Matrubhumi : सलमान खान फिल्म्स संगीतने सर्वांच्या आवडीच्या ‘चांद देख लेना’ या गाण्याचा एक विशेष पडद्यामागील व्हिडिओ सादर केला आहे, ज्यातून या गाण्याच्या निर्मितीमागील खास क्षणांची झलक पाहायला मिळते. हे गाणे आधीच प्रेक्षकांच्या मनाला भिडले आहे. सोशल मीडियावर व्हिडिओ स्टुडिओने मेकिंग व्हिडिओ प्रदर्शित केला असून “तुम्ही पसंत केलेल्या प्रत्येक दृश्यामागचा प्रवास… ‘चांद देख लेना’ मेकिंग आता पाहा!” असं कॅप्शन दिलंय.
या पडद्यामागील व्हिडिओमध्ये चित्रीकरणादरम्यानचे अनेक खास आणि संस्मरणीय क्षण दाखवले आहेत. दृश्यांची बारकाईने केलेली तयारी ते सलमान खान आणि चित्रांगदा सिंह यांच्यातील सुंदर केमिस्ट्रीपर्यंत सर्व काही यात दिसते. तसेच नृत्यदिग्दर्शक वैभवी मर्चंट कलाकारांना पावले शिकवत मार्गदर्शन करताना दिसत आहेत.
हिमेश रेशमिया यांनी संगीतबद्ध केलेले हे गाणे प्रेम आणि तडफडीचा पारंपरिक हिंदी चित्रपट शैलीतील अनुभव देते. ‘चांद देख लेना’ या गाण्याला युवा गायक निहाल ताउरो आणि अंकोना मुखर्जी यांनी आवाज दिला आहे.
‘मातृभूमी : मे वॉर रेस्ट इन पीस’ ही निर्मिती सलमा खान यांनी केली असून दिग्दर्शन अपूर्व लाखिया यांनी केले आहे. ही कथा शौर्य, त्याग आणि जिद्दीची प्रभावी कहाणी सादर करणार असल्याचे सांगितले जात आहे. या चित्रपटात चित्रांगदा सिंह महत्त्वाच्या भूमिकेत दिसणार आहेत.