रिलीज डेटनंतर प्राइम व्हिडिओने सादर केला ‘द फॅमिली मॅन’च्या तिसऱ्या सीझनचा दमदार ट्रेलर

Prime Video releases powerful trailer for the third season of ‘The Family Man’ after release date : भारतातील सर्वाधिक प्रिय डिजिटल मनोरंजन व्यासपीठ प्राइम व्हिडिओने आज मुंबईत चाहत्यांसाठी आणि माध्यमांसाठी आयोजित एका भव्य कार्यक्रमात ‘द फॅमिली मॅन’ सीझन 3 चा उत्कंठावर्धक ट्रेलर लाँच केला.राज आणि डीके यांनी त्यांच्या D2R Films या बॅनरखाली निर्मित केलेली ही बहुचर्चित, उच्च-ताणाची गुप्तहेर मालिका पुन्हा एकदा परत येत आहे. यात मनोज बाजपेयी साकारत असलेला आयकॉनिक गुप्तहेर श्रीकांत तिवारी याची कथा या वेळी नव्या वळणावर पोहोचते—कारण आता तो स्वतःच्या कुटुंबासह TASC या आपल्या गुप्तचर विभागापासून आणि दोन नव्या, भयंकर शत्रूंपासून—रुक्मा (जयदीप अहलावत) आणि मीरा (निम्रत कौर) पासून पळ काढत आहे. एकेकाळचा शिकारी आता स्वतःच शिकार बनला आहे.

धनंजय मुंडेंच्या पलटवारानंतर जरांगे पाटील पुराव्यांसह मैदानात, धनंजय मुंडेंची थेट रेकॉर्डिंगच ऐकवली

या विस्फोटक ट्रेलरमध्ये प्रेक्षकांना गुप्तहेरांच्या गुंतागुंतीच्या आणि धोकादायक जगात नेले जाते, जिथे श्रीकांतचे आयुष्य कोलमडत चालले आहे. नेहमीप्रमाणेच विनोदी संवाद, जबरदस्त अ‍ॅक्शन, थरारक पाठलाग आणि वैयक्तिक व व्यावसायिक आयुष्याची गुंतागुंत – या सर्व घटकांनी भरलेला हा नवीन सीझन चाहत्यांना पुन्हा एकदा खिळवून ठेवणार आहे. सीझनचे लेखन राज, डीके आणि सुमन कुमार यांनी केले असून, संवाद सुमित अरोरा यांचे आहेत. दिग्दर्शनाची जबाबदारी राज आणि डीके यांच्यासोबत सुमन कुमार आणि तुषार सेठ यांनी सांभाळली आहे.

…म्हणून पार्थ पवारांवर गुन्हा दाखल केला नाही; बावनकुळेंनी उलगडून सांगितले नियम

या सीझनमध्ये मनोज बाजपेयींसोबत जयदीप अहलावत आणि निम्रत कौर हे नव्या भूमिकांमध्ये झळकणार आहेत. तसेच आधीच्या सीझनमधील प्रिय कलाकार पुन्हा एकत्र येणार आहेत — शारिब हाशमी (जे.के. तलपदे), प्रियमणी (सुचित्रा तिवारी), अश्लेशा ठाकूर (ध्रुती तिवारी), वेदांत सिन्हा (अथर्व तिवारी), श्रेय धन्वंतरी (झोया) आणि गुल पनाग (सलोनी). द फॅमिली मॅन’ सीझन 3प्राइम व्हिडिओवर 21नोव्हेंबरपासून भारतासह जगभरातील 240षा अधिक देश आणि प्रदेशांमध्ये पाहायला मिळणार आहे.

Video : कर्मा रिपीट्स, जरांगे फार महागात पडणार धनंजय मुंडेंचं प्रत्युत्तर

राज आणि डीके म्हणाले , “या सीझनमध्ये श्रीकांतचे व्यावसायिक आणि वैयक्तिक आयुष्य पूर्णपणे उलथून गेले आहे. तो आपल्या कुटुंबासह एका नव्या आणि भीषण संकटात सापडतो. रुक्मा आणि मीरा या भूमिकांसाठी जयदीप आणि निम्रत ही परिपूर्ण जोडी आहे. या सीझनमधून प्रेक्षकांना अधिक ताण, थरार आणि भावनिक संघर्ष अनुभवायला मिळेल.”

पुरावे नसतानाही बातम्या चालवतात अन्… मंत्री चंद्रकांत पाटील भडकले

मनोज बाजपेयी म्हणाले, “गेल्या चार वर्षांपासून चाहते मला विचारत होते — ‘श्रीकांत तिवारी केव्हा परत येणार?’ आणि अखेर त्याचे उत्तर मिळाले आहे! नवीन सीझन आधीपेक्षा मोठा, धाडसी आणि अधिक रोमांचक आहे. राज आणि डीके यांच्या दृष्टीकोनामुळे आणि प्राइम व्हिडिओच्या साथीनं ‘द फॅमिली मॅन’ आज देशातील सर्वाधिक प्रिय मालिकांपैकी एक बनली आहे. मला खात्री आहे की प्रेक्षक या सीझनलाही तितकंच प्रेम देतील.”

भटक्या श्वानांबाबत सुप्रीम कोर्टाचे महत्त्वाचे आदेश; शाळा, मैदानं, रस्त्यांवरून सर्व श्वान उचला

यदीप अहलावत म्हणाले, “‘द फॅमिली मॅन’सारख्या उत्कृष्ट मालिकेचा भाग होणे माझ्यासाठी सन्मानाची बाब आहे. राज आणि डीके यांच्यासोबत काम करणे ही एक सर्जनशील आनंददायक अनुभूती आहे. माझी भूमिका प्रेक्षकांना नक्कीच आश्चर्यचकित करेल.” म्रत कौर म्हणाल्या, “मी ‘द फॅमिली मॅन’ची चाहती आहे आणि या सीझनमध्ये एक ताकदवान नवा पात्र म्हणून सामील होणे हे माझ्यासाठी स्वप्नवत अनुभव आहे. मनोज आणि जयदीप यांच्यासोबत काम करणे आव्हानात्मक पण अतिशय समाधानकारक होते. कथानकातील अप्रत्याशित वळणांमुळे प्रेक्षक हा सीझन एकाच वेळी बघून संपवतील, यात शंका नाही.”