Sachin Pilgaonkar praises Ranveer Singh’s performance in Dhurandhar : धुरंधर फ्रँचायझीमध्ये हमजा आणि जस्किरत या व्यक्तिरेखा साकारल्याबद्दल रणवीर सिंहचं कौतुक इंडस्ट्री आणि प्रेक्षकांमध्ये सतत होत आहे. समीक्षकांपासून चाहत्यांपर्यंत सर्वजण त्याच्या अभिनयाचं भरभरून कौतुक करत आहेत, ज्यामध्ये त्याने आपल्या भूमिकांमध्ये तीव्रता, संयम आणि भावनिक खोली दाखवली आहे. दोन्ही चित्रपटांमधील त्याच्या अभिनयाला मोठी पसंती मिळाल्यानंतर, आता ज्येष्ठ अभिनेते-दिग्दर्शक सचिन पिळगांवकर यांनीही रणवीरच्या अभिनयकौशल्याचं आणि त्याच्या समर्पणाचं मनापासून कौतुक केलं आहे.
रणवीरच्या अभिनयाबद्दल बोलताना सचिन पिळगांवकर म्हणाले, “मला रणवीरचा 83 मधला अभिनय खूप आवडतो. अभिनेता म्हणूनही मला रणवीर खूप आवडतो. तो भूमिकेमध्ये पूर्णपणे शिरून काम करतो. मला असे कलाकार खूप आवडतात जे भूमिकेत पूर्णपणे झोकून देऊन काम करतात. त्यामुळे तो मला जेव्हा भेटेल तेव्हा मी त्याला नक्कीच 100 रुपये द्यायला आवडेल. मला धुरंधरमधील त्याचं कामही खूप आवडलं. अक्षय खन्ना लोकांना खूप आवडला, त्याने खूप छान काम केलं, त्याची भूमिका ऑथर-बॅक्ड होती. पण रणवीरच्या भूमिकेची मर्यादा अशी होती की त्याला स्पाय म्हणून तो नेमका काय आहे हे उघडपणे दाखवायचं नव्हतं. अशा वेळी स्वतःला आवरून ठेवणं, रणवीरने जे केलं आहे ते लाजवाब आहे.”
171 धार्मिक लिंक्स, प्रार्थना आणि पोशाख बदलण्याचा दबाव; नाशिक धर्मांतर प्रकरणात धक्कादायक खुलासे
ज्येष्ठ अभिनेत्यांनी विशेषतः धुरंधरमध्ये रणवीरने आपल्या भूमिकेतील रहस्य आणि संयम ज्या पद्धतीने जपलं, त्याचं खास कौतुक केलं. हीच गोष्ट त्याच्या स्पाय नायकाच्या अभिनयाची सर्वात मोठी खासियत ठरली. फ्रँचायझीमध्ये भावनिक वजन आणि अनपेक्षितता आणण्याचं मोठं श्रेय त्याच्या अभिनयाला दिलं जात आहे.
धुरंधर: द रिव्हेंजसोबत रणवीर सिंहने बॉक्स ऑफिसवरही इतिहास रचला आहे. 1000 कोटी हिंदी नेट क्लबचा संस्थापक ठरणारा तो पहिला अभिनेता बनला असून, त्यामुळे त्याने स्वतःला नव्या बॉक्स ऑफिस सम्राटाच्या रूपात स्थापित केलं आहे. धुरंधर फ्रँचायझीच्या ब्लॉकबस्टर यशामुळे त्याची केवळ व्यावसायिक ताकदच वाढलेली नाही, तर देशातील सर्वोत्तम अभिनेत्यांपैकी एक म्हणून त्याची ओळखही अधिक मजबूत झाली आहे.