Shah Rukh Khan On Laal Singh Chaddha and Pushpa: बॉलीवूडचा (Bollywood) ‘किंग’ म्हणजेच चाहत्यांचा लाडका शाहरुख खानने (Shah Rukh Khan )अलीकडेच अबुधाबी येथील 24 व्या आंतरराष्ट्रीय भारतीय चित्रपट अकादमी (IIFA 2024) पुरस्कारांमध्ये आपल्या दमदार होस्टिंगने सर्वांना प्रभावित केले. त्याने विकी कौशल (Vicky Kaushal) आणि करण जोहरसोबत हा कार्यक्रम होस्ट केला आणि आपल्या मजेदार भाषणांनी चाहत्यांचे मनोरंजन केले. यासोबतच शाहरुखला त्याच्या ‘जवान’ या सुपरहिट चित्रपटासाठी सर्वोत्कृष्ट अभिनेत्याचा पुरस्कारही मिळाला, ज्यामुळे हा शो त्याच्यासाठी आणखी खास झाला.
या कार्यक्रमादरम्यान शाहरुख आणि विकी यांच्यातील संभाषणामुळे कार्यक्रमातील वातावरण इतके प्रसन्न झाले होते की उपस्थित प्रेक्षकांच्या हशाशिवाय दुसरे काहीच ऐकू येत नव्हते. शाहरुख गमतीने म्हणाला की, मोठे चित्रपट प्रोजेक्ट्स आधी त्याच्याकडे येतात आणि मग दुसरीकडे जातात. विकीने त्याला आमिर खान आणि करीना कपूरचा 2022 मध्ये रिलीज होणारा ‘लाल सिंह चड्ढा’ यासारख्या अनेक चित्रपटांबद्दल प्रश्न विचारले, जसे की त्यालाही या चित्रपटाची ऑफर आली होती की नाही? दोघांमधील या मजेशीर संवादामुळे सर्वजण खूप हसले.
‘लाल सिंग चड्ढा’ ऑफर?
विकीने शाहरुखला विचारले की आमिरच्या आधी त्याला ‘लाल सिंह चड्ढा’ ऑफर करण्यात आली होती का? तर किंग खानने गंमतीत म्हटले की, ‘आमिर खाननेही तो चित्रपट करायला नको होता’, ज्याने सगळे हसले. यानंतर तो म्हणाला, ‘आमिर, आय लव्ह यू’. आमिरचा हा चित्रपट ‘फॉरेस्ट गंप’ या हॉलिवूड चित्रपटाचा हिंदी रिमेक होता, ज्याला रिलीज झाल्यानंतर खूप टीकेला सामोरे जावे लागले होते. हा चित्रपट बॉक्स ऑफिसवर चांगलाच फ्लॉप झाला. यानंतर आमिर बराच काळ ब्रेकवर गेला.
‘पुष्पा’मध्ये काम करायचे होते
‘लाल सिंह चड्ढा’ नंतर विकी कौशलने शाहरुख खानला साऊथचा सुपरस्टार अल्लू अर्जुनचा सुपरहिट चित्रपट ‘पुष्पा: द राइज’ बद्दल विचारले, ज्याचे दिग्दर्शन सुकुमार यांनी केले आहे. विकीने विचारले, ‘तुम्ही या ब्लॉकबस्टर चित्रपटाचा भाग बनण्याची संधी गमावली का?’ यावर शाहरुखने हसत हसत उत्तर दिले, ‘अरे यार, हा असा प्रश्न आहे जो मला आजही दु:खी करतो. खरे सांगायचे तर मला ‘पुष्पा’चा एक भाग व्हायचे होते, पण अल्लू अर्जुन सरांची शैली आणि स्वॅग जुळवणे माझ्यासाठी अवघड होते. हे ऐकून तिथे बसलेल्या लोकांनी टाळ्या वाजवायला सुरुवात केली.
Shah Rukh Khan: आर्यन खान प्रकरणावर किंग खान पहिल्यांदाच बोलला; म्हणाला, ‘वाईट काळात आम्ही…’
2021 मध्ये रिलीज झालेल्या ‘पुष्पा’ चित्रपटातील अल्लू अर्जुनच्या दमदार अभिनयामुळे त्याला राष्ट्रीय चित्रपट पुरस्कारामध्ये सर्वोत्कृष्ट अभिनेत्याचा किताब मिळाला होता. या चित्रपटाने बॉक्स ऑफिसवर जबरदस्त कमाई केली होती. आता चाहते त्याचा दुसरा भाग ‘पुष्पा 2: द रुल’ च्या रिलीजची आतुरतेने वाट पाहत आहेत, जो या वर्षाच्या शेवटच्या महिन्यात म्हणजेच 6 डिसेंबर रोजी थिएटरमध्ये प्रदर्शित होणार आहे. अल्लू अर्जुनसोबत फहद फासिल आणि रश्मिका मंदान्ना सारखे दिग्गज कलाकार या चित्रपटात पुन्हा एकदा दिसणार आहेत. सर्वच स्टार्सचे चाहते या चित्रपटाबद्दल खूप उत्सुक आहेत.
