Shilpa Shetty Case Registered: अभिनेत्री शिल्पा शेट्टी (Shilpa Shetty) अभिनय, फिटनेस या गोष्टींसाठी ओळखली जाते. नुकतंच रोहित शेट्टीच्या (Rohit Shetty) ‘इंडियन पुलिस फोर्स’ (Indian Police Force) सीरिजमध्ये ती झळकली. शिल्पाचा सोशल मीडियावरही मोठा चाहतावर्ग आहे. आता बॉलिवूड (Bollywood) अभिनेत्री शिल्पा शेट्टी पुन्हा एकदा अडचणीत आली आहे. तिच्याविरोधात मुझफ्फरपूर सीजेएम कोर्टात तक्रार दाखल करण्यात आली आहे. चार जणांविरोधात ही तक्रार करण्यात आली आहे. या प्रकरणी 11 नोव्हेंबर 2024 रोजी सुनावणी होणार आहे. सर्वसामान्यांच्या सुविधांमध्ये अडथळा आणल्याचा आरोप तिच्यावर करण्यात आला आहे.
काय आहे प्रकरण
मिळालेल्या माहितीनुसार शिल्पा शेट्टीने रविवारी संध्याकाळी कल्याण ज्वेलरीच्या उद्घाटन सोहळ्याला हजेरी लावली. कलाम बाग चौकाजवळ हा कार्यक्रम होता. जिथे शिल्पा शेट्टी पाहुण्या म्हणून पोहोचली होती. अशा स्थितीत रस्त्याच्या दुतर्फा मोठी गर्दी झाली होती. परिणामी सर्वसामान्य नागरिकांना मोठ्या प्रमाणात वाहतूक कोंडीचा सामना करावा लागला.
शिल्पा शेट्टीविरोधात तक्रार
तक्रार दाखल करणारे अधिवक्ता सुधीर कुमार ओझा यांनी सांगितले की, अशा खासगी कार्यक्रमामुळे तासनतास रस्त्यावर वाहतूक कोंडी होते. सर्वसामान्यांनाही अनेक समस्यांना सामोरे जावे लागले. त्यांनी अभिनेत्रीसह डीएम सुब्रत सेन, कल्याण ज्वेलर्सचे टीएम कल्याण रमण आणि इतरांविरोधात तक्रार दाखल केली आहे. आता या प्रकरणाची सुनावणी 11 नोव्हेंबरला होणार आहे.
Shilpa Shetty : शिल्पा शेट्टीच्या सोनेरी साडीतील मोहक अदा
यावर्षी जूनमध्येही शिल्पा शेट्टी आणि तिचा पती राज कुंद्रा कायदेशीर अडचणीत सापडले होते. सराफा व्यापाऱ्याने फसवणुकीचा आरोप करत न्यायालयात खटला दाखल केला होता. त्यानंतर न्यायालयाने आपल्या आदेशात चौकशीचे आदेश दिले होते. ही बाब एका स्कीम स्टार्टशी संबंधित होती.
