इंडियन क्रिकेट टीमशी भिडलात तर …, अनिल कपूर आणि हरभजन सिंहने कुणाला दिला इशारा

Anil Kapoor :   अनिल कपूर आणि राधिका मदान अभिनित ‘लल्ला अँथम  अ वॉर्निंग फ्रॉम सूबेदार’ या गाण्यात भारताचे माजी क्रिकेटपटू हरभजन सिंह

Anil Kapoor :   अनिल कपूर आणि राधिका मदान अभिनित ‘लल्ला अँथम  अ वॉर्निंग फ्रॉम सूबेदार’ या गाण्यात भारताचे माजी क्रिकेटपटू हरभजन सिंह विशेष उपस्थितीत झळकले आहेत. तसेच यात ‘भारत आर्मी’ आणि शेफाली बग्गा देखील दिसणार आहेत. हे गाणे रोहन-विनायक यांनी संगीतबद्ध केले असून गीतकार ऋषी उपाध्याय आहेत. तर प्रसिद्ध गायक विशाल ददलानी यांनी आपल्या दमदार आवाजात हे गाणे सादर केले आहे.

संपूर्ण देश टीम इंडियाला पाठिंबा देत असताना प्राइम व्हिडिओने ‘द लल्ला अँथम  अ वॉर्निंग फ्रॉम सूबेदार’च्या माध्यमातून उत्साह आणखी वाढवला आहे. हा एक हाय-एनर्जी अँथम असून आगामी अ‍ॅक्शन-ड्रामा चित्रपट ‘सूबेदार’मधील ‘लल्ला’ या मूळ गाण्यावर आधारित आहे. ‘सूबेदार’ ही कथा भारताच्या ग्रामीण पार्श्वभूमीवर आधारित असून अर्जुन मौर्य (अनिल कपूर) या व्यक्तिरेखेचा प्रवास दाखवते. तो शिस्त, अभिमान आणि अढळ नैतिक मूल्यांवर जगणारा व्यक्ती आहे. लवचिकता, सन्मान आणि कोणत्याही आव्हानांना धैर्याने सामोरे जाण्याची ताकद या चित्रपटातून अधोरेखित केली आहे. ज्या भावना मोठ्या जागतिक स्पर्धेदरम्यान प्रत्येक भारतीय अनुभवतो.

या म्युझिक व्हिडिओत स्टेडियममधील उत्साह आणि सिनेमॅटिक तीव्रतेचा सुरेख मिलाफ दिसतो. हरभजन सिंह यांच्यासह अनिल कपूर आणि राधिका मदान झळकतात. ‘भारत आर्मी’ आणि शेफाली बग्गा यांच्या उपस्थितीमुळे गाण्यात आत्मविश्वास, स्वॅग आणि अभिमानाची झलक दिसते. रोहन-विनायक यांच्या संगीतासह ऋषी उपाध्याय यांच्या प्रभावी गीतांनी आणि विशाल ददलानी यांच्या दमदार आवाजामुळे हे गाणे सध्याच्या क्रिकेट सीझनमधील जोशपूर्ण वातावरण उत्तमरीत्या पकडते. ‘आपल्या जागी ठाम रहा आणि कधीही मागे हटू नका’ हा चित्रपटाचा संदेशही या गाण्यातून ठळकपणे मांडला आहे.

अनिल कपूर म्हणाले, “‘सूबेदार’ ही एका अशा व्यक्तीची कथा आहे ज्याला त्याच्या कर्तव्याची जाणीव आणि अंतर्मनातील ज्वाळा यांतून शक्ती आणि ध्येय मिळते. ‘लल्ला अँथम’ त्या ज्वाळेचे प्रतिबिंब आहे. सूबेदार अर्जुन मौर्य शांत आणि संयमी असला तरी योग्य वेळी ठामपणे उभा राहतो. या गाण्याचे शूटिंग करताना सेटवरील ऊर्जा अप्रतिम होती. टीम इंडियाला पाठिंबा देण्यासाठी सूबेदारच्या टीमकडून हा एक छोटासा प्रयत्न आहे.”

 

View this post on Instagram

 

A post shared by prime video IN (@primevideoin)

हरभजन सिंह म्हणाले, “‘लल्ला अँथम  अ वॉर्निंग फ्रॉम सूबेदार’चा भाग होणे हा खरोखरच खास अनुभव होता. अनिल कपूर यांच्यासोबत काम करणे म्हणजे एका संस्थेसोबत काम करण्यासारखे आहे. त्यांची ऊर्जा आणि करिष्मा प्रत्येकाला प्रेरणा देतो. या गाण्याची बीट अत्यंत दमदार आहे आणि क्रिकेटच्या सध्याच्या उत्साहाशी पूर्णपणे सुसंगत आहे. टीम इंडिया आणि टीम सूबेदारला माझ्याकडून शुभेच्छा.”

‘भारत आर्मी’ने म्हटले, “आमच्यासाठी क्रिकेट म्हणजे उत्कटता, विश्वास आणि प्रत्येक परिस्थितीत संघाच्या पाठीशी उभे राहणे. ‘लल्ला  अ वॉर्निंग फ्रॉम सूबेदार’मध्येही तीच ज्वाला आणि अभिमान दिसतो.”

सुकेशचा व्हॅलेंटाईन डे; जॅकलिन फर्नांडिसला गिफ्ट केलं जेट विमान

‘सूबेदार’चे दिग्दर्शन सुरेश त्रिवेणी यांनी केले असून त्यांना ‘तुम्हारी सुलु’, ‘जलसा’ आणि ‘दलदल’ यांसारख्या उत्कृष्ट कथांसाठी ओळखले जाते. या चित्रपटाची निर्मिती विक्रम मल्होत्रा, अनिल कपूर आणि सुरेश त्रिवेणी यांनी केली आहे. हा चित्रपट 5 मार्च रोजी प्राइम व्हिडिओवर प्रदर्शित होणार असून भारतासह 240 हून अधिक देशांमध्ये हिंदी, तमिळ आणि तेलुगू भाषांमध्ये पाहता येणार आहे.

संबंधित बातम्या