Mohammed Shami : मोहम्मद शमीचा भावूक निरोप; टेस्ट क्रिकेटमधून निवृत्ती जाहीर

Mohammed Shami  : भारतीय संघाचा स्टार गोलंदाज मोहम्मद शमीने मोठी घोषणा करत कसोटी क्रिकेटमधून निवृत्ती जाहीर केली आहे.

Mohammed Shami  : भारतीय संघाचा स्टार गोलंदाज मोहम्मद शमीने मोठी घोषणा करत कसोटी क्रिकेटमधून निवृत्ती जाहीर केली आहे. सोशल मीडियावर एक व्हिडिओ पोस्ट करत शमीने कसोटी क्रिकेटमधून आपली निवृत्ती जाहीर केली आहे. अचानक घेतलेल्या या निर्णयामुळे शमीचे लाखो चाहते नाराज झाले आहे. मी व्हाइट जर्सीला निरोप देत आहे, पण त्यासोबतच्या आठवणींना मात्र कधीही निरोप देणार नाही असं शमीने या व्हिडिओत म्हटलं आहे.

कसोटी क्रिकेट हे केवळ एक फॉरमॅट नव्हते, तर त्याच्या आयुष्याचा एक अविभाज्य भाग होते. जेव्हा त्याने पहिल्यांदा ही जर्सी परिधान केली, तेव्हापासूनच त्याने आपल्या देशासाठी काहीतरी महत्त्वपूर्ण कामगिरी करण्याचे स्वप्न पाहिले होते असं देखील आपल्या व्हिडिओत शमी (Mohammed Shami) म्हणाला.

शमीने 2013 मध्ये भारतासाठी कसोटी क्रिकेटमध्ये पदार्पण केले. वेस्ट इंडिजविरुद्धच्या याच सामन्यात रोहित शर्मानेही पदार्पण केले होते, ज्याने शानदार शतक झळकावत ‘सामनावीर’ (प्लेअर ऑफ द मॅच) पुरस्कार पटकावला. मात्र, भारताच्या डावाने मिळवलेल्या विजयात शमीची भूमिका अत्यंत महत्त्वाची होती. त्याने पहिल्या डावात 4 आणि दुसऱ्या डावात 5 विकेट्स घेतले होते.  जसप्रीत बुमराह, भुवनेश्वर कुमार, इशांत शर्मा आणि उमेश यादव यांच्यासोबत मिळून, शमीने गेल्या दशकात भारताच्या कसोटी गोलंदाजी आक्रमणाला जगातील सर्वात घातक आक्रमणांपैकी एक बनवण्यात मोलाचा वाटा उचलला. यामुळेच भारताला ऑस्ट्रेलियामध्ये कसोटी मालिका जिंकणे शक्य झाले, तसेच इंग्लंड आणि दक्षिण आफ्रिकेतील अनेक कसोटी सामन्यांत विजय मिळवता आले.

Safed jersey se vida le raha hoon, lekin usse judi yaadon se kabhi nahi… 🇮🇳❤️

Jab pehli baar Bharat ki Test jersey pehni thi, tab sirf ek sapna tha — apne desh ke liye kuch kar dikhane ka..

Uske baad har wicket, har sangharsh, har chot aur har comeback ne mujhe kuch na kuch sikhaya.

Test cricket mere liye sirf ek format nahi, meri zindagi ka ek behad khaas hissa raha hai.

Aaj bhaari dil aur anginat khoobsurat yaadon ke saath main Test cricket se retirement lene ka faisla kar raha hoon.

Is safar mein mera saath dene wale har teammate, coach, family aur un karodon Bharatiyon ka dil se shukriya, jinhone achhe aur mushkil dono waqt mein mujh par bharosa banaye rakha..

BCCI aur Cricket Association of Bengal (CAB) ka bhi dil se shukriya, jinhone mere talent par bharosa kiya, mujhe aage badhne ke mauke diye aur mere cricket ke safar mein ek aham bhoomika nibhayi. Aapka saath aur vishwas mere liye hamesha khaas rahega.

Maidan par meri aakhri Test ball bhale hi fenki ja chuki ho, lekin Bharat ke liye khelne ka garv hamesha mere dil mein zinda rahega.

Shukriya, Test Cricket. ❤️

Aapka Shami 🇮🇳

#Mdshami11 #Mdshami #TestCricket #Retirement

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 6, 2026

शमीची कारकिर्दी 

2023 चा ‘वर्ल्ड टेस्ट चॅम्पियनशिप’ अंतिम सामना हा शमीचा भारतासाठी शेवटचा कसोटी सामना ठरला. आपल्या 64  कसोटी सामन्यांच्या कारकिर्दीत त्याने एकूण 229 विकेट्स घेतले, ज्यामध्ये सहा वेळा एका डावात 5 किंवा त्यापेक्षा जास्त विकेट्स घेण्याचा (फाईव्ह-विकेट हॉल) पराक्रम समाविष्ट आहे. त्याची गोलंदाजी सरासरी 27.71 आणि स्ट्राईक रेट 50 इतका राहिला. त्याची सर्वोत्तम कामगिरी 2018 मध्ये पर्थ येथे ऑस्ट्रेलियाविरुद्धच्या कसोटी सामन्यात पाहायला मिळाली, जिथे त्याने दुसऱ्या डावात 56 धावा देऊन 6 विकेट्स घेतले होते. शमीने ऑस्ट्रेलिया, दक्षिण आफ्रिका आणि भारत या तिन्ही देशांत प्रत्येकी दोन वेळा एका डावात 5 विकेट्स  घेण्याचा पराक्रम केला आहे.

उत्पन्नाचे नवीन मार्ग खुले होणार; सिंह राशीसह आज ‘या’ 5 राशींना मिळणार आर्थिक लाभ

शमीने आपल्या यशस्वी कसोटी कारकिर्दीबद्दल टीम इंडिया, चाहते, बीसीसीआय (BCCI) आणि बंगाल क्रिकेट परिवाराचे आभार मानले आहेत. त्याने लिहिले, “या प्रवासात मला साथ देणाऱ्या प्रत्येक सहकाऱ्याचे, प्रशिक्षकाचे आणि कुटुंबातील सदस्याचे मनापासून आभार. तसेच, चांगल्या आणि कठीण अशा दोन्ही काळात माझ्यावर विश्वास ठेवणारे लाखो भारतीय चाहते, तुमचेही खूप खूप आभार!माझ्या प्रतिभेवर विश्वास ठेवल्याबद्दल, मला प्रगतीची संधी दिल्याबद्दल आणि माझ्या क्रिकेट प्रवासात मोलाची भूमिका बजावल्याबद्दल बीसीसीआय आणि क्रिकेट असोसिएशन ऑफ बंगाल (CAB) यांचेही मी मनापासून आभार मानतो. तुमचा पाठिंबा आणि विश्वास माझ्यासाठी नेहमीच खास राहील.”

संबंधित बातम्या