More Than 300 Died Due To Senyar Cyclon : सेन्यार उष्णकटिबंधीय चक्रीवादळामुळे दक्षिण पूर्ण आशियामध्ये जोरदार पाऊस झाला. या अवकाळी पावसानं संपूर्ण भागाला झोडपून काढलंय. विशेषतः इंडोनेशियातील सुमात्रा बेटावर हाहाकार माजला असून ३०० पेक्षा जास्त लोकांचा या चक्रीवादळामुळे मृत्यू झाल्याची बातमी आहे. तर शेकडो लोक अजूनही गायब आहेत. थायलंड (Thailand)आणि मलेशियात (Malesia) देखील लाखो लोकं स्थलांतरित झाले असून ही मागील १० वर्षांतली सर्वात मोठी नैसर्गिक आपत्ती आहे. यंदा मान्सूनच्या (Mansoon) काळात उष्णकटिबंधीय वादळांमुळे झालेल्या अतिवृष्टीने मागच्या अनेक दशकांचा रेकॉर्ड मोडीत काढलं.
या नैसर्गिक आपत्तीचा सर्वात मोठा फटका कोणाला बसला असेल, तर तो इंडोनेशियाला (Indonesia) बसलाय. तिथल्या सुमात्रा बेटावर अत्यंत बेताची परिस्थिती असून मृतांचा आकडा ३०० च्या पार गेला आहे. अजूनही अनेक लोक बेपत्ता असल्यानं हा आकडा वाढण्याची भीती व्यक्त केली जाते. इंडोनेशियाच्या आपत्कालीन संस्थेचे प्रमुख सुहार्यंतो यांनी दिलेल्या माहितीनुसार २७९ पेक्षा जास्त लोक अजूनही बेपत्ता आहेत.
India vs South Africa : आज मैदानावर उतरताच ‘रो-को’ रचणार इतिहास; मोडणार सचिन-द्रविडचा मोठा विक्रम
चक्रीवादळामुळे (Cyclon) आलेल्या महापुरात हजारो घरं वाहून गेली असून अनेक इमारती देखील पाण्याखाली गेल्या. पाण्याच्या तीव्र प्रवाहामुळे भूसख्खलन होऊन रस्ते तुटल्यानं दळणवळण देखील विस्कळीत झाले आहे. वीज आणि इंटरनेट सेवा विस्कळीत झाल्याने प्रशासनाला बचावकार्यात देखील मोठा अडथळा येत आहे. तब्बल ८० हजार नागरिकांना सुरक्षित ठिकाणी हलवण्यात आलं असून हेलिकॉप्टरच्या साहाय्यानं बचावकार्य सुरू आहे.
या चक्रीवादळाने इंडोनेशियाबरोबरच त्यांच्या शेजारीच असणाऱ्या थायलंडला देखील झोडपलं. थायलंडमध्ये देखील १६० पेक्षा जास्त लोकांचा मृत्यू नोंदवला गेलाय. त्याचप्रमाणं मलेशियात देखील बऱ्याच लोकांचा मृत्यू झाल्याची माहिती आहे. लाखो लोक या नैसर्गिक आपत्तीमुळं विस्थापित झाले असून त्यांना तात्पुरत्या निवारागृहात हलवण्यात आलंय. या नैसर्गिक आपत्तीमुळे झालेल्या नुकसानीकडे पाहता, आंतरराष्ट्रीय स्थरावरून मदतीचं आवाहन करण्यात येतंय.