Elon Musk : टेस्लाचे सीईओ एलन मस्क पुन्हा जगातील सर्वात श्रीमंत व्यक्ती (richest man)बनले आहेत. एलन मस्कने लक्झरी ब्रँड टायकून बर्नार्ड अरनॉल्टला मागे टाकले. बर्नार्ड अरनॉल्टची कंपनी LVMH चे शेअर्स बुधवारी 2.6 टक्क्यांनी घसरले. त्यामुळे अरनॉल्टला मोठा तोटा सहन करावा लागला आणि तो सर्वात श्रीमंत उद्योगपतींच्या यादीत दुसऱ्या क्रमांकावर घसरला.
श्रीकांत शिंदेंच्या पत्नी अन् मिठाईच्या दुकानाचा नेमका वाद काय?
बर्नार्ड अरनॉल्टच्या कंपनीच्या शेअर्समध्ये मोठ्या घसरणीमुळे एलन मस्क पुन्हा जगातील सर्वात श्रीमंत व्यक्ती बनले आहेत. ब्लूमबर्ग अब्जाधीश निर्देशांकात या वर्षी अव्वल स्थानासाठी स्पर्धा होती. कधी इलन मस्क तर कधी बर्नार्ड अरनॉल्ट वरच्या स्थानावर होते. बर्नार्ड अरनॉल्ट या वर्षात बराच काळ जगातील सर्वात श्रीमंत व्यक्ती राहिले. आणि एलन मस्क दुसऱ्या स्थानावर होते.
बर्नार्ड अरनॉल्ट हे 74 वर्षांचे फ्रेंच बिझनेस टायकून आहेत. डिसेंबर 2022 मध्ये मस्कला मागे टाकून तो पहिल्यांदाच जगातील सर्वात श्रीमंत व्यक्ती बनले. अरनॉल्टने LVMH ची स्थापना केली, जी लुई व्हिटॉन, फेंडी आणि हेनेसी या ब्रँडची मालकी आहे. ब्लूमबर्ग वृत्तसंस्थेनुसार, चीनच्या महत्त्वाच्या बाजारपेठेत मंद आर्थिक वाढीमुळे लक्झरी क्षेत्र खाली आले आहे. अशा परिस्थितीत एप्रिलपासून LVMH चे शेअर्स सुमारे 10 टक्क्यांनी घसरले आहेत.
एका दिवसात अरनॉल्टच्या एकूण मालमत्तेतून $11 बिलियनचे नुकसान झाले. दुसरीकडे, बुधवारी त्यांच्या एकूण मालमत्तेत $5.25 अब्जांचे नुकसान झाले आहे. आता बर्नार्ड अरनॉल्टची एकूण संपत्ती 187 अब्ज डॉलर्स झाली आहे. मात्र, यावर्षी त्यांची संपत्ती 24.5 अब्ज डॉलरने वाढली आहे.
जगातील सर्वात श्रीमंत व्यक्ती बनलेल्या एलन मस्कची संपत्ती 192 अब्ज डॉलर झाली आहे. ब्लूमबर्ग बिलियनेअर इंडेक्सनुसार, बुधवारी एलन मस्कच्या एकूण संपत्तीत $1.98 अब्जची वाढ झाली आहे. या वर्षी त्यांची एकूण संपत्ती 55.3 अब्ज डॉलरने वाढली आहे.
