Amitabh Bachchan Birthday Today : बॉलिवूडचा ‘शहेनशाह’ म्हणजेच अमिताभ बच्चन यांचा आज ८२ वा वाढदिवस आहे. वयाच्या ८२ व्या वर्षीही अमिताभ बच्चन यांचा चित्रपटांमध्ये अभिनय करण्याचा उत्साह कमालीचा आहे. १९६९ मध्ये आप्रदर्शित झालेल्या ‘सात हिंदुस्तानी’ या चित्रपटातून पदार्पण करणाऱ्या अमिताभ बच्चन यांनी एकाच वेळी १२ फ्लॉप चित्रपट दिले. त्यांना आता चित्रपटसृष्टीत ५५ वर्षे झाली असून या काळात त्यांनी १३० हून अधिक चित्रपटांमध्ये काम केलं आहे. अमिताभ बच्चन यांच्या वाढदिवसानिमित्त जाणून घेऊया त्यांच्या न माहित असलेल्या गोष्टी.
न ऐकलेल्या १० कथा
अमिताभ बच्चन यांचा पहिला चित्रपट ‘सात हिंदुस्तानी’ बॉक्स ऑफिसवर अपयशी ठरला. यानंतर त्यांनी अनेक चित्रपटांमध्ये काम केलं पण ते सर्व फ्लॉप झाले. करिअरच्या सुरुवातीच्या टप्प्यात बिग बींचे १२ चित्रपट फ्लॉप झाले. त्यानंतर त्यांना फ्लॉप अभिनेत्याचा टॅग मिळाला. बिग बींचे नशीब बदलले जेव्हा प्रकाश मेहरा यांनी त्यांना ‘जंजीर’ चित्रपटाची ऑफर दिली. या चित्रपटात त्यांच्यासोबत जया बच्चन होत्या, तेव्हा अभिनेत्रीचे नाव होते जया भादुरी होतं. जयासोबत अमिताभ यांची हिट ठरली आणि हा चित्रपट ब्लॉकबस्टर ठरला.
मला घरी घेऊन चल, अनाथाश्रामत राहायचं नाही; आईने आवाज ऐकला नाही, मुलाची अनाथाश्रमात आत्महत्या
अमिताभ बच्चन प्रकाश मेहरा यांच्या जंजीर चित्रपटातून प्रसिद्ध झाले. त्यांनी रातोरात एवढी कीर्ती मिळवली की त्या काळातील सुपरस्टार राजेश खन्ना यांचे स्टारडम त्यांच्यासमोर फिके पडू लागले. नंतर अमिताभ बच्चन आणि राजेश खन्ना यांनी ‘नमक हराम’ चित्रपटात एकत्र काम केलं. राजेश खन्ना यांनी स्वत: एका मुलाखतीत सांगितलं होतं की, जेव्हा त्यांनी लिबर्टी सिनेमात ‘नमक हराम’ चित्रपटाचा ट्रायल शो पाहिला तेव्हा त्यांना कळलं की त्यांचा काळ संपला आहे.
RSS : लोकसभेची पुनरावृत्ती नको; जातीय समीकरणात हिंदुत्वाकडं लक्ष ठेवा, RSS च्या भाजपला सुचना
अमिताभ बच्चन यांनी २०१२ मध्ये आलेल्या ‘अग्निपथ’ चित्रपटात विजय दीनानाथ चौहान यांची भूमिका साकारली होती. या नावाने अमिताभ खूप प्रसिद्ध झाले. मात्र, फार कमी लोकांना माहित आहे की बिग बींनी ‘विजय’ नावाची व्यक्तिरेखा पडद्यावर २० वेळा साकारली आहे. बिग बींनी अनेक चित्रपटांमध्ये दुहेरी भूमिका साकारल्या आहेत. आतापर्यंत एकूण त्यांनी १२ चित्रपटांमध्ये दुहेरी भूमिका साकारल्या आहेत. जंजीर चित्रपटाच्या यशानंतर प्रकाश मेहरा यांनी स्टारकास्टला परदेश दौऱ्यावर नेण्याचा निर्णय घेतला होता. पण अमिताभ बच्चन यांच्या वडिलांना त्यांच्या आणि जयाच्या नात्याची माहिती होती. त्यामुळेच ते म्हणाले की जयासोबत लग्न केल्यानंतरच परदेशात जाऊ शकतो. अशा परिस्थितीत अमिताभ आणि जया यांनी लगेच लग्न केलं.
रिश्ते में तो हम तुम्हारे बाप लगते हैं
अमिताभ बच्चन यांनी ‘शहेनशाह’ चित्रपटात १९८८ मध्ये काम केलं. या चित्रपटातील त्यांच्या दमदार अभिनयामुळे आणि त्यांच्या करिअरच्या समर्पणामुळे बिग बींना बॉलिवूडचा ‘शहेनशाह’ ही पदवी देण्यात आली. या चित्रपटातील ‘रिश्ते में तो हम तुम्हारे बाप लगते हैं, नाम है ‘शहेनशाह’ हा डायलॉग त्यांची ओळख बनली. वयाच्या ५८व्या वर्षी अमिताभ बच्चन यांनी आपल्या करिअरच्या शिखरावर असताना अभिनयाचा त्याग केला आणि २ वर्षे एकांतात घालवले.
स्वित्झर्लंडमध्ये एक अपार्टमेंट विकत घेतले होते जिथे ते एकटे राहत होते. याचा खुलासा त्यांचे सहकलाकार रजनीकांत यांनी एका मुलाखतीत केला आहे. अमिताभ बच्चन ३१९० कोटी रुपयांच्या संपत्तीचे मालक आहेत. कौन बनेगा करोडपतीच्या एका एपिसोडमध्ये बिग बी म्हणाले होते की, त्यांच्याकडे जे काही आहे ते त्यांच्या मुलांमध्ये, अभिषेक बच्चन आणि श्वेता बच्चनमध्ये समान प्रमाणात विभागले जाईल.
