Srikanth OTT Release Date: राजकुमार राव (Rajkummar Rao) आणि आलिया एफ यांचा चित्रपट ‘श्रीकांत’ (Srikanth Movie) गेल्या महिन्यात 10 मे रोजी थिएटरमध्ये प्रदर्शित झाला होता. या चित्रपटाने बॉक्स ऑफिसवर (Box Office) चांगली कमाई केली होती. या चित्रपटात राजकुमार राव (Rajkummar Rao) अंध व्यावसायिक श्रीकांत बोल्ला यांच्या भूमिकेत दिसला होता. राजकुमार रावचा अभिनय चाहत्यांना खूप आवडला होता. चित्रपटगृहांमध्ये आपली जादू दाखवल्यानंतर आता हा चित्रपट ओटीटीवर (OTT ) प्रदर्शित होणार आहे.
श्रीकांत कधी आणि कोणत्या ओटीटीवर होणार रिलीज?
तुषार हिरानंदानी दिग्दर्शित ‘श्रीकांत’ला थिएटरमध्ये पाहणे चुकवले असेल, तर राजकुमार रावचा हा चित्रपट आता नेटफ्लिक्सला टक्कर देणार आहे. नेटफ्लिक्स इंडियाने आपल्या अधिकृत इंस्टाग्राम हँडलवर राजकुमार रावच्या श्रीकांत चित्रपटाचे पोस्टर शेअर केले आहे. पोस्टनुसार हा चित्रपट 5 जुलै रोजी नेटफ्लिक्सवर स्ट्रीमिंगसाठी सज्ज आहे.
चित्रपटाची कथा आणि कलाकार
कथेबद्दल बोलताना हा चित्रपट आपल्याला श्रीकांत बोल्ला या अंध व्यावसायिकाच्या प्रवासाची ओळख करून देतो. दोन्ही डोळे नसतानाही त्याने न घाबरता आपल्या स्वप्नांचा पाठलाग केला. परदेशात शिक्षण घेतले आणि भारतात येऊन बोला इंडस्ट्रीजची स्थापना केली. राजकुमार राव व्यतिरिक्त श्रीकांतमध्ये ज्योतिका, अलाया एफ आणि शरद केळकर यांच्याही प्रमुख भूमिका आहेत. भूषण कुमार, कृष्ण कुमार आणि निधी परमार हिरानंदानी निर्मित, हा चित्रपट 10 मे 2024 रोजी अक्षय्य तृतीयेच्या मुहूर्तावर देशभरात प्रदर्शित झाला.
Srikanth: राजकुमार रावचा ‘श्रीकांत’ आता ‘या’ तारखेपासून OTT वर! कधी? कुठे? जाणून घ्या
राजकुमार राव वर्कफ्रंट
वर्क फ्रंटबद्दल बोलायचे झाले तर, राजकुमार राव शेवटचा ‘मिस्टर अँड मिसेस माही’मध्ये दिसला होता. या चित्रपटात त्याच्यासोबत जान्हवी कपूरही होती. चाहत्यांना हा चित्रपट खूप आवडला. याशिवाय ती स्त्री फ्रँचायझीच्या दुसऱ्या हप्त्यात दिसण्यासाठी सज्ज आहे. ‘स्त्री 2’ चा टीझर रिलीज झाला आहे आणि त्याने सर्व चाहत्यांमध्ये खळबळ उडवून दिली आहे. या चित्रपटात राजकुमार रावशिवाय श्रद्धा कपूर, पंकज त्रिपाठी, अपारशक्ती खुराना आणि अभिषेक बॅनर्जी यांच्या महत्त्वाच्या भूमिका आहेत.
