Ahmednagar Lok Sabha : अहमदनगर लोकसभेचे महाविकास आघाडीचे उमेदवार निलेश लंके (Nilesh Lanke) यांनी प्रचाराच्या शेवट्या दिवशी प्रचाराचा चांगलाच धुरळा उडवला. आमदार रोहित (Rohit Pawar) पवारांसह युवा नेते रोहीत आरआर पाटील आज लंके यांच्या प्रचाराला उपस्थित होते. यामध्ये दन्ही रोहितने विरोधकांवर जोरदार हल्लाबोल केला. यावेळी रोहित आरआर पाटलांनी (Sujay Vikhe) सुजय विखेवर जोरदार फटकेबाजी केली.
बैल खरेदी केला का ?
रोहीत आरआर पाटील यावेळी म्हणाले, देवेंद्र फडणवीस आणि अजित पवार प्रत्येक सभेत म्हणतात पंतप्रधान नरेंद्र मोदींकडे पाहून मतदान करा. परंतु, तुम्ही सर्वजन शेतकरी आहात. कधी ना कधी तुम्ही बैल बाजारात गेला असताल. बैल खरेदी केला असेल, विकला असेल. या सर्व व्यवहारात कधी आपण बैल न पाहता त्याच्या मालकाला पाहून बैल खरेदी केला का ? असा जोरदार टोला रोहित पाटलांनी यावेळी फडणवस आणि अजित पवारांना लगावला. दरम्यान, त्याच्या यो कोटीवर उपस्थितांमध्ये चांगलाच हशा पिकला होता.
आम्हाला अटक करणार का?
यावेळी रोहित पाटलांनी सुजय विखे यांचं नाव घेत थेट टीका केली. आज कुणी आंदोलन केलं तरी त्यांना अटक केली जाते. आम्ही आणि आमदार रोहित पावारांनी एक यात्रा काढली होती. त्यावेळी आम्हाला नागपूरमध्ये अटक करण्याची भूमिका घेतली होती. आज शेतकरी आंदोलन करतात म्हणून त्यांना अटक केली. उद्या आम्ही कांद्यासाठी आंदोलन केलं तर सुजय विखे आम्हाला अटक करणार का? हे स्पष्ट करा असंही रोहित पाटील यावेळी म्हणाले.
