LetsUpp | Govt.Schemes
साध्या यंत्रमागांना अतिरिक्त तंत्राची जोड (Addition of technique)देऊन यंत्रमागाचा दर्जा वाढविण्यासाठी ही योजना राबविण्यात येत आहे.
योजनेच्या प्रमुख अटी :
▪ केंद्र शासनाने यंत्रमागधारकाला अनुदान मंजूर केलेले असावे.
▪ वस्त्रोद्योग विभागाच्या अधिकाऱ्यास तपासणीकरिता यंत्रमाग उपलब्ध करून द्यावे लागेल.
▪ यंत्रमागधारकांनी अनुदान मागणी प्रस्तावासोबत ओळखपत्र द्यावे लागेल.
▪ यंत्रमाग विद्युत पुरवठाबाबत वीज बिल प्रस्तावासोबत सादर करणे आवश्यक राहील.
गुजरात पॅटर्नचा भाजपला धक्का; ‘या’ दिग्गज नेत्याने दिला राजीनामा
योजनेसाठी आवश्यक कागदपत्रे :
✔ केंद्र शासनाने अनुदानाची रक्कम मंजूर केलेल्या आदेशाच्या प्रतीसह अनुदान मागणीचा प्रस्ताव.
✔ ओळखपत्र (निवडणूक पत्र, आधार कार्ड, विद्युत बिल .)
लाभाचे स्वरूप असे :
▪ प्रति यंत्रमाग एकूण खर्चाच्या 33.33% किंवा जास्तीत जास्त 10,000 रुपयांपर्यंत जी कमी असेल, त्याप्रमाणे 8 यंत्रमागास 80,000 रुपये प्रति यंत्रमागधारक इतके अर्थसहाय्य दिले जाते.
या ठिकाणी संपर्क साधावा : संचालक (वस्त्रोद्योग), वस्त्रोद्योग संचालनालय , नागपूर.
(टीप : वरील योजनेच्या नियमात किंवा आणखी काही बाबींमध्ये बदल असू शकतात. वाचकांच्या माहितीकरिता सदर माहिती संकलित करण्यात आली आहे. तरी काही त्रुटी वाटल्यास वाचकांनी पुनश्च एकवार खात्री करून घ्यावी.)
