Buldhana News : गेल्या काही दिवसांपासून राज्यातील विविध भागांत हाणामारीच्या घटनांमध्ये वाढ होत असल्याचं चित्र आहे. अशातच आता बुलढाण्यातील देऊळघाट गावात दोन गटांत तुफान राडा झाल्याची घटना घडली. एका क्षुल्लक गोष्टीमुळे ही घटना घडल्याचं सांगण्यात येत आहे. विशेष म्हणजे दोन गटात झालेल्या राड्यामध्ये भाजपचे युवा तालुकाध्यतक्ष नंदू लवंगे (Nandu Lawange) यांच्यासह इतर 6 जण गंभीर जखमी झाले आहेत.
वक्फ बोर्ड कायदा जैसे थे! सर्वोच्च न्यायालयाकडून केंद्राला धक्का, सात दिवसांत उत्तर देण्याचे आदेश
देऊळघाट गावात अचानक दोन गट आमने-सामने आले. आमने-सामने आल्यानंतर दोन्ही गटातील नागरिकांमध्ये मोठ्या प्रमाणात हाणामारी सुरु झाली. या राड्यामध्ये भाजपचे तालुकाध्यक्ष नंदू लवंगे यांच्यासह इतर 6 जणांना मोठी दुखापत झाली आहे. हाणामारीमध्ये गंभीर जखमी झालेल्या नागरिकांवर बुलढाण्यातील शासकीय वैद्यकीय रुग्णालयात उपचार सुरु आहे.
लाचखोरांवर सरकार मेहेरबान! विभागीय चौकशी नियम रद्द करण्याच्या हालचाली; अभिप्राय मागवले
दरम्यान, या घटनेनंतर बुलढाण्यात तणावाचे वातावरण निर्माण झालं असून पोलिसांकडून आरोपींची धरपकड सुरु असल्याचं चित्र आहे. देऊळघाट गावात ही घटना घडताच पोलिस अधीक्षक, अप्पर पोलिस अधीक्षकांसह पोलिस कर्मचाऱ्यांचा मोठा फौजफाटा दाखल होत परिस्थिती पूर्ववत सुरु केलीयं. ही मारहाणीची घटना नेमकी कोणत्या कारणामुळे झाली, याबाबत अद्याप माहिती समजू शकली नाही. पोलिसांकडून या घटनेनंतर चौकशी सुरु आहे.
शुभचिंतकच्या नव्या पोस्टरमध्ये स्वप्नीलचा डॅशिंग अंदाज! चाहत्यांची उत्सुकता वाढली…
घटनेत जखमी झालेल्या नागरिकांवर शासकीय रुग्णालयात उपचार सुरु असून उपचारादरम्यानच पोलिसांनी शासकीय रुग्णालयात दाखल होत जखमी नागरिकांचे जबाब नोंदवले आहेत. त्यांच्या जबाबानंतर आता पोलिसांकडून दुसऱ्या गटातील नागरिकांची चौकशी सुरु आहे.
