Anupam Kher lends his voice to Jatayu in the Ramayanam movie: व्यक्तिरेखांच्या पोस्टर्सच्या मालिकेतून प्रेक्षकांची उत्सुकता वाढवत, नमित मल्होत्रा यांच्या ‘रामायणम्’च्या निर्मात्यांनी जटायूचे नवे पोस्टर प्रदर्शित केले आहे. साहस आणि धर्माचे पूजनीय प्रतीक असलेल्या जटायूच्या व्यक्तिरेखेला अनुपम खेर यांनी आपला आवाज दिला आहे. चित्रपटाच्या पहिल्या भागाच्या अ‍ॅडव्हान्स बुकिंगला दसऱ्याच्या दिवशी सुरुवात होण्यासाठी आता अवघे 8 दिवस शिल्लक आहेत. हा चित्रपट 5 नोव्हेंबर 2026 रोजी जगभरातील चित्रपटगृहांमध्ये प्रदर्शित होण्यासाठी सज्ज आहे.
Viral Story : पहिल्या डेटवर लाखोंचा खर्च, दुसऱ्याच दिवशी तरुणीचा नकार कारण काय तर, टंXXल
नमित मल्होत्रा यांच्या ‘रामायणम्’च्या निर्मात्यांनी जटायूचे नवे पोस्टर प्रदर्शित केले असून, त्यातून महाकाव्यातील सर्वाधिक पूजनीय पात्रांपैकी एक असलेल्या जटायूची ओळख प्रेक्षकांना करून देण्यात आली आहे. या व्यक्तिरेखेला अनुपम खेर यांनी आपला आवाज दिला आहे. हे नवे पोस्टर चित्रपटातील विविध व्यक्तिरेखांची ओळख करून देणाऱ्या मालिकेचा एक भाग आहे. या माध्यमातून प्रेक्षकांना या कालातीत महागाथेतील महत्त्वपूर्ण पात्रांची झलक पाहायला मिळत आहे.
पोस्टरमध्ये जटायूचा क्लोज-अप दाखवण्यात आला आहे, ज्यामध्ये त्यांची गहन आणि प्रभावी नजर विशेष लक्ष वेधून घेते. तर दुसऱ्या दृश्यात जटायू आपले विशाल पंख पसरवताना दिसतात. ‘धर्माचे पंख’ असे शीर्षक असलेले हे पोस्टर जटायूचे साहस, दृढनिश्चय आणि सत्याच्या बाजूने उभे राहण्यावरील त्यांचा अढळ विश्वास अधोरेखित करते.
सोशल मीडियावर पोस्टर शेअर करत निर्मात्यांनी लिहिले,
“जेव्हा अधर्माने आकाशात झेप घेतली, तेव्हा त्याचा सामना करण्यासाठी साहस उभे राहिले.
त्यांनी विजयासाठी नव्हे, तर जे योग्य आहे त्यासाठी युद्ध केले.
जटायू. धर्माचे पंख.
‘रामायणम्’मध्ये जटायूच्या भूमिकेला अनुपम खेर यांचा आवाज.”
महाकाव्य रामायणात माता सीतेला रावणाच्या तावडीतून वाचवण्यासाठी केलेल्या शूर प्रयत्नांमुळे जटायू यांना स्मरणात ठेवले जाते. रावणाची अफाट शक्ती आणि त्याच्याशी लढताना समोर येणारी कठीण आव्हाने माहीत असूनही जटायू त्याचा सामना करतात. त्यांचे हे साहस त्याग, निष्ठा आणि धर्माच्या मूल्यांचे दर्शन घडवते. अनुपम खेर आपल्या आवाजाच्या माध्यमातून या पूजनीय पात्राचे साहस, दृढ विश्वास आणि शौर्य पडद्यावर जिवंत करतात.
जगातील सर्वात प्रतिष्ठित महाकाव्यांपैकी एक असलेल्या रामायणाची भव्य कथा मोठ्या पडद्यावर साकारण्यासाठी सज्ज असलेल्या या चित्रपटात रणबीर कपूर भगवान राम, साई पल्लवी माता सीता, रॉकिंग स्टार यश रावण, सनी देओल हनुमान आणि रवी दुबे लक्ष्मण यांच्या भूमिकेत दिसणार आहेत.
दमदार कलाकारांची फौज उलगडवणार रहस्याच्या सावलीत ‘खग्रास’ची गोष्ट! चित्रपटाचे टायटल पोस्टर प्रदर्शित
नितेश तिवारी यांच्या दिग्दर्शनाखाली तयार झालेल्या ‘रामायणम्’ची निर्मिती नमित मल्होत्रा यांच्या प्राइम फोकस स्टुडिओजने आठ वेळा ऑस्कर पुरस्कार जिंकलेल्या DNEG आणि यश यांच्या मॉन्स्टर माइंड क्रिएशन्सच्या सहकार्याने केली आहे. दोन भागांमध्ये साकारण्यात येणाऱ्या या महागाथेचा पहिला भाग 5 नोव्हेंबर 2026 रोजी जगभरात प्रदर्शित होणार आहे, तर दुसरा भाग दिवाळी 2027 मध्ये चित्रपटगृहांत दाखल होईल.
हा चित्रपट भारतात हिंदी, तमिळ, तेलुगू, कन्नड आणि मल्याळम या भाषांमध्ये प्रदर्शित होणार आहे. तसेच, हा चित्रपट IMAX फॉरमॅटमध्येही प्रदर्शित केला जाणार आहे. सोनी पिक्चर्स भारत वगळता जगभरात या चित्रपटाचे वितरण करणार आहे, तर हिंदी भाषिक बाजारपेठेतील वितरणाची जबाबदारी धर्मा प्रॉडक्शन्स सांभाळणार आहे.