Iran Israel War : गेल्या सात दिवसांपासून अमेरिका, इस्त्रायल आणि इराण दरम्यान सुरु असणाऱ्या युद्धाचा फटाक जगातील अनेक देशांना बसत आहे. या युद्धामुळे जागतिक व्यापाराला मोठा फटका बसताना दिसत आहे. त्यामुळे हा युद्ध कधी संपणार याकडे सर्वांचे लक्ष लागून आहे. यातच आता हा युद्ध 12 मार्च रोजी संपू शकतो अशी शक्यता वर्तवण्यात येत आहे. अमेरिकेचे राष्ट्राध्यक्ष डोनाल्ड ट्रम्प यांनी ट्रुथ सोशलवरील एका पोस्टमध्ये बिनशर्त आत्मसमर्पण वगळता इराणशी कोणताही करार होणार नाही असं लिहिले आहे. गेल्या वर्षी देखील ट्रम्प यांनी इराण आणि इस्त्रायल 12 दिवसांच्या युद्धादरम्यान “बिनशर्त आत्मसमर्पण” हा वाक्यांश पोस्ट केला होता, ज्यामुळे इस्रायल आणि इराणमध्ये फक्त सहा दिवसांनी युद्धबंदी झाली.
ट्रम्प यांनी पोस्टमध्येलिहिले की, बिनशर्त आत्मसमर्पण वगळता इराणशी कोणताही करार होणार नाही त्यानंतर आणि एका महान आणि स्वीकारार्ह नेत्याच्या निवडीनंतर, आम्ही आणि आमचे अनेक अद्भुत आणि अतिशय धाडसी सहयोगी आणि भागीदार इराणला विनाशाच्या उंबरठ्यावरून परत आणण्यासाठी, त्यांना पूर्वीपेक्षा मोठे, चांगले आणि आर्थिकदृष्ट्या मजबूत करण्यासाठी अथक परिश्रम करू. इराणचे भविष्य उत्तम असेल. इराणला पुन्हा महान बनवा असं त्यांनी या पोस्टमध्ये लिहिले आहे.
पोस्टनंतर सहा दिवसांनी युद्धबंदी
17 जून 2025 रोजी, ट्रम्प यांनी इस्रायल आणि इराणमधील बारा दिवसांच्या युद्धादरम्यान हीच मागणी केली होती. सहा दिवसांनंतर, 23 जून रोजी, त्यांनी युद्धबंदी करार झाल्याची घोषणा केली. कतारने अमेरिकेसह या युद्धबंदीत मध्यस्थी केली. जर हीच पद्धत कायम राहिली तर 12 मार्चपर्यंत युद्धबंदीची घोषणा होऊ शकते.
Today, President Trump called for Iran’s “unconditional surrender.”
The last time we saw this happen was on June 17th, 2025.
6 days later, on June 23rd, a ceasefire was announced.
Will history repeat itself on March 12th? pic.twitter.com/2NxZ6rxBKY
— The Kobeissi Letter (@KobeissiLetter) March 6, 2026
तर दुसरीकडे दोन्ही घटनांमध्ये लक्षणीय फरक आहेत. सध्याचा संघर्ष बारा दिवसांच्या संघर्षापेक्षा खूप मोठा आहे, जो डझनभराहून अधिक देशांमध्ये पसरला आहे. त्यामुळे आखाती ऊर्जा निर्यातीत व्यत्यय आला आहे, अनेक अमेरिकन सैनिक मारले गेले आहेत आणि सर्वोच्च नेते अयातुल्ला अली खामेनी यांच्या मृत्यूनंतर तेहरान सूडाने पेटत आहे. मागील युद्धाच्या तुलनेत, ते भौगोलिक आणि राजकीयदृष्ट्या बरेच नियंत्रित होते.
Mardaani 3 ची 5व्या आठवड्यातही बॉक्स ऑफिसवर मजबूत पकड; एकूण कमाई 51.47 कोटी
इराणने यावेळी युद्ध थांबवण्यात कोणताही रस दाखवला नाही. अध्यक्ष मसूद पेझेश्कियान यांनीही आक्रमक सूर स्वीकारला आणि म्हटले की मध्यस्थी करणाऱ्या देशांनी इराणी लोकांना कमी लेखणाऱ्या आणि आग पेटवणाऱ्यांवर दबाव आणावा.