NCP Ajit Pawar released the fourth list : राष्ट्रवादी काँग्रेसची अजित पवार गटाची चौथी यादी जाहीर करण्यात आली आहे. चौथ्या यादीत दोन उमेदवारांच्या नावांची घोषणा करण्यात आली आहे. मोर्शीमधून देवेंद्र भुयार तर भोर मतदारसंघातून (Ajit Pawar) शंकर मांडेकर यांना उमेदवारी जाहीर करण्यात आली आहे.
अजित पवार गटाची चौथी यादी जाहीर करण्यात आली असून चौथ्या यादीत 2 उमेदवारांच्या नावांची घोषणा करण्यात आली आहे. मोर्शीमधून देवेंद्र भुयार यांना अधिकृत उमेदवारी जाहीर करण्यात आली आहे. देवेंद्र भुयार हे अपक्ष आमदार असताना त्यांनी अजित पवार यांना पाठिंबा दिला होता. आता भुयार राष्ट्रवादी अजित पवार गटाचे अधिकृत उमेदवार आहेत. तर, दुसरीकडे अजित पवारांच्या राष्ट्रवादीनं भोर मतदारसंघातून शंकर मांडेकर यांना उमेदवारी जाहीर केली आहे.
नवाब मलिक आज अर्ज भरणार?
अजित पवारांच्या राष्ट्रवादी काँग्रेसकडून चौथी यादी जाहीर करण्यात आली आहे. पण, या चौथ्या यादीतही नवाब मलिकांच्या नावाचा समावेश करण्यात आलेला नाही. अशातच नवाब मलिकांनी यापूर्वीच आपण यंदाची विधानसभा निवडणूक लढवणार असल्याचं जाहीर केलं आहे. पक्षानं तिकीट दिलं नाहीतर, आपण अपक्ष म्हणून विधानसभा निवडणुकीच्या रिंगणात उतरणार, असं नवाब मलिकांनी यापूर्वीच जाहीर केलं आहे. आज नवाब मलिक मानखुर्द शिवाजीनगर विधानसभेसाठी आपला उमेदवारी अर्ज भरणार आहेत. अपक्ष लढणार की, राष्ट्रवादी काँग्रेस पक्षाच्या तिकिटावर लढणार? हे अद्याप अस्पष्ट असून मलिक नेमका काय निर्णय घेणार? हे पाहणं महत्त्वाचं ठरणार आहे.
