Satej Patil and Amal Mahadik, Kolhapur : राजकारणातील कट्टर विरोधक घराणी असा इतिहास अन् वर्तमानही जेव्हा चर्चेला येतो तेव्हा कोल्हापुरातील काँग्रेस नेते सतेज पाटील आणि भाजपात असलेलं महाडिक घराण्याच नाव नक्की समोर येतं. (Kolhapur) गेल्या काही निवडणुका पाहिल्या तर काँग्रेस आमदार सतेज पाटील विरुद्ध भाजप आमदार धनंजय महाडिक असंच कोल्हापूरच्या राजकारणाचं चित्र राहिलंय. यांच्या मधून विस्तवही जात नाही इतक्या टोकाचे विरोधक हे आहेत. मात्र, आज सतेज पाटील आणि कोल्हापूर दक्षिणचे आमदार अमल महाडिक एकत्र आलेले पाहायला मिळालं.
पहिल्यांदाच एकमत
महाडिक आणि सतेज पाटील यांच्यामध्ये पहिल्यांदाच एकमत झाल्याचं पाहायला मिळालं. आमदार अमल महाडिक आणि आमदार सतेज पाटील दोघांनी एकत्र येत पालकमंत्री प्रकाश आबिटकर यांच्याकडं निवेदन सादर केलं आहे. कोल्हापूर विमानतळाजवळचा उजळाईवाडी ते तामगाव रस्ता बंद करण्यात आला. त्यामुळे पर्यायी रस्ता तातडी करण्यात यावा, अशी मागणी सतेज पाटील आणि अमल महाडिक यांनी आरोग्यमंत्री प्रकाश आबिटकर यांच्याकडं केली आहे. यावेळी सतेज पाटील यांनी ऋतुराज पाटील यांचा फंड रस्त्याला दिल्याची माहिती आहे. तर, विद्यमान आमदार अमल महाडिक यांनीही आपली बाजूही मांडली आहे.
Karnataka Election : काँग्रेसमुक्त भारत म्हणून चिडवायचे, आता भाजपामुक्त दक्षिण भारत झाला : खर्गे
सहा महिन्यांपूर्वी झालेल्या विधानसभा निवडणुकीत सतेज पाटलांना मोठा धक्का बसला होता. कोल्हापूर जिल्ह्याने विधानसभा निवडणुकीत महायुतीला साथ दिली होती. कोल्हापुरातील 10 पैकी 10 जागांवर महाविकास आघाडीला पराभवाचा सामना करावा लागला होता. त्यानंतर कट्टर प्रतिस्पर्धी असलेल्या महाडिक आणि पाटलांमध्ये पहिल्यांदाच एकमत झाल्यानंतर सर्वांच्या भूवया उंचावल्या आहेत. दरम्यान, विधानसभा निवडणुकीत कोल्हापुरात काँग्रेस उमेदवारांना पराभवाचा सामना करावा लागल्यानंतर महायुतीमध्ये इनकमिंग सुरु झालं आहे.
सतेज पाटील यांचे निकटवर्तीय मानले जाणारे रंगधर देशमुख हे काही दिवसातच शिंदे गटांमध्ये प्रवेश करणार असल्याच बोललं जातंय. मी सतेज पाटलांना सोडलंय, असं शारंगधर देशमुख यांनी माध्यमांशी बोलताना स्पष्टपणे सांगितलेलं आहे. त्यामुळे सतेज पाटलांना मोठा धक्का मानला जातोय. शारंगधर देशमुख लवकरच एकनाथ शिंदेंच्या शिवसेनेत प्रवेश करणार आहेत.
