Rashmika Mandanna Entry In Sikandar: सलमान खानचा (Salman Khan) चित्रपट ‘सिकंदर’ (Sikandar Movie) लोकांमध्ये खूप लोकप्रिय आहे. या चित्रपटाची घोषणा झाल्यापासून लोक त्याच्या प्रदर्शनाची वाट पाहत आहेत. विशेष म्हणजे ‘सिकंदर’ हा सिनेमा 2025 च्या ईदला रिलीज होणार आहे. निर्मात्यांनी चित्रपटाच्या प्रदर्शनाच्या तारखेबाबत अधिकृत घोषणाही केली आहे. या चित्रपटात सलमान खानसोबत कोण दिसणार याची चाहत्यांना प्रतीक्षा होती. आता त्यात महत्वाची माहिती समोर आली आहे. सिकंदरमध्ये एक अनोखी जोडी पाहायला मिळणार आहे. ही अभिनेत्री दुसरी कोणी नसून रश्मिका मंदान्ना (Rashmika Mandanna) असल्याची माहिती देण्यात आली आहे.
सिकंदर हा चित्रपट साजिद नाडियादवाला (Sajid Nadiadwala) यांच्या प्रॉडक्शन हाऊस अंतर्गत बनत असून त्याचे दिग्दर्शन एआर मुरुगादास करत आहेत. पुष्पा आणि ‘ॲनिमल’च्या यशानंतर रश्मिका आता पहिल्यांदाच सलमान खानसोबत काम करणार आहे. साजिद नाडियादवाला नव्या जोडीच्या शोधात होता, कारण स्क्रिप्टचीही तीच मागणी होती.
रश्मिका खूप उत्साहित
साजिद नाडियाडवालाने रश्मिका मंदानाला कथा सांगताच ती तिच्या भूमिकेबद्दल खूप उत्सुक होती. तिने लगेचच चित्रपट करण्यास होकार दिला. ‘सिकंदर’ हा केवळ ॲक्शनपट नाही. ही एक अतिशय सशक्त कथा आहे जी नाट्य आणि भावनांनी भरलेली आहे. ज्यासाठी सलमान आणि रश्मिक दोघेही चित्रपट करण्यास उत्सुक आहेत.
Salman Khan गोळीबार प्रकरणात मोठा खुलासा; अन्य दोन अभिनेत्यांच्या घरांची करण्यात आली होती रेकी
जूनमध्ये शूटिंग सुरू
रश्मिका आणि सलमान जूनपासून चित्रपटाची शूटिंग सुरू करणार आहेत. सिकंदरसोबत सलमान आणि साजिद पुन्हा एकदा एकत्र येत आहेत. याआधी दोघांनी किकमध्ये एकत्र काम केले होते. दोघांमध्ये अनेक चित्रपटांबद्दल बोलणे झाले होते पण लगेचच सिकंदरला होकार देण्यात आला आणि आता प्री-प्रॉडक्शनही सुरू झाले आहे.
वर्कफ्रंटबद्दल सांगायचे तर, रश्मिका ॲनिमलच्या यशाचा आनंद घेत आहे. चाहते त्याच्या पुष्पा 2 या चित्रपटाची आतुरतेने वाट पाहत आहेत. या चित्रपटातील रश्मिकाचा लूकही समोर आला आहे. हा चित्रपट 15 ऑगस्टला चित्रपटगृहात प्रदर्शित होणार आहे.
