ED Sheeran India Tour : ब्रिटीश पॉप स्टार एड शीरन (ED Sheeran) पुन्हा एकदा भारतात मोठा धमाका करण्याची तयारी करत आहे. एड शीरन देशातील सहा शहरांमध्ये म्युझिक कॉन्सर्ट करणार आहे. इंस्टाग्रामवर पोस्ट शेअर करत याबद्दल त्याने माहिती दिली आहे.संपूर्ण जगात पॉप स्टार एड शीरनची जबरदस्त फॅनफॉलिंग आहे. यापूर्वी देखील त्याने भारतात म्युझिक कॉन्सर्ट (India Tour) केले आहे.
एड शीरन 2025 मध्ये भारतात म्युझिक टूर घेणार
ब्रिटीश पॉप स्टार एड शीरन 2025 मध्ये भारतात म्युझिक टूरसाठी येत आहे. याबाबत सोशल मीडियाच्या माध्यमातून तिने माहिती दिली आहे. यापूर्वी या आगामी कॉन्सर्टची माहिती आली होती मात्र आता स्वतः एड शीरनने याबाबत माहिती दिली आहे.
या 6 शहरांमध्ये म्युझिक कॉन्सर्ट होणार
2025 च्या सुरुवातीला होणाऱ्या म्युझिक कॉन्सर्टमध्ये देशातील 6 शहरांचा समावेश करण्यात आला आहे. त्यानुसार दिल्ली, पुणे, हैदराबाद, बेंगळुरू, शिलाँग आणि चेन्नईमध्ये शीरन परफॉर्म करणार आहे. या काॅन्सर्टची सुरूवात पुणे (Pune) शहरातून होणार आहे. पुण्यात शीरनचा शो 30 जानेवारीला होणार आहे.
तर 2 फेब्रुवारीला हैदराबादमध्ये (Hyderabad) , 5 फेब्रुवारी रोजी चेन्नई (Chennai) , 8 फेब्रुवारीला बेंगळुरूमध्ये (Bengaluru) एड शीरन परफॉर्म करणार आहे आणि 12 फेब्रुवारीला शिलाँगमध्ये (Shillong) आणि शेवटी देशाची राजधानी दिल्लीमध्ये 15 फेब्रुवारी रोजी शीरन परफॉर्म करणार आहे. शीरनच्या म्युझिक कॉन्सर्टची तिकिटे 11 डिसेंबरपासून उपलब्ध होणार आहे.
