Simultaneous shock delight for fans Major revelations regarding ‘Avengers: Doomsday’ and ‘Avengers: Secret Wars’ : मार्व्हल स्टुडिओजने यंदाच्या सर्वाधिक बहुप्रतीक्षित चित्रपटांपैकी एक असलेल्या ‘अॅव्हेंजर्स: डूम्सडे’चा पहिला ट्रेलर प्रदर्शित केल्यापासून चाहते त्याच्या प्रदर्शनाची आतुरतेने वाट पाहत आहेत. या उत्सुकतेत आणखी भर घालत मार्व्हल स्टुडिओजचे अध्यक्ष केविन फायगी यांनी नुकत्याच एका कार्यक्रमात या चित्रपटाबाबत महत्त्वाची माहिती दिली आहे.
महाराष्ट्र बँकेचा आडमुठेपणा शेतकऱ्यांच्या आड; रस्त्यावर उतरून तीव्र आंदोलनाचा दिला इशारा
फायगी यांच्या मते, ‘अॅव्हेंजर्स: डूम्सडे’ हा मार्व्हल स्टुडिओजने आजवर साकारलेल्या सर्वात भव्य आणि महत्त्वाकांक्षी चित्रपटांपैकी एक असणार आहे. या चित्रपटात मार्व्हलच्या विविध सिनेमॅटिक विश्वांतील पात्रे आणि कथा प्रथमच एकाच कथानकात एकत्र येणार आहेत.याबाबत बोलताना केविन फायगी म्हणाले, “‘डूम्सडे’ आणि त्यानंतर येणाऱ्या ‘सीक्रेट वॉर्स’ची कथा ही वेगवेगळ्या विश्वांच्या टकरीवर आधारित आहे. कॉमिक्सचे चाहते ही संकल्पना चांगली ओळखतात. आतापर्यंत स्वतंत्र सिनेमॅटिक विश्वांमध्ये असलेली अनेक पात्रे आता एका विश्वात एकत्र येणार आहेत. हा आमच्या कारकिर्दीतील सर्वात महत्त्वाकांक्षी आणि रोमांचक चित्रपट ठरू शकतो.”
तमन्ना भाटियाच्या दागिन्यांची अभिनेत्री; समंथा रुथ प्रभू झाली चाहती !
चित्रपटाच्या कथानकाविषयी अधिक माहिती न देता त्यांनी चाहत्यांसाठी मोठे संकेतही दिले. “मी कथानकाचा खुलासा करू इच्छित नाही. मात्र, चित्रपट पाहिल्यानंतर चाहते पूर्णपणे समाधानी होतील, पण त्याचवेळी त्यांना अनेक अनपेक्षित धक्केही बसतील. त्यानंतर पुढील चित्रपटासाठी संपूर्ण वर्षभर प्रतीक्षा करणे त्यांच्यासाठी अधिक कठीण होईल,” असे ते म्हणाले.
‘अॅव्हेंजर्स: डूम्सडे’ हा मार्व्हल स्टुडिओजच्या दोन भागांच्या ‘मल्टिव्हर्स सागा’च्या भव्य समारोपाची सुरुवात करणार आहे. त्यानंतर ‘अॅव्हेंजर्स: सीक्रेट वॉर्स’मध्ये विविध मार्व्हल विश्वांतील प्रतिष्ठित सुपरहिरो, लोकप्रिय पात्रे आणि दिग्गज कलाकार एकाच पडद्यावर पाहायला मिळणार आहेत. मार्व्हल स्टुडिओजचा ‘अॅव्हेंजर्स: डूम्सडे’ हा चित्रपट १८ डिसेंबर रोजी भारतातील चित्रपटगृहांमध्ये प्रीमियम फॉरमॅटमध्ये प्रदर्शित होणार आहे. हा चित्रपट इंग्रजी, हिंदी, तमिळ आणि तेलुगू भाषांमध्ये प्रेक्षकांच्या भेटीला येणार आहे.