MLA T Raja Resigns : तेलंगणामध्ये भाजपला मोठा धक्का बसला आहे. तेलंगणा (Telangana) भाजपचे आमदार टी. राजा (MLA T Raja) यांनी पक्षाचा राजीनामा दिला आहे. भाजपचे राज्य युनिट प्रमुख जी किशन रेड्डी (G Kishan Reddy) यांना त्यांनी राजीनामा पाठवला आहे. तेलंगणामध्ये भाजप नेते रामचंद्र राव (Ramachandra Rao) यांच्याकडे राज्याची कमान सोपवण्यात येण्याची शक्यता असल्याने टी. राजा यांनी पक्षातून राजीनामा दिला असल्याची चर्चा आहे.
पार्टी नेता रामचंदर राव को तेलंगाना भाजपा प्रमुख नियुक्त किए जाने की संभावना की मीडिया रिपोर्टों के बाद, भाजपा विधायक टी. राजा सिंह ने सदमे और निराशा का हवाला देते हुए पार्टी की प्राथमिक सदस्यता से इस्तीफा दे दिया। pic.twitter.com/TV0tl4wV1i
— ANI_HindiNews (@AHindinews) June 30, 2025
भाजपचे राज्य युनिट प्रमुख जी किशन रेड्डी यांना पाठवलेल्या राजीनाम्यात टी. राजा यांनी म्हटले आहे की, तुमचा निर्णय लाखो पक्ष कार्यकर्त्यांचा विश्वासघात आहे. चांगल्या आणि वाईट काळात पक्षासोबत राहिलेल्या कार्यकर्त्यांवर अन्याय झाला आहे. हा निर्णय केवळ आमच्यासाठीच नाही तर लाखो कार्यकर्त्यांसाठी धक्का आहे. भाजप तेलंगणामध्ये पहिले सरकार स्थापन करण्यास तयार होती. तथापि, आता चुकीच्या निवडणुकीने विजयाचे स्वप्न धुळीस मिळवले आहे.
पुढे टी राजा म्हणाले की, भाजपमधून राजीनामा दिल्यानंतरही, हिंदुत्वाच्या विचारसरणीशी आणि धर्मसेवेशी माझा संबंध कायम राहील. मी हिंदू समुदायासाठी आवाज उठवत राहीन. आता आवाजाला अधिक ताकद मिळेल. हा एक अतिशय कठीण पण आवश्यक निर्णय होता. मी हा निर्णय केवळ माझ्यासाठीच नाही तर पक्षाच्या निर्णयावर नाराज असलेल्या लाखो कार्यकर्त्यांसाठी घेतला आहे.
दोन भावांनी एकत्र येऊ नये असा जीआर काढलेला नाही, CM फडणवींसाचा ठाकरे बंधूंना टोला
