Sand transportation allowed 24 hours in the state; Revenue Minister Bawankule’s big announcement : राज्यामध्ये 24 तास वाळू वाहतूक सुरू राहणार आहे. सध्या सुरू असलेल्या राज्याच्या विधिमंडळाच्या अधिवेशनादरम्यान विधानसभेमध्ये राज्याचे महसूल मंत्री चंद्रशेखर बावनकुळे यांनीही मोठी घोषणा केली आहे. काय म्हणाले बावनकुळे पाहुयात…
काय म्हणाले चंद्रशेखर बावनकुळे?
या अगोदर वाळूचे उत्खनन सकाळी सहा ते सायंकाळी सहाच्या दरम्यानच करता येत होतो. तर वाळूची वाहतूक देखील सकाळी सहा ते सायंकाळी सहा पर्यंतच करता येते. मात्र इतर गौण खनिजांना 24 तास वाहतूक करता येते. कारण दिवसा रहदारीचे प्रमाण जास्त असल्याने वाळूच्या वाहतुकीला बंदी असते. मात्र अनेक ठिकाणी विविध प्रकल्पांची काम मुदतीमध्ये पूर्ण करण्यासाठी वाळूची मागणी वाढली आहे.
LIVE 📍विधान भवन, मुंबई 03-07-2025 राज्य विधिमंडळ पावसाळी अधिवेशन २०२५ – विधानसभेतून लाईव्ह
https://t.co/4uGj0MoCBH— Chandrashekhar Bawankule (@cbawankule) July 3, 2025
महाराष्ट्रात 90 दिवस अन् 767 शेतकऱ्यांची आत्महत्या पण सरकार गप्प; राहुल गांधींचा हल्लाबोल
मात्र या वाळू उत्खननात या ठिकाणी सीसीटीव्ही बसवणे तसेच वाळू वाहतूक करणाऱ्या वाहनांना जीपीएस बसवणे देखील बंधनकारक करण्यात आले आहे. त्यामुळे आता दिवसभर झालेला वाळू उपसा हा रात्री निश्चित प्रकल्पांपर्यंत पाठवला जाणार आहे. जेणेकरून बांधकाम प्रकल्प वेळेत होण्यास मदत होणार आहे. यासाठी संबंधितांना शासनाच्या पोर्टलवर जावून परवानगी घ्यायची आहे. तसेच परवानगी असणाऱ्या वाहनांनाच ही वाहतूक करता येणार आहे.
अवैध वाळू तस्करांचा पाठलाग करत आमदार अमोल खताळ यांची धडक कारवाई
संगमनेरमधील (Sangamner) वाळू माफियांच्या विरोधात शिवसेनेचे आमदार अमोल खताळ यांनी ( MLA Amol Khatal) धडक कारवाई केली होती. त्यांनी अवैध वाळू तस्करांचा पाठलाग (Illegal Sand Mafia) करत कारवाई केली होती. संगमनेर तालुक्यातील रायतेवाडी शिवारातील तनपूरवाडी रस्त्यावर रात्री आमदार अमोल खताळ सामाजिक कार्यक्रमावरून परतत होते. त्यावेळी अवैध वाळू वाहतूक करणाऱ्या वाहनावर अमोल खताळ यांनी स्वतः कारवाई केली होती.
