ज्या पक्षात कार्यकर्ते नाहीत…, भाजपमध्ये प्रवेश करताच प्रकाश भोईरांचा मनसेवर निशाणा

Prakash Bhoir On MNS : राज्यात होणाऱ्या आगामी महानगरपालिका निवडणुकीसाठी महाविकास आघाडी आणि महायुतीकडून जोरदार तयारी सुरु करण्यात आली आहे.

Prakash Bhoir On MNS

Prakash Bhoir On MNS

Prakash Bhoir On MNS : राज्यात होणाऱ्या आगामी महानगरपालिका निवडणुकीसाठी महाविकास आघाडी आणि महायुतीकडून जोरदार तयारी सुरु करण्यात आली आहे. महाविकास आघाडीमध्ये मनसेची देखीस लवकरच एन्ट्री होणार अशी चर्चा देखील राजकीय वर्तुळात आहे. शिवसेना ठाकरे गटाने मुंबई, ठाणे आणि कल्याण-डोंबिवली महानगर पालिकेच्या निवडणुकीसाठी मनसेसोबत जागावाटपावर चर्चा देखील सुरु केली असल्याची माहिती सध्या समोर येत आहे.

तर दुसरीकडे भाजपने आज कल्याण-डोंबिवलीमध्ये (Kalyan-Dombivli) मनसेला (MNS) धक्का देत मोठा नेता फोडला आहे. आज मनसेचे डोंबिवली जिल्हाध्यक्ष प्रकाश भोईर (Prakash Bhoir) यांनी पक्षाला रामराम करत भाजपमध्ये प्रवेश केला आहे. प्रकाश भोईर यांनी घेतलेल्या निर्णयामुळे आगामी महानगरपालिका निवडणुकीपूर्वी कल्याण- डोंबिवलीमध्ये मनसेला मोठा धक्का मानला जात आहे. भाजप प्रदेशाध्यक्ष रवींद्र चव्हाण यांच्या उपस्थितीमध्ये प्रकाश भोईर यांनी आज भाजपमध्ये प्रवेश केला आहे. प्रकाश भोईर यांच्यासोबतच आज मनसेच्या डोंबिवली प्रश्चिमचे मनसेचे माजी नगरसेवक सुदेश चुडनाईख यांनी देखील भाजपमध्ये प्रवेश करत मनसेला मोठा धक्का दिला आहे.

यावेळी प्रकाश भोईर म्हणाले की, डोंबिवलीच्या विकासाठी रवींद्र चव्हाण (Ravindra Chavan) यांनी खूप मोठा निधी दिला आहे. इथले लोकं दादांवर खूप प्रमे करतात. 2010 मध्ये राजकारणातून बाहेर पडण्याची वेळ आली होती मात्र प्रभागातील नागरिकांनी निर्णय घेऊन मला निवडणुकीत उभे केले. मी ज्या पक्षात होतो , त्या पक्षात मला खूप प्रेम मिळाले मात्र ज्या पक्षात कार्यकर्ते नाहीत, कार्यकर्त्यांनी खांदे टाकले त्या ठिकाणी कार्यकर्ते पुढे कसं चालणार? असा सवाल प्रकाश भोईर यांनी उपस्थित करत मनसेवर निशाणा साधला.

Andre Russell Retirement : मोठी बातमी, आंद्रे रसेल आयपीएलमधून निवृत्त

तर दुसरीकडे राजकारणात नाही तर राजकारणाच्या बाहेर जाऊन काम करणारे प्रतिनिधी भाजपमध्ये आले आहे. येणाऱ्या काळात कल्याण-डोंबिवलीमध्ये जे ग्रहण आहे ते दुर करायचे आहे. तुम्हाला सर्वांना भाजपला आशीर्वाद द्यावा लागेल. मला या कल्याण-डोंबिवली शहराचा महापौर भाजपचा करायचा आहे. यासाठी जे माझे मित्र आहे ते माझ्या सोबत येतील असं भाजपचे प्रदेशाध्यक्ष रवींद्र चव्हाण यांनी म्हटले आहे.

Exit mobile version