Kartiki Ekadashi 2023 : उपमुख्यमंत्री देवेंद्र फडणवीस (Devendra Fadnavis) आणि त्यांच्या पत्नी अमृता फडणवीस यांच्या हस्ते कार्तिकी एकादशीनिमित्त विठ्ठलाची शासकीय महापूजा संपन्न झाली.
त्यानंतर फडणवीस दाम्पत्याने श्री विठ्ठल-रुक्मिणी मुख्य मंदिर व संकुल जतन तसेच दुरुस्ती व संवर्धन प्रकल्प कामाचं विधिवत पूजा करत भूमिपूजन केलं.
यामध्ये कार्तिकी एकादशीचे औचित्य साधत पंढरपूर तीर्थक्षेत्र विकास आराखडा अंतर्गत मंजूर केलेल्या ₹73 कोटीच्या निधीतून पहिल्या टप्प्यातील ₹26 कोटींच्या विविध कामांचा शुभारंभ करण्यात आला.
यामध्ये श्री विठ्ठल-रुक्मिणी मुख्य मंदिर संकुल जतन तसेच दुरुस्ती व संवर्धन प्रकल्प कामाचे भूमिपूजन यांचा समावेश आहे.
यावेळी मंत्री चंद्रकांत पाटील, मंत्री तानाजी सावंत, मंत्री सुरेश खाडे, आमदार समाधान आवताडे, आमदार सचिन कल्याणशेट्टी उपस्थित होते.
या भूमिपूजन कार्यक्रमाचे फोटो उपमुख्यमंत्री देवेंद्र फडणवीस यांनी त्यांच्या फेसबुक अकाऊंटवरून पोस्ट करत त्याबद्दल माहिती दिली.
