्यप 31 वर्षांचा होता. 2020 मध्ये सायनाने राजकारणात प्रवेश केला आणि भाजपमध्ये सामील झाली.
शिवसेना अन् धनुष्यबाण नेमका कोणाचा? सर्वोच्च न्यायालयात आज महत्त्वाची सुनावणी
कारकिर्द कशी राहिली?
सायना नेहवालची बॅडमिंटन कारकीर्द खूप गौरवशाली राहिली आहे. तिने 2005 मध्ये वयाच्या अवघ्या 15व्या वर्षी आशियाई उपग्रह स्पर्धा जिंकून तिच्या आंतरराष्ट्रीय प्रवासाची सुरुवात केली. सायनाने 2012 च्या लंडन ऑलिंपिकमध्ये कांस्यपदक जिंकून भारताला अभिमान वाटला. तिने राष्ट्रकुल स्पर्धेत तीन सुवर्णपदके जिंकली. 2015 मध्ये सायना जगातील नंबर-1 बॅडमिंटनपटू बनली. ही भारतीय महिलेसाठी पहिलीच वेळ होती. पारुपल्ली कश्यपने 2014 च्या ग्लासगो राष्ट्रकुल स्पर्धेत पुरुष एकेरी सुवर्णपदक जिंकले. 2013 मध्ये तो जागतिक क्रमवारीत सहाव्या स्थानावर पोहोचला, जो त्याच्या कारकिर्दीतील सर्वोत्तम क्रमवारी होता.
