मनसे-शिवसेनेची पुण्यात युती? थेट उमेदवारांची यादीच ठाकरेंना पाठवली

शिवसेना ठाकरे गटाचे नेते वसंत मोर यांनी आज पत्रकार परिषद घेतली. यावेळी त्यांनी पक्षाची महानगरपालिका निवडणुकीबाबतची भूमिका स्पष्ट केली.

MNS Shiv Sena Alliance In Pune : मनसे आणि शिवसेना उद्धव ठाकरे गट राज्यातील 6 ठिकाणची महानगरपालिका निवडणूक सोबत लढवणार असल्याचं काल जाहीर करण्यात आलं होतं. त्यात पुणे महानगरपालिका देखील हे दोन्ही पक्ष सोबत लढवणार आहेत. यानंतर आज शिवसेना ठाकरे गटाचे (Shivsena UBT) पुण्यातील नेते वसंत मोरे (Vasant More) यांनी आज पत्रकार परिषद घेतली. यावेळी त्यांनी पक्षाची महानगरपालिका निवडणुकीबाबतची भूमिका स्पष्ट केली. जेव्हापासून मराठीच्या मुद्द्यावर आम्ही मनसेसोबत आलो, तेव्हापासून आम्ही एक आहोत. दोन्ही राष्ट्रवादीत (NCP) या नगरपरिषद आणि नगरपालिका निवडणुकीत जो ट्विस्ट तयार झालाय त्याच उत्तर त्यांनी द्यावं. तो त्यांचा प्रश्न आहे. मात्र शिवसेना ठाकरे गट आणि मनसे आम्ही दोघांनीही महानगरपालिका निवडणुकीच्या अनुषंगाने तयारी सुरू केली आहे. ज्या पद्धतीने निवडणूका होतील त्याला आम्ही सामोरे जाऊ.

काँग्रेसच्या (Congress) भूमिकेबद्दल देखील त्यांनी भाष्य केलंय. पुण्यातील (Pune) काँग्रेसच्या लोकांनाच माहित नाही काय चाललंय ते. तसेच त्यांचं कोणताही आंदोलन असेल तिथं मनसे (MNS) चालते. मात्र निवडणुकीत चालत नाही. त्यामुळे आम्ही काँग्रेसला साईड ट्रॅकला ठेऊन चाललो असल्याचं यावेळी त्यांनी स्पष्ट केलं. त्याचप्रमाणे संजय मोरे आणि गजानन खरपुडे हे शहराध्यक्ष स्तरावर चर्चा करत आहेत. तसेच आमची 218 इच्छुक उमेदवारांची यादी तयार असून ही यादी आम्ही मनसेच्या नेत्यांना दाखवून मनसेच्या इच्छुक उमेदवारांची यादी पाहून चर्चा करून निर्णय घेऊ असं देखील त्यांनी सांगितलं. राष्ट्रवादी काँग्रेसचा निर्णय झाल्यानंतर त्यांचं काय करायचं ते पाहू.

हफ्तेखोरी आणि खंडणी हे शब्द संगमनेरकरांना नव्याने कळाले; बाळासाहेब थोरातांचा आ. खताळ, विखेंवर निशाणा

उपमुख्यमंत्री एकनाथ शिंदे यांच्यासोबत जाण्याबाबत देखील वसंत मोरे यांनी भूमिका स्पष्ट केली आहे. त्यांनी पहिले पुण्यात किती जागा लढवणार आहेत ते स्पष्ट करावं. आणि आमचं म्हणाल तर आम्ही त्यांच्यासोबत लढणार नसल्याचं देखील स्पष्ट केलं. त्याचप्रमाणे इच्छुक उमेदवारांच्या बाबतीत देखील त्यांनी भाष्य केलंय. सगळ्या गोष्टींचा विचार करूनच उमेदवारी दिली जाणार असल्याचं देखील त्यांनी स्पष्ट केलं. उमेदवाराला असलेल महानगरपालिकेबद्दलच ज्ञान, पक्षाच्या कार्यक्रमातील त्याचा सहभाग अशा अनेक गोष्टींचा विचार हा उमेदवारी देताना केला जाणार आहे. ही 218 उमेदवारांची यादी मी मुंबईला पाठवली आहे.

संबंधित बातम्या