दहा वर्षांनंतर इन्स्टाग्रामने बदलला लोगो! तुम्हाला दिसतोय का हा हटके बदल?

Instagram changes its logo after ten years Do you notice this striking change : इन्स्टाग्रामने तब्बल 10 वर्षांनंतर आपल्या लोगो अर्थात वर्डमार्कमध्ये बदल केला आहे. नव्या डिझाइनमधून लोगो अधिक स्पष्ट आणि आधुनिक करण्याचा प्रयत्न करण्यात आला आहे. मात्र, सोशल मीडियावर या नव्या बदलाची खिल्ली उडवण्यास सुरुवात झाली आहे. काही यूजर्सना नवा लोगो आवडला, तर अनेकांना त्यात इन्स्टाग्रामची जुनी ओळखच दिसत नाही. काहींनी तर मजेशीरपणे नव्या लोगोला ‘Instagzam’ असेही म्हणायला सुरुवात केली आहे.

पुणे मनपात नोकरीचे आमिष; बनावट नियुक्तीपत्रे देत 150 हून अधिक तरुणांची कोट्यवधींची फसवणूक

इन्स्टाग्रामने लोगो तरी बदलला असला तरी संपूर्ण अॅप आयकॉन बदलण्याची घोषणा केलेली नाही. म्हणजेच मुख्य बदल हा ‘Instagram’ या नावाच्या लिखित वर्डमार्कमध्ये करण्यात आला आहे. अॅपमध्ये ब्रँडचे नाव ज्या स्वरूपात दिसते, त्याच भागाला जवळपास 10 वर्षांनंतर नव्या रूपात सादर करण्यात आले आहे.

इन्स्टाग्रामच्या लोगोमध्ये नेमका काय बदल झाला?

गेल्या जवळपास दशकभरापासून इन्स्टाग्रामचे नाव एका खास कर्सिव्ह अर्थात हाताने लिहिल्यासारख्या शैलीत दिसत होते. आता नव्या वर्डमार्कमध्ये जुन्या कर्सिव्ह शैलीसोबत साध्या प्रिंट अक्षरांचा मिलाफ करण्यात आला आहे. हा डिझाइन अधिक स्वच्छ, आधुनिक आणि तरीही इन्स्टाग्रामच्या जुन्या ओळखीशी जोडलेला ठेवण्याचा कंपनीचा प्रयत्न आहे.

चाकणमधील 20 कंपन्यांचे स्थलांतर म्हणजे धोक्याचा इशारा; शरद पवारांच्या सरकारला तातडीच्या सूचना

इन्स्टाग्रामचे प्रमुख अॅडम मोसेरी यांनी याबाबत सांगितले की, अॅपच्या शीर्षस्थानी दिसणाऱ्या वर्डमार्कमध्ये गेल्या 10 वर्षांत कोणताही मोठा बदल करण्यात आलेला नव्हता. त्यामुळे आता त्याला नव्या पद्धतीने सादर करण्याची वेळ आली होती.कंपनीच्या मते, नवा डिझाइन अधिक स्पष्ट आणि आधुनिक आहे. त्याचवेळी जुन्या डिझाइनची झलकही त्यात कायम ठेवण्यात आली आहे. इन्स्टाग्रामची ओळख पूर्णपणे बदलणे हा यामागचा उद्देश नसून, बदलत्या काळानुसार ब्रँडला अपडेट करणे हा त्यामागील हेतू आहे.

मात्र इंटरनेटला नवा लोगो का आवडला नाही?

नवा वर्डमार्क समोर आल्यानंतर सोशल मीडियावर त्याच्या अक्षरांवरून वेगवेगळ्या प्रतिक्रिया उमटू लागल्या. अनेक यूजर्सच्या मते, पहिल्या नजरेत ‘Instagram’ ऐवजी हे नाव ‘Instagzam’ सारखे दिसते. विशेषतः नावाच्या मधल्या अक्षरांची रचना अनेकांना विचित्र वाटली. त्यामुळे नव्या डिझाइनवरून सोशल मीडिया प्लॅटफॉर्मवर मीम्स आणि विनोद सुरू झाले आहेत.

राशीभविष्य 14 ऑगस्ट 2026 कोणत्या राशीला करिअरमध्ये यश मिळेल आणि नातेसंबंध कोणाला सांभाळावे लागतील?

Reddit वरही नव्या वर्डमार्कबाबत मोठ्या प्रमाणात चर्चा सुरू आहे. काही यूजर्सनी या डिझाइनवर टीका करत ते जुन्या लोगोच्या तुलनेत खराब असल्याचे म्हटले आहे. तर काहींच्या मते नवा लोगो अधिक स्वच्छ आणि आधुनिक दिसतो. खरंतर मोठ्या ब्रँडसमोर लोगो बदलताना हीच सर्वात मोठी अडचण असते. लोगो केवळ आकर्षक दिसणे पुरेसे नसते; तो पहिल्या नजरेत ओळखता येणे तितकेच महत्त्वाचे असते.

जुना इन्स्टाग्राम लोगो खास का होता?

इन्स्टाग्रामने 2016 मध्ये आपल्या लिखित लोगोमध्ये मोठा बदल केला होता. त्याच काळात अॅपच्या संपूर्ण व्हिज्युअल लूकमध्येही बदल करण्यात आला. कॅमेरा आयकॉन अधिक साधा आणि रंगीत करण्यात आला होता. त्यानंतर इन्स्टाग्रामचा कर्सिव्ह वर्डमार्क हा ब्रँडच्या ओळखीचा महत्त्वाचा भाग बनला. अनेक वर्षे लोकांनी एकाच शैलीतील लोगो पाहिल्यामुळे त्यांच्या मनात इन्स्टाग्रामचे नाव आणि तो विशिष्ट फॉन्ट यांचे नाते घट्ट झाले. त्यामुळे आता केवळ अक्षरांची शैली बदलली असली तरी अनेक यूजर्सना हा बदल मोठा वाटत आहे.

इन्स्टाग्रामने संपूर्ण लोगो का बदलला नाही?

ब्रँडची ओळख कायम ठेवणे कंपनीसाठी तितकेच महत्त्वाचे आहे. इन्स्टाग्रामचा कॅमेरा आयकॉन आजही त्याच्या सर्वात प्रभावी ओळखींपैकी एक आहे. 2016 मध्ये मोठा व्हिज्युअल बदल करतानाही कंपनीने कॅमेऱ्याची मूळ संकल्पना पूर्णपणे बाजूला सारली नव्हती. त्याऐवजी त्याला अधिक साधे आणि रंगीत स्वरूप देण्यात आले होते. यावेळीही बदल मर्यादित ठेवण्यात आला आहे. इन्स्टाग्रामच्या नावाच्या लिखित स्वरूपाला नवा लूक देण्यात आला असला तरी अॅपच्या संपूर्ण ब्रँड ओळखीत आमूलाग्र बदल करण्यात आलेला नाही. त्यामुळे याला पूर्णपणे ‘रीब्रँडिंग’ म्हणणे योग्य ठरणार नाही.