Box Office: कोकणातल्या मुंज्याने बॉक्स ऑफिस झपाटलं, अकराव्या दिवशी केली तब्बल ‘एवढ्या’ कोटींची कमाई

Munjya Box Office Collection Day 11: नुकताच प्रदर्शित झालेला हॉरर कॉमेडी चित्रपट ‘मुंज्या’ (Munjya Movie) बॉक्स ऑफिसवर (Box Office) तुफान आहे आणि चित्रपटगृहांमध्ये रिलीज झाल्याच्या पहिल्या दिवसापासूनच तो उत्तम कलेक्शन करत आहे. चित्रपटाने पहिल्या आठवड्यातच त्याची किंमत वसूल केली होती आणि आता चित्रपटाने प्रचंड गल्ला कमावला आहे. रिलीजच्या दुसऱ्या सोमवारी म्हणजे बकरीदच्या मुहूर्तावर ‘मुंज्या’ने किती कलेक्शन केले चला तर मग जाणून घेऊया?

 

View this post on Instagram

 

A post shared by Zee Music Company (@zeemusiccompany)

रिलीजच्या दुसऱ्या सोमवारी ‘मुंज्या’ने किती कमाई केली?

आदित्य सरपोतदार (Aditya Sarpotdar) दिग्दर्शित ‘मुंज्या’ हा चित्रपट बॉक्स ऑफिसवर दररोज कमाल करत आहे. स्टार पॉवरशिवाय कमी बजेटचा हा चित्रपट प्रेक्षकांनी मनापासून आवडला आहे. चित्रपटाची कथा एवढी पसंत केली जात आहे की, प्रेक्षक ‘मुंज्या’ पाहण्यासाठी चित्रपटगृहात येत आहेत. पहिल्या आठवड्यात भरघोस नफा कमावल्यानंतर आता हा चित्रपट दुसऱ्या आठवड्यातही चांगला व्यवसाय करत आहे.

चित्रपटाच्या कमाईबद्दल बोलायचे झाले तर ‘मुंज्या’ने 4 कोटी रुपयांचे खाते उघडले होते आणि पहिल्या आठवड्यात चित्रपटाने 35.3 कोटींची कमाई केली होती. रिलीजच्या दुसऱ्या आठवड्याच्या दुसऱ्या शुक्रवारी ‘मुंज्या’ने 3.5 कोटींची कमाई केली. दुस-या शनिवारी या चित्रपटाने 6.5 कोटी, तर दुसऱ्या रविवारी ‘मुंज्या’ने 8.5 कोटींचा गल्ला जमवला. आता चित्रपटाच्या प्रदर्शनाच्या 11व्या दिवशी दुसऱ्या सोमवारच्या कमाईचे आकडे आले आहेत.

Sacknilk च्या सुरुवातीच्या ट्रेंड रिपोर्टनुसार, ‘मुंज्या’ ने रिलीजच्या 11 व्या दिवशी म्हणजेच दुसऱ्या सोमवारी 4.35 कोटी रुपयांचा व्यवसाय केला आहे. यासह, 11 दिवसांचे ‘मुंज्या’चे एकूण कलेक्शन आता 58.15 कोटी रुपये झाले आहे.

‘मुंज्या’ 60 कोटींचा टप्पा गाठण्यापासून इंच दूर

‘मुंज्या’ तुफानी वेगाने कमाई करत आहे. चित्रपटाने खर्चापेक्षा कितीतरी पटीने अधिक व्यवसाय केला आहे. आता हा चित्रपट 60 कोटींचा आकडा गाठण्यापासून इंच दूर आहे. यासोबतच हा चित्रपट आता 100 कोटींच्या क्लबमध्ये सामील होण्याच्या दिशेने वाटचाल करत आहे. आता ‘मुंज्या’ बॉक्स ऑफिसवर कधी शतक झळकावतो हे पाहायचे आहे.

Munjya: अभिनेत्री शर्वरी वाघ ‘या’ माध्यमातून पुन्हा प्रेक्षकांच्या भेटीला; कधी? कुठे? वाचा सविस्तर…

‘मुंज्या’ स्टारकास्ट आणि कथा

आदित्य सरपोतदार दिग्दर्शित ‘मुंज्या’, 7 जून रोजी थिएटरमध्ये प्रदर्शित झाला, यात शर्वरी, अभय वर्मा, मोना सिंग, सत्यराज, सुहास जोशी आणि इतर अनेक कलाकार मुख्य भूमिकेत आहेत. या चित्रपटाची निर्मिती दिनेश विजन आणि अमर कौशिक यांनी मॅडॉक फिल्म्सच्या बॅनरखाली केली आहे. हा चित्रपट मॅडॉक अलौकिक विश्वातील चौथा चित्रपट आहे आणि भारतीय लोककथा आणि पौराणिक कथांपासून प्रेरित असलेल्या मुंज्याच्या कथेभोवती फिरतो.

चित्रपटाच्या कथेबद्दल सांगायचे तर, एका मुलाला त्याच्यापेक्षा सात वर्षांनी मोठ्या मुलीशी लग्न करायचे आहे, परंतु जेव्हा त्याच्या आईला हे कळते तेव्हा ती त्याला त्रास देते. मुलगा काळी जादू करू लागतो आणि याच दरम्यान त्याचा मृत्यू होतो आणि मृत्यूनंतर तो ब्रह्मराक्षस बनतो. यानंतर चित्रपटात अनेक भयानक घटना घडतात.

संबंधित बातम्या