Ajit Pawar : अजित पवारांसह या आमदारांनी घेतली मंत्रिपदाची शपथ पाहा फोटो…
shruti letsupp
Dcm Ajit Pawar
महाराष्ट्राच्या राजकारणात आणि राष्ट्रवादी काँग्रेसमध्ये पुन्हा एकदा मोठा भूकंप झाला आहे. राज्याचे विरोधी पक्षनेते अजित पवार यांनी राजीनामा देत थेट शिंदे सरकारमध्ये उपमुख्यमंत्रीपदाची शपथ घेतली.
याशिवाय राष्ट्रवादी काँग्रेसच्या 8 आमदारांनीही मंत्रिपदाची शपथ घेतली. यात छगन भुजबळ, दिलीप वळसे पाटील, हसन मुश्रीफ, धनंजय मुंडे, अनिल पाटील, संजय बनसोडे, आदिती तटकरे, बाबुराव आत्राम यांनी मंत्रिपदाची शपथ घेतली.
राज्यात आज सकाळपासूनच राजकीय घडामोडींना सुरुवात झाली होती. अजित पवार यांनी आज सकाळी देवगिरी या बंगल्यावर समर्थक आमदार आणि जिल्हाध्यक्षांची बैठक बोलवली होती.
अजित पवार यांच्या आजच्या बैठकीला आमदार हसन मुश्रीफ, दिलीप वळसे पाटील, धनंजय मुंडे, किरण लहामाटे, दौलत दरोडा, अतुल बेनके, आदिती तटकरे, संग्राम जगताप हे उपस्थित होते.
या बैठकीनंतर अजित पवार तातडीने राजभवनाकडे रवाना झाले. याचवेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि इतर भाजपचे नेतेही राजभवनावर उपस्थित होते.
यानंतर पार पडलेल्या शपथविधीसोहळ्यात राष्ट्रवादीच्या अजित पवार यांच्यासह 9 आमदारांनी शपथ घेतली. अजित पवार यांना 40 आमदारांचा पाठिंबा असल्याच्या चर्चा आहेत.
यात दिलीप वळसे पाटील, हसन मुश्रीफ, छगन भुजबळ, किरण लहमाटे, निलेश लंके, धनंजय मुंडे, रामराजे निंबाळकर, दौलत दरोडा, मकरंद पाटील, अनुल बेणके, सुनिल टिंगरे, अमोल मिटकरी, अदिती तटकरे, शेखर निकम, निलय नाईक, अशोक पवार, अनिल पाटील, सरोज अहिरे यांचा अजित पवार यांना पाठिंबा असल्याचे सांगितले जात आहे.
अजित पवार आणि देवेंद्र फडणवीस हे दोन्ही नेते शासन आणि प्रशासनावर कमांड असलेले नेते म्हणून ओळखले जातात. त्यामुळे सत्ता समतोल राखण्यासाठी फडणवीस यांची दिल्लीत रवानगी होण्याची शक्यता आहे. असं देखील बोललं जात आहे.
मुख्यमंत्री एकनाथ शिंदे राष्ट्रवादी काँग्रेसचे नेते अजित पवार यांचे मी भाजप-शिवसेना युती सरकारमध्ये स्वागत करतो. राज्यात डबल इंजिनचे सरकार होते. आता या सरकारला आणखी एक इंजिन जोडले गेल्याने ट्रिपल इंजिनचे सरकार झाले आहे. आता हे ट्रिपल इंजिनचे सरकार बुलेट ट्रेनच्या वेगाने राज्याचा विकास करील.
