Threatening call to Mumbai Police : मुंबई पोलीस नियंत्रण कक्षाला एक धमकीचा फोन आला आहे, (Police) ज्यामध्ये फोन करणाऱ्या व्यक्तीने स्वतःची ओळख डी कंपनीतील सदस्य म्हणून करून दिली आहे. डी कंपनीचे नेतृत्व अंडरवर्ल्ड डॉन दाऊद इब्राहिम करतो. यामुळे एकच खळबळ माजली. या प्रकरणी पोलिसांनी एका जणाला ताब्यात घेतलं आहे.
दरम्यान, फोन करणाऱ्याने मुंबईत बॉम्बस्फोट होणार असल्याचा दावा केला आहे. स्वतःला ‘डी कंपनी’चा सदस्य असल्याचे सांगितलं आहे. धमकीच्या फोननंतर स्थानिक पोलीस तात्काळ सक्रिय झाले आणि बॉम्ब पथकाला माहिती देण्यात आली. चौकशी करण्यात आली, पण काहीही संशयास्पद आढळलं नाही.
आमदाराचा पीए असलो तरी 30 हजार मानधनात; मंगेशकर रुग्णालयाचे दावे भिसे कुटुंबाने फेटाळे
पोलिसांनी फोन करणाऱ्याचे ठिकाण शोधले आणि मुंबई गुन्हे शाखेने बोरिवली येथून फोन करणाऱ्याला ताब्यात घेतले. मंगळवारी पहाटे २:३० च्या सुमारास फोन आला. मुंबई पोलिस नियंत्रण कक्षाला एक फोन आला होता, ज्यामध्ये आरोपीने दावा केला होता की, “मी डी (दाऊद) टोळीचा आहे आणि मुंबईत बॉम्बस्फोट होतील.” यानंतर त्याने अचानक फोन डिस्कनेक्ट केला. कॉल करणाऱ्या व्यक्तीच्या या कॉलनंतर, वरिष्ठ अधिकाऱ्यांना तात्काळ माहिती देण्यात आली, त्यानंतर मुंबई पोलिसांनी तातडीने कारवाई केली.
धमकी गांभीर्याने घेत, पोलिसांनी ताबडतोब फोन करणाऱ्याचा शोध घेतला आणि त्याला बोरिवली परिसरातून ताब्यात घेतलं आहे. आरोपीचे नाव सूरज जाधव असे आहे, तो बोरिवलीचा रहिवासी आहे. पोलीस अधिकाऱ्यांनी उघड केलं की जाधव यांनी काही महिन्यांपूर्वी असाच एक खोटा फोन केला होता, ज्यामध्ये मुंबईत बॉम्बस्फोटाचा इशारा देण्यात आला होता. त्यावेळी त्याला अटकही झाली होती.
