Photos: रोहित शर्माने जेव्हा आयपीएलमध्ये विरोधी गोलंदाजांचे होश उडवले तेव्हा, हिटमॅनची टॉप-5 इनिंग

letsupteam

Published On : Apr 30, 2023 3:42 PM IST

WhatsApp Image 2023 04 30 At 3.33.05 PM — आयपीएल 2015 च्या फायनलमध्ये रोहित शर्माने चेन्नई सुपर किंग्ज विरुद्ध फलंदाजी करताना 26 चेंडूत 50 धावांची खेळी केली होती. रोहितने आपल्या खेळीत 6 चौकार आणि 2 षटकार मारले. त्यानंतर मुंबई इंडियन्सने दुसऱ्यांदा आयपीएलचे विजेतेपद पटकावले.

IPL 2018 मध्ये रोहित शर्माने रॉयल चॅलेंजर्स बंगळुरूविरुद्ध एक अविस्मरणीय खेळी खेळली. या सामन्यात चौथ्या क्रमांकावर फलंदाजीला आलेल्या हिटमॅनने 52 चेंडूत 10 चौकार आणि 5 षटकारांसह 94 धावा केल्या होत्या.

सध्या मुंबई इंडियन्सचा कर्णधार रोहित शर्माने 2015 साली कोलकाता नाईट रायडर्सविरुद्ध नाबाद 98 धावांची खेळी केली होती. मुंबई संघाला हा सामना जिंकता आला नसला तरी. पण रोहित शर्माने आपल्या फलंदाजीने क्रिकेट चाहत्यांची मने जिंकली. रोहितने या खेळीत 12 चौकार आणि 4 षटकार मारले होते.

कोलकाता येथील ईडन गार्डन्स मैदान हे बर्थडे बॉय रोहित शर्माचे आवडते मैदान आहे. आयपीएल 2012 मध्ये हिटमॅनने कोलकाता नाइट रायडर्सविरुद्ध 109 धावांची तुफानी इनिंग खेळली होती. त्याने 60 चेंडूत 12 चौकार आणि 5 षटकारांसह 109 धावांची नाबाद खेळी खेळली. रोहितचे आयपीएलमधील हे एकमेव शतक आहे

2009 साली रोहित शर्मा डेक्कन चार्जर्सकडून खेळायचा. त्याच वर्षी डेक्कन चार्जर्सने प्रथमच विजेतेपद पटकावले. कोलकाता नाईट रायडर्सविरुद्ध खेळल्या गेलेल्या सामन्यात रोहितने फिनिशिंग टच दाखवला. 160 धावांचे लक्ष्य गाठण्यासाठी चार्जर्स संघाने सातत्याने विकेट गमावल्या. मात्र रोहित शर्माने 13 चेंडूत 32 धावांची तुफानी खेळी करत सामना जिंकला. रोहितने या खेळीत 2 चौकार आणि 2 षटकार मारले होते.

Related Stories