live now

Election Result : काँग्रेसला मोठा धक्का; नाना पटोलेंचा अखेर विजय

काँग्रेसला मोठा धक्का; नाना पटोलेंचाही पराभव

काँग्रेसचे प्रदेशाध्यक्ष आणि साकोली विधानसभेचे आमदार नाना पटोले यांचा पराभव झाला आहे. भाजपाचे उमेदवार अविनाश ब्राह्मणकर यांनी अवघ्या ६५८ मतांनी पराभव झाला आहे.

कर्जत जामखेडमध्ये रोहित पवार विजयी; राम शिंदेंकडून फेर मोजणीची मागणी

कर्जत जामखेडमध्ये श्वास रोखून धरायला लावणाऱ्या राम शिंदे आणि रोहित पवार यांच्या अतितटीच्या लढतील अखेर महाविकास आघाडीचे उमेदवार रोहित पवारांनी 1243 मतांनी विजय मिळवला आहे. मात्र, हा निकाल आपल्याला मान्य नसल्याचे सांगत राम शिंदे यांनी फेर मतमोजणी करण्याची मागणी केली आहे. त्यामुळे येथील निकाल काय लागतो याचा ट्विस्ट अद्यापही कायम आहे.

विधानसभा निकालावर राज ठाकरेंची दोन शब्दांत प्रतिक्रिया, म्हणाले...

महाराष्ट्रात अनाकलनीय निकाल लागला : उद्धव ठाकरे

विधानसभा निवडणुकीत महायुतीला स्पष्ट बहुमत मिळाल आहे. या विजयानंतर मविआतील शिवसेना उबाठाचे प्रमुख उद्धव ठाकरे यांनी प्रतिक्रिया दिली आहे. महाराष्ट्रात अनाकलनीय निकाल लागला आहे, अशी प्रतिक्रिया उद्धव ठाकरे यांनी दिली.

अविश्वसनीय ! तूर्तास एवढेच...निकालानंतर राज ठाकरेंची प्रतिक्रिया

राज्यात विधानसभा निवडणुकीचा निकाल जाहीर झालाय. यात मनसेला एकही जागा मिळालेली नाही. यावर आता अविश्वसनीय ! तूर्तास एवढेच... अशी प्रतिक्रिया राज ठाकरे यांनी दिली आहे.

पराभवानंतर बाळासाहेब थोरातांची पहिली प्रतिक्रिया

पराभवानंतर बाळासाहेब थोरातांची पहिली प्रतिक्रिया समोर आलीय. निकाल धक्कादायक आहे. अनेक शंका जनसामन्यांच्या मनात आहेत. धर्माचा आणि पैशाचा उपयोग राजकारणात केल्याचं थोरात म्हणाले आहेत.

निकाल अतिशय अनपेक्षित ; उद्धव ठाकरे

विधानसभा निवडणुकीचा निकाल हा अतिशय अनपेक्षित असल्याचं मत उद्धव ठाकरे यांनी व्यक्त केलंय. निकालाने मोठी त्सुनामी आल्यासारखं वाटतं, अशी प्रतिक्रिया निकालानंतर उद्धव ठाकरे यांनी दिली आहे.

निकालानंतर छगन भुजबळ तातडीने मुंबईला रवाना

नुकताच राज्यात विधानसभा निवडणुकीचा निकाल जाहीर झालाय. छगन भुजबळ विजयी झाल्यानंतर तातडीने मुंबईला रवाना झाल्याची माहिती मिळतेय. निकालानंतर मुंबईतील राजकीय घडामोडी आणि बैठकांना वेग आलाय.

दिल्लीत निर्णय झाला, शिंदेंना मुख्यंमत्रिपद नाही ; संजय राऊत

गरज सरो वैद्य मरो! दिल्लीत निर्णय झाला. भाजपा आता एकनाथ शिंदेना मुख्यमंत्री करत नाही. आता काय? अशी पोस्ट ठाकरे गटाचे खासदार संजय राऊत यांनी त्यांच्या सोशल मीडिया अकाउंटवर केली आहे.

महायुतीचं मुख्यमंत्रि‍पदाचं सूत्र ठरलं

ज्याचे जास्त आमदार त्याच पक्षाचा मुख्यमंत्री, एकनाथ शिंदे यांनी ही माहिती दिली आहे. लवकरच महायुतीकडून मुख्यमंत्रि‍पदाची घोषणा करण्यात येणार आहे.

रत्नागिरी-सिंधुदुर्गात महायुतीला मोठं यश, 8 पैकी 7 जागांवर विजय

रत्नागिरी-सिंधुदुर्गात महायुतीला मोठं यश मिळालं आहे. आठपैकी तब्बल सात जागांवर विजय महायुतीला मिळालेला आहे. फक्त गुहागर विधानसभा मतदारसंघातील भास्कर जाधव यांचा विजय झालेला आहे.

पंढरपूर विधानसभा मतदारसंघात भाजपचे समाधान अवताडे विजयी

पंढरपूर विधानसभा मतदारसंघामध्ये भाजपचे विद्यमान आमदार समाधान अवताडे विजयी झालेत. पंढरपूर पोटनिवडणुकीत देखील समाधान अवताडे विजयी झाले होते. अशाप्रकारे काँग्रेसचे भगीरथ भालके यांचा पराभव झाला आहे.

भोसरी विधानसभेतून भाजपचे महेश लांडगे विजयी

भोसरी विधानसभा क्षेत्रातून भाजपचे महेश लांडगे विजयी झाले आहेत. त्यांनी शरद पवार गटाचे उमेदवार अजित गव्हाणे यांचा दारुण पराभव केला आहे. जवळपास 63,500 मताधिक्याने महेश लांडगे यांनी अजित गव्हाणे यांचा पराभव केलाय.

टोपेंच्या बालेकिल्ल्यात शिवसेनेचा भगवा फडकला..

जालन्यातील घनसावंगी मध्ये राजेश टोपेंचा पराभव...

शिवसेना शिंदे गटाचे हिकमत उढान यांचा विजय झालाय..

टोपेंच्या बालेकिल्ल्यात शिवसेनेचा भगवा फडकला..

टोपेंच्या 25 वर्षाच्या सत्तेला उढाण यांचा सुरुंग..

अटीतटीच्या लढतीत हिकमत उढान विजयी झाले आहेत..

वानखेडे स्टेडियमवर होणार नव्या सरकारचा शपथविधी

वानखेडे स्टेडियमवर होणार नव्या सरकारचा शपथविधी होणार आहे. सोमवारी 25 नोव्हेंबरला वानखेडे स्टेडियममध्ये शपथविधी पार पडणार आहे. याआधी 2014 सालीही याच वानखेडे स्टेडियममध्ये शपथविधी सोहळा पाकर पडला होता.

कर्जत जामखेडमध्ये ट्विस्ट कायम; रोहित पवार की, राम शिंदे विजयी नेमकं कोण?

कर्जत जामखेडमध्ये रोहित पवारांचा अवघ्या 352 मतांनी पराभव झाल्याची पोस्ट स्वतः फेसबुक पोस्ट करत दिली होती. मात्र, हाती आलेल्या माहितीनुसार रोहित पवार यांचा 391 मतांनी विजय झाल्याचे सांगितले जात आहे. त्यामुळे या मतदारसंघातून नेमकं कोण विजयी झालं याबाबतचा ट्विस्ट कायम आहे.

छ. संभाजीनगर पूर्वमधून अतुल सावेंची विजयी हॅट्रीक

छ. संभाजीनगर पूर्वमधून अतुल सावेंची विजयी हॅट्रीक
अतिशय प्रतिष्ठेची लढत मान्यल्या जाणाऱ्या औरंगाबाद पूर्व मतदार संघातून भाजपचे अतुल सावे यांनी एमआयएमचे इम्तियाज जलील यांचा 1777 मतांनी पराभव करत विजय मिळवला.

श्रीगोंदा :- २५ वी फेरी. महायुतीचे विक्रमसिंह पाचपुते यांच्या विजयाची घोषणाच बाकी. पाचपुते यांना ९८९३१, महाविकास आघाडीच्या अनुराधा नागवडे यांना ५३०९६, राहुल जगताप यांना ६२०३७ तर अण्णासाहेब शेलार यांना २७५०९ मतं

शेलारांची आगेकूच,झकेरियांची पीछेहाट

विदर्भात भाजप सर्वात मोठा पक्ष; ३७ जागांवर फुलवलं कमळ

कर्जत जामखेडमध्ये काँटे की टक्कर

कर्जत जामखेडमध्ये काँटे की टक्कर; २४ व्या फेरीअखेर राम शिंदे १४१४ मतांनी पुढे

धुळ्यात कोण जिंकलं?

शिरपूर - भाजप उमेदवार आमदार काशीराम पावरा विजयी
साक्री - शिंदेंच्या शिवसेनेच्या उमेदवार मंजुळा गावित विजयी
शिंदखेडा - जयकुमार रावल विजयी
धुळे ग्रामीण - भाजप उमेदवार राम भदाणे विजयी
धुळे शहर - भाजप उमेदवार अनुप अग्रवाल यांची विजयी आघाडी
धुळे जिल्ह्यातील पाचही जागांवर महायुतीचे उमेदवार विजयी

बांद्रा पूर्व मधून वरुण सरदेसाई विजयी; विधानसभेत दिसणार दोन मावस भाऊ

मुंबईतील वांद्रे पूर्व मतदारसंघातून ठाकरे शिवसेनेचे वरुण सरदेसाई विजयी, राष्ट्रवादी अजित पवार गटाचे झिशान सिद्दीकींचा पराभव वरूण सरदेसाई बांद्रा पूर्व मधून तर, आदित्य ठाकरे वरळीतून विजयी झाल्याने आता वरूण आणि आदित्य हे मावस भाऊ विधानसभेत दिसणार आहेत.

महायुतीचे छगन भुजबळ विजयी; माणिकराव शिंदेंना केलं पराभूत

महायुतीचे छगन भुजबळ हे 26080 मतांनी विजयी झाले असून महाविकास आघाडीचे उमेदवार माणिकराव शिंदे यांना 108331 मते मिळाली आहेत.

महाराष्ट्राच्या जनतेपुढे आम्ही नतमस्तक झालो आहोत - देवेंद्र फडणवीस

राज्यात विधानसभा निवडणुकांचे निकाल समोर आल्यानंतर उपमुख्यमंत्री देवेंद्र फडणवीस यांनी माध्यमांना प्रतिक्रिया दिली आहे. यात त्यांनी महाराष्ट्राच्या जनतेपुढे आम्ही नतमस्तक झालो असून, लाडक्या बहिणींचे विशेष आभार मानले आहेत. आमच्या एकजुटीचा हा विजय आहे. विषारी प्रचाराला जनतेने कृतीतून उत्तर दिलं असून, महाराष्ट्र मोदींच्या पाठिशी खंबीर असल्याचं निकालातून स्पष्ट झाल्याचे म्हणत आधुनिक अभिमन्यूने चक्रव्युह तोडला असल्याचे फडणवीस म्हणाले.

🕒 2.55pm | 23-11-2024📍Mumbai.

LIVE | Media interaction#Maharashtra #Mumbai https://t.co/NslZENZ9HX

— Devendra Fadnavis (@Dev_Fadnavis) November 23, 2024

पृथ्वीराज चव्हाण यांना पराभवाचा धक्का, भाजपच्या डॉ. अतुलबाबा भोसलेंचा विजय

कराड दक्षिणमधून माजी मुख्यमंत्री पृथ्वीराज चव्हाण यांना पराभवाचा धक्का बसला आहे. भारतीय जनता पक्षाचे डॉ. अतुलबाबा भोसले यांचा विजय झाला.

अमित व धीरज देशमुख यांचा पराभव.

अमित व धीरज देशमुख यांचा पराभव. शिवराज पाटील यांच्या सुनबाईंनी केला पराभव.

शरद पवारांना धक्का; धर्मराबाबा अत्राम यांचा विजय

गडचिरोली मतदरारसंघात महायुतीचे उमेदवार धर्मराबाबा अत्राम यांचा विजय, मुलगी भाग्यश्री अत्राम तिसऱ्या क्रमांक.

अहिल्यानगरमध्ये संग्राम जगताप यांचा दणक्यात विजय

अहिल्यानगर विधानसभा मतदारसंघात महायुतीचे उमेदवार 39 हजार 650 मताधिक्याने विजयी, अभिषेक कळमकरांचा पराभव

लातूर ग्रामीणमधून धीरज देशमुखांचा पराभव

लातूर ग्रामीण मधून काँग्रेसचे उमेदवार धीरज देशमुख यांचा पराभव झाला आहे. विधान परिषदेचे आमदार तथा भाजप ग्रामीणचे उमेदवार रमेश कराड विजयी