Indian Railways Special Preparations : देशात दिवाळी आणि छठसणाची तयारी जोरात सुरू आहे. लोक आपल्या गावी सुरक्षित आणि आरामात पोहोचण्यासाठी ट्रेन-बस बुकिंगमध्ये व्यस्त आहेत. याच पार्श्वभूमीवर, भारतीय रेल्वेने या सणासाठी विशेष तयारी केली आहे. केंद्रीय रेल्वे मंत्री अश्विनी वैष्णव यांनी याबाबत माहिती दिली.
मागील वर्षी छठ आणि दिवाळीसाठी 7,500 स्पेशल ट्रेन (Special Trains) चालवल्या होत्या, तर यंदा रेल्वेची क्षमता वाढवून सुमारे 12,000 स्पेशल ट्रेन चालवण्याचे उद्दिष्ट ठेवले आहे. यामध्ये 150 ट्रेन पूर्णपणे अनारक्षित श्रेणीसाठी असतील. त्या अंतिम क्षणी प्रवाशांच्या सोयीसाठी सुरू केल्या जातील. या सणाच्या (Diwali And Chhath) काळात दिल्ली, मुंबईसारख्या मोठ्या शहरांहून उत्तर प्रदेश, बिहार आणि इतर राज्यांमध्ये प्रवास करणाऱ्यांची (Indian Railways Special Preparations) संख्या खूप वाढते. या गर्दी लक्षात घेऊन, रेल्वेने अतिरिक्त ट्रेन चालवण्याची तयारी केली आहे.
रेल्वेच्या अधिकृत अधिसूचनेनुसार, स्पेशल ट्रेन 1 ऑक्टोबरपासून 15 नोव्हेंबरपर्यंत चालवण्यात येतील.
रेल्वे मंत्री अश्विनी वैष्णव यांनी वंदे भारत स्लीपर ट्रेनच्या प्रगतीबाबत सांगितले की, तिचे परीक्षण पूर्ण झाले असून, दोन रेक एकाच वेळी सुरू केले जातील. दुसरा रेक 15 ऑक्टोबरपर्यंत उपलब्ध होईल.
– लखनऊ-जंक्शन ते सहारनपुर दरम्यान नवीन वंदे भारत एक्सप्रेस सुरू होईल, ज्यामुळे प्रवासाचा वेळ कमी होईल आणि प्रवाशांना आधुनिक सुविधा मिळतील.
– मदार-जंक्शन (अजमेर) ते दरभंगा दरम्यान नवीन साप्ताहिक अमृत भारत एक्सप्रेस सुरू होईल, जी कमी आणि मध्यम उत्पन्न असलेल्या कुटुंबांसाठी उपयुक्त ठरेल.
– केंद्रीय रेल्वे मंत्र्यांच्या मते, देशातील 70 पैकी 29 रेल्वे विभागांमध्ये वेळापालन 90% पेक्षा जास्त झाले आहे, जे प्रवाशांच्या सुरक्षित आणि सोयीस्कर प्रवासासाठी महत्त्वाचे आहे.
