मुंबई – राज्यात पुन्हा एकदा कोरोनाने (Corona) धुमाकूळ घातला आहे. राज्यात गेल्या 24 तासांत कोरोनाचे 562 नवीन रुग्ण आढळले आहेत. याशिवाय राज्यात कोरोनामुळे 3 जणांचा मृत्यू झाल्याची माहिती समोर येत आहे. दैनंदिन रुग्णांच्या बाबतीत महाराष्ट्र (Mumbai Corona) हे देशातील तिसरे सर्वाधिक प्रभावित राज्य आहे. महाराष्ट्राव्यतिरिक्त (Corona update) केरळ आणि दिल्लीतही कोरोनाच्या रुग्णांमध्ये वाढ झाली आहे. राजधानी दिल्लीत कोरोना पॉझिटिव्ह दर 10 टक्क्यांहून अधिक झाला आहे.
सक्रिय प्रकरणांची संख्या सुमारे साडेतीन हजार
राज्यात 562 नवीन रुग्णांसह एकूण सक्रिय रुग्णांची संख्या 3488 वर पोहोचली आहे. आज महाराष्ट्रात 395 लोक कोरोनामधून बरे होऊन घरी पोहोचले आहेत. महाराष्ट्रातील रिकवरी दर 98.13% वर गेला आहे. महाराष्ट्रात 79 लाख 93 हजार 410 लोक कोरोनामधून पूर्णपणे बरे झाले आहेत.
Daily Horoscope : नोकरी करणाऱ्यांसाठी महत्त्वाचा दिवस; कसा असेल आजचा दिवस?
प्रवाशांची तपासणी
राज्यात रैंडम सॅम्पल आणि चाचणी वाढली आहे. गेल्या 24 तासांत 16 लाखांहून अधिक लोक महाराष्ट्रात पोहोचले आहेत. त्यापैकी 37 हजारांहून अधिक लोकांचे नमुने घेण्यात आले. यापैकी 45 जणांना कोरोनाची लागण झाली आहे. राज्यात बाहेरून आलेल्या लोकांमध्ये पुण्यात सर्वाधिक कोरोनाचे रुग्ण आढळले आहेत.
पुण्यात 10 जणांना कोरोनाची लागण झाली आहे, तर मुंबईत 8 जण सापडले आहेत. याशिवाय नवी मुंबई, अमरावती, सांगली, औरंगाबाद येथील प्रत्येकी एका व्यक्तीला कोरोनाची लागण झाली आहे. बाहेरून आलेल्या लोकांमध्ये गुजरातमधील 5, यूपीमधील 4, केरळमधील 3 आणि तामिळनाडूमधील 2 जणांना कोरोनाची लागण झाली आहे.
