Nishaanchi On OTT : निशांची पार्ट 1 आणि 2 हे दोन्ही भाग 14 नोव्हेंबर रोजी भारतात आणि जगभरातील 240 हून अधिक देश व प्रदेशांमध्ये प्राइम व्हिडिओवर प्रदर्शित झाले आहे. त्यामुळे दुहेरी नाट्य, ॲक्शन आणि भावना अनुभवण्यासाठी सज्ज व्हा, कारण पूर्ण गाथा एकत्र रिलीज होत आहे.
अजय राय आणि रंजन सिंग यांच्या जार पिक्चर्स या बॅनरखाली, फ्लिप फिल्म्सच्या सहनिर्मितीत निशांची चित्रपटाची निर्मिती झाली आहे. अनुराग कश्यप दिग्दर्शित आणि प्रसून मिश्रा, रंजन चंदेल आणि अनुराग कश्यप लिखित या चित्रपटात पदार्पण करणारे ऐश्वर्य ठाकरे दुहेरी भूमिकेत दिसतात. त्यांच्यासोबत वेदिका पिंटो, मोनिका पंवार, मोहम्मद झीशान अय्यूब, कुमुद मिश्रा आणि विनीत कुमार सिंग यांच्या महत्वाच्या भूमिका आहेत.
भारतातील सर्वाधिक पसंत केलेल्या मनोरंजनाच्या ठिकाणांपैकी एक असलेल्या प्राइम व्हिडिओने निशांची या Amazon MGM Studios India च्या देसी मसाला एंटरटेनरच्या स्ट्रीमिंग प्रीमियरची तारीख 14 नोव्हेंबर असल्याचे जाहीर केली होती. सप्टेंबर 2025 मध्ये पार्ट 1 थिएटरमध्ये प्रदर्शित झाल्यानंतर, प्राइम व्हिडिओ दोन्ही भाग एकत्र प्रदर्शित करणार आहे, ज्यामुळे प्रेक्षकांना अनुराग कश्यप यांच्या गुन्हे-जगाच्या तीव्र, भावनात्मक आणि संपूर्ण अनुभवाचा आनंद घेता येईल.
अनुराग कश्यप दिग्दर्शित निशांची ची निर्मिती अजय राय आणि रंजन सिंग यांनी जार पिक्चर्सच्या बॅनरखाली फ्लिप फिल्म्सच्या सहकार्याने केली आहे. प्रसून मिश्रा, रंजन चंदेल आणि अनुराग कश्यप यांनी या कथेचे लेखन केले आहे. दुहेरी भूमिकेत प्रभावी पदार्पण करणारे ऐश्वर्य ठाकरे यात प्रमुख भूमिकेत आहेत, तर वेदिका पिंटो, मोनिका पंवार, मोहम्मद झीशान अय्यूब, कुमुद मिश्रा आणि विनीत कुमार सिंग यांच्या भूमिका महत्त्वपूर्ण आहेत. निशांची पार्ट 1 आणि पार्ट 2 आजपासून भारतात तसेच जगभरातील 240 हून अधिक देशांमध्ये हिंदी भाषेत आणि इंग्रजी सबटायटल्ससह प्राइम व्हिडिओवर उपलब्ध होत आहेत.
निशांची, हा दोन भागांचा चित्रपट, एकसारखा चेहरा पण पूर्णतः भिन्न मूल्यव्यवस्था असलेल्या जुळ्या भावांची कथा सांगतो. बंधुत्व, विश्वासघात, प्रेम आणि मुक्ती यांची गुन्हे-जगाच्या पार्श्वभूमीवर उभी केलेली गाथा. पार्ट 1 मध्ये मंजीरी (मोनिका पंवार), एक माजी ट्रॅप शार्पशूटर, आणि तिचे जुळे मुलगे — बबलू आणि डबलू (दोन्ही भूमिका ऐश्वर्य ठाकरे) यांची ओळख करून दिली जाते. एक जाज्वल्य व महत्त्वाकांक्षी, तर दुसरा शांत व संभ्रमित. अंबिका प्रसाद (कुमुद मिश्रा) यांच्या गँगमध्ये बबलू ओढला जातो आणि रिंकू (वेदिका पिंटो) वर प्रेम झाल्यानंतर त्याचे आयुष्य नियंत्रणाबाहेर जाते. रिंकू ही त्याने कधीकाळी ठार केलेल्या व्यक्तीची मुलगी असते.
अपराध आणि सूडाच्या संघर्षात त्याचे आयुष्य गुंतून जाते. पार्ट 2 या गाथेला पुढे नेतो, जिथे बबलू मुक्ती शोधत असतो पण पुन्हा अंबिकाच्या जगात खेचला जातो, आणि शेवटी दबलेल्या सत्यांचा उद्रेक होऊन न्यायाची निर्णायक परिणती घडते. दमदार संवाद, प्रभावी संगीत आणि अनुराग कश्यप यांची खास कथनशैली यामुळे निशांची एक तीव्र आणि अविस्मरणीय सिनेमॅटिक अनुभव देण्याचे आश्वासन देते.
प्राइम व्हिडिओ इंडिया चे डायरेक्टर आणि हेड ऑफ ओरिजिनल्स निखिल मधोक म्हणाले, “दोन भागांचा चित्रपट असलेला निशांची आम्ही जगभरातील प्रेक्षकांसमोर आणत आहोत याचा आम्हाला अत्यंत आनंद आहे. दोन्ही भाग एकत्र प्रदर्शित होत असल्याने, प्रेक्षकांना संपूर्ण कथा एकाच वेळी अनुभवता येईल — तीव्र, भावनांनी भरलेली आणि अनेक स्तरांनी गुंफलेली अशी ही कथा अनुराग कश्यप यांच्या निर्भीड आणि अनफिल्टर्ड फिल्ममेकिंग शैलीचे उत्तम उदाहरण आहे. अनुराग आणि त्यांच्या टीमसोबतची आमची ही सहप्रवास खूपच समृद्ध करणारी होती. प्रभावी अभिनय, मनाला भिडणारे संगीत आणि पारंपरिक देसी रंग यांनी सजलेला निशांची 14 नोव्हेंबर रोजी प्राइम व्हिडिओवर प्रदर्शित होत असताना भारत आणि जगभरातील प्रेक्षकांसाठी अविस्मरणीय अनुभव ठरणार आहे.”
Bihar Election Result 2025 : बिहारमध्ये मतमोजणीला सुरूवात, NDA की महागठबंधन कोण मारणार बाजी ?
दिग्दर्शक अनुराग कश्यप म्हणाले, “निशांची ही अशी कथा आहे ज्यात मला हिंदी सिनेमाबद्दलचे माझे सगळे प्रेम सापडते. भावना, तीव्रता, गोंधळ, ॲक्शन आणि भरपूर ड्रामा. ही माझ्यासाठी अत्यंत वैयक्तिक फिल्म आहे आणि त्यामुळे लेखनापासून शूटिंगपर्यंत आणि पात्रनिर्मितीपर्यंत सर्वकाही अपार आवेश आणि प्रामाणिकपणे घडवले गेले आहे. ही एक कौटुंबिक गाथा आहे. पार्ट 1 गुन्हे-जग आणि आपल्याला परिभाषित करणाऱ्या निवडींबद्दल सखोल पडताळणी करते, तर पार्ट 2 शिक्षा, मुक्ती आणि त्या निवडींसाठी मोजावी लागणारी किंमत याबद्दल आहे. माझ्या कलाकार, टीम आणि Amazon MGM Studios India चे मी मनापासून आभार मानतो. दोन्ही भाग एकत्र अनुभवण्यासाठी मी भारतातील आणि जगभरातील प्रेक्षकांची आतुरतेने वाट पाहत आहे.
