Ahilyanagar Municipal Council Elections : अहिल्यानगर जिल्ह्यातील नगरपरिषद निवडणुकीत मोठा बदल करण्यात आला असून, 11 पैकी 4 नगरपरिषद निवडणुका पुढे ढकलण्याचा निर्णय राज्य निवडणूक आयोगाने जाहीर केला आहे. कोपरगाव, देवळाली, नेवासा आणि पाथर्डी या नगरपरिषदांमध्ये नगराध्यक्ष पदाच्या उमेदवारांबाबत न्यायालयात अपील प्रलंबित असल्याने येथे निवडणूक कार्यक्रम तात्पुरता स्थगित करण्यात आला आहे. तसेच, 7 नगरसेवक पदांबाबतही न्यायालयीन अपील असल्यामुळे त्या ठिकाणचे निवडणूक कार्यक्रम देखील पुढे ढकलण्यात आले आहेत.
राज्य निवडणूक आयोगाने जिल्हाधिकाऱ्यांना दिलेल्या सूचनांनुसार ज्या ठिकाणी 23 नोव्हेंबरनंतर अपीलांचे निकाल प्रलंबित आहेत, त्या ठिकाणची निवडणूक प्रक्रिया कार्यक्रमानुसार घेऊ नये, असे स्पष्ट करण्यात आले आहे. नगराध्यक्ष (Ahilyanagar Municipal Council Elections) पदासह संपूर्ण नगरपरिषदेला लागू होणारे प्रकरण असल्यास, त्या ठिकाणची संपूर्ण निवडणूक स्थगित करण्याचे निर्देश दिले आहेत. जिल्हाधिकाऱ्यांना अशा सर्व स्थगित निवडणुकांची माहिती संकलित करून सुधारित सार्वत्रिक कार्यक्रम तातडीने सादर करण्याचे आदेश देण्यात आले आहेत.
सुधारित निवडणूक कार्यक्रम (स्थगित ठिकाणांसाठी)
4 डिसेंबर : सुधारित निवडणूक कार्यक्रम जाहीर करण्यात येणार
10 डिसेंबर : अर्ज मागे घेण्याचा शेवटचा दिवस असणार आहे.
11 डिसेंबर : चिन्हवाटप व अंतिम उमेदवार यादी जाहीर करण्यात येणार
20 डिसेंबर : मतदान होणार आहे
21 डिसेंबर : मतमोजणी पार पडणार आहे
ज्या पक्षात कार्यकर्ते नाहीत…, भाजपमध्ये प्रवेश करताच प्रकाश भोईरांचा मनसेवर निशाणा
सचिव सुरेश काकाणी यांनी दिलेल्या आदेशानुसार ही माहिती निर्गमित करण्यात आली आहे. या नगर परिषदेचे निवडणूक होणार राहता, जामखेड, श्रीगोंदा ,शेवगाव, संगमनेर, शिर्डी आणि राहुरी येथील नगर परिषदेच्या निवडणूक दिलेल्या वेळेवरच पार पाडणार आहेत.