26 September 2026 Rashibhavishya: आज 26 सप्टेंबर 2026, शनिवार. ग्रह-नक्षत्रांच्या स्थितीचा परिणाम प्रत्येक राशीवर वेगवेगळ्या पद्धतीने पाहायला मिळू शकतो. काही राशींसाठी आजचा दिवस आर्थिक लाभ, कामातील यश आणि कौटुंबिक आनंद घेऊन येण्याची शक्यता आहे, तर काहींना खर्च, मतभेद किंवा मानसिक अस्वस्थतेचा सामना करावा लागू शकतो. तुमच्यासाठी आजचा दिवस नेमका कसा असेल, कोणत्या गोष्टी जपून करायला हव्यात आणि कुठे संधी मिळू शकते, जाणून घेऊया आजचे सविस्तर राशिभविष्य.
राज्यभरात गणपती विसर्जनाचा भक्तांमध्ये जल्लोष; ढोल-ताशांच्या गजरात बाप्पाला भावपूर्ण निरोप
मेष
आजचा दिवस आर्थिक आणि सामाजिकदृष्ट्या चांगला ठरू शकतो. पैशांशी संबंधित एखादी चांगली संधी मिळण्याची शक्यता आहे. विवाहाच्या प्रतीक्षेत असणाऱ्यांसाठी सकारात्मक घडामोडी घडू शकतात. व्यवसायात फायदा होईल, तर एखाद्या प्रवासाचे नियोजनही यशस्वी होऊ शकते. मात्र, दुपारनंतर मनावर ताण वाढू शकतो. तब्येतीकडे दुर्लक्ष करू नका आणि जवळच्या व्यक्तींशी वाद होणार नाही याची काळजी घ्या. अनावश्यक खर्चही टाळा.
वृषभ
आज कामाच्या ठिकाणी तुमची मेहनत दिसून येईल आणि वरिष्ठांकडून कौतुक मिळण्याची शक्यता आहे. मनावरील ताण कमी होऊन दिवस उत्साहात जाईल. घरातही आनंदाचे वातावरण राहील. व्यवसायात नवीन संधी मिळू शकतात. दुपारनंतर एखाद्या महत्त्वाच्या कामाची आखणी करण्यासाठी वेळ अनुकूल आहे. जोडीदार किंवा मुलांकडून एखादा फायदा होऊ शकतो. समाजात तुमची प्रतिमा अधिक मजबूत होईल.
SIR वरून वाद पेटला, भाजप नेत्याचा ज्ञानेश कुमारांना खुला पाठिंबा; थेट पद्मभूषण देण्याची मागणी
मिथुन
आज काही गोष्टी अपेक्षेप्रमाणे तर काही गोष्टी मनाविरुद्ध घडू शकतात. कामाच्या ठिकाणी वरिष्ठांच्या नाराजीचा सामना करावा लागू शकतो. खर्च वाढल्याने आर्थिक नियोजन बिघडू शकते आणि मुलांबाबत चिंता वाटू शकते. मात्र, दिवस पुढे सरकल्यानंतर परिस्थिती बदलू लागेल. रखडलेली कामे मार्गी लागतील. व्यवसायात अनुकूल वातावरण मिळेल. मोठ्यांचा सल्ला आणि आशीर्वाद उपयोगी ठरेल. नोकरीत प्रगतीची संधीही निर्माण होऊ शकते.
कर्क
आज मनात अस्वस्थता आणि चिडचिड वाढू शकते. छोट्या गोष्टींचा राग मनात धरू नका. आर्थिक अडचणी जाणवण्याची शक्यता असल्याने खर्चाचा ताळमेळ राखणे महत्त्वाचे आहे. नकारात्मक विचारांपासून स्वतःला दूर ठेवण्याचा प्रयत्न करा. दुपारनंतर परिस्थितीत सुधारणा जाणवेल आणि आरोग्यही काहीसे चांगले राहील. कामाच्या ठिकाणी वरिष्ठांशी मतभेद होऊ शकतात. परदेशात राहणाऱ्या नातेवाईकांकडून एखादी आनंदाची बातमी मिळण्याची शक्यता आहे.
सोमेश्वरच्या निवडणुकीत पवार कुटुंबाची प्रतिष्ठा पणाला; शरद पवारांच्या बिनविरोध प्रयत्नांना यश येणार?
सिंह
मित्रमंडळी आणि जवळच्या व्यक्तींसोबत आजचा दिवस मजेत घालवता येईल. मनोरंजन किंवा छोट्या सहलीचा योग जुळून येऊ शकतो. मात्र, दुपारनंतर मनात विचारांचे काहूर माजल्याने थकवा जाणवू शकतो. रागाच्या भरात घेतलेला निर्णय नुकसानकारक ठरू शकतो, त्यामुळे कोणतीही प्रतिक्रिया देण्यापूर्वी विचार करा. आर्थिक बाजू काहीशी तंग राहू शकते.
कन्या
आज मेहनतीचे चांगले परिणाम मिळतील. एखादे महत्त्वाचे काम पूर्ण झाल्याने आत्मविश्वास वाढेल. घरातील वातावरणही सकारात्मक राहील आणि त्यामुळे दिवसभर उत्साह जाणवेल. तुमच्या कामाची दखल घेतली जाऊ शकते. मात्र, भावनेच्या भरात निर्णय घेण्याऐवजी व्यवहारिक दृष्टिकोन ठेवणे फायदेशीर ठरेल. दुपारनंतर दिवस अधिक आनंददायी होईल. व्यवसायातील भागीदारांकडून चांगली मदत मिळू शकते.
एन्काउंटर झालं तर देश जागा होईल! लेह हिंसाचाराच्या वर्षपूर्तीनिमित्त सोनम वांगचुक आक्रमक
तूळ
आज तुमची कल्पकता आणि बुद्धिमत्ता चांगली काम करेल. लेखन, सर्जनशील किंवा नियोजनाशी संबंधित कामात यश मिळू शकते. मात्र, मनात सतत बदलणारे विचार अस्वस्थ करू शकतात. शक्य असल्यास अनावश्यक प्रवास टाळा. अचानक एखादा खर्च समोर येऊ शकतो. दुपारनंतर परिस्थिती तुमच्या बाजूने वळेल आणि कामे पूर्ण झाल्याने समाधान मिळेल. व्यवसायात सहकाऱ्यांचे चांगले सहकार्य लाभेल. घरातही आनंदाचे वातावरण राहील.
वृश्चिक
विद्यार्थ्यांसाठी आजचा दिवस उपयोगी ठरू शकतो. एखादी गोष्ट आपल्या मनाप्रमाणेच व्हावी असा हट्ट केल्यास अडचणी वाढू शकतात, त्यामुळे लवचिक राहा. खरेदीचा उत्साह वाढल्याने कपडे, दागिने किंवा सौंदर्याशी संबंधित वस्तूंवर खर्च होऊ शकतो. आर्थिक नियोजन करण्यासाठी दिवस चांगला आहे. मात्र, दुपारनंतर मनाची स्थिरता कमी होऊ शकते. त्यामुळे नवीन काम सुरू करण्याआधी विचार करा.
जळगाव जिल्हा बँकेसाठी भाजपने आखली रणनीती; मंगेश चव्हाणांवर जबाबदारी, महाजन-खडसेंच्या नावांची चर्चा
धनु
आज आत्मविश्वास आणि उत्साह चांगला राहील. कुटुंबीय किंवा मित्रांसोबत बाहेर जाण्याचा बेत आखला जाऊ शकतो. जवळच्या व्यक्तींसोबत घालवलेला वेळ आनंद देईल. मात्र, दिवसाच्या उत्तरार्धात थोडी बेचैनी जाणवू शकते. घर सजवण्यासाठी किंवा स्वतःसाठी काही वस्तू खरेदी करण्याचा योग आहे. मालमत्तेशी संबंधित कागदपत्रांवर सही करताना प्रत्येक बाब नीट तपासा.
मकर
आज बोलताना विशेष काळजी घ्या. कुटुंबातील एखाद्या मुद्द्यावरून मतभेद होऊ शकतात. धार्मिक किंवा सामाजिक कारणासाठी खर्च होण्याची शक्यता आहे. वाद वाढण्याऐवजी शांत राहणे तुमच्यासाठी फायदेशीर ठरेल. दुपारनंतर मनावरील ताण कमी होईल आणि आरोग्यातही सुधारणा जाणवेल. एखाद्या प्रवासाचा योग आहे. प्रिय व्यक्तीसोबत वेळ घालवल्याने दिवस अधिक सुखकर होईल.
कुंभ
आज चंद्र तुमच्या राशीत असल्याने भावनिक चढ-उतार जाणवू शकतात. मन प्रसन्न ठेवण्याचा प्रयत्न करा, कारण नकारात्मक विचारांमुळे निर्णय घेण्यात गोंधळ होऊ शकतो. अचानक काही खर्च समोर येण्याची शक्यता आहे. आपल्या मेहनतीची अपेक्षित दखल घेतली जात नसल्याने थोडी निराशा वाटू शकते. विद्यार्थ्यांनी अभ्यास करताना एकाग्रता वाढवण्यावर भर द्यावा.
मीन
आज आर्थिक बाबतीत सावध राहण्याचा दिवस आहे. कोणाशीही पैशांचे व्यवहार घाईघाईने करू नका. मनात अस्वस्थता राहू शकते आणि त्यामुळे एखाद्या कामावर लक्ष केंद्रित करणे कठीण जाईल. खर्चावर नियंत्रण ठेवणे गरजेचे आहे. जवळच्या व्यक्तीसोबत गैरसमज निर्माण होऊ शकतो, त्यामुळे बोलताना संयम ठेवा. दुपारनंतर तब्येत आणि मनःस्थितीत सुधारणा होईल. मित्रांकडून एखादी भेट मिळू शकते आणि कुटुंबासोबत चांगला वेळ घालवता येईल.