Kedarnath Helicopter Crashes 7 Dead Including Pilot : अहमदाबादमधील विमान दुर्घटनेच्या जखमा ताज्या असतानाच (Ahmedabad Plane Crash) पुन्हा केदारनाथमधून एक मोठी बातमी समोर आली आहे. उत्तराखंडच्या केदारनाथ धाममध्ये पुन्हा एकदा मोठी दुर्घटना घडली आहे. रविवारी केदारनाथ (Kedarnath) मार्गावर एक हेलिकॉप्टर कोसळले. हेलिकॉप्टरमध्ये पायलटसह एकूण 5 जण होते असे सांगितले (Helicopter Crashes) जात आहे.
या अपघातात 5 जणांचा मृत्यू झाल्याची भीती व्यक्त केली जात आहे. मिळालेल्या माहितीनुसार, आर्यन कंपनीचे हेलिकॉप्टर कोसळले आहे. ही दुर्घटना गौरीकुंड आणि त्रिजुगीनारायण नारायण दरम्यान घडली.
Rain Alert : पुढील 24 तास धोक्याचे! पुणे, साताऱ्यासह सात जिल्ह्यांना अतिवृष्टीचा इशारा
हेलिकॉप्टर कोसळण्याचे कारण
हेलिकॉप्टर कोसळण्याचे कारण खराब हवामान असल्याचे सांगितले जात आहे. त्याच वेळी, या अपघाताची माहिती देताना उत्तराखंडचे एडीजी कायदा आणि सुव्यवस्था डॉ. व्ही मुरुगेशन म्हणाले की, देहरादूनहून केदारनाथला जाणारे हेलिकॉप्टर गौरीकुंडमध्ये बेपत्ता झाले. मुख्यमंत्री पुष्कर सिंह धामी यांनी या घटनेबाबत निवेदन जारी केले आहे. ते म्हणाले की, रुद्रप्रयागमध्ये हेलिकॉप्टर अपघात झाल्याची बातमी मिळाली आहे. एसडीआरएफ, स्थानिक प्रशासन आणि इतर बचाव पथके मदत आणि बचाव कार्यात गुंतलेली आहेत. सर्व भाविकांच्या सुरक्षिततेसाठी मी प्रार्थना करतो.
मोठी बातमी, अमेरिकेत माजी हाऊस स्पीकर मेलिसा हॉर्टमन यांची हत्या
केदारनाथमध्ये कोसळलेले हेलिकॉप्टर आर्यन कंपनीचे असल्याचे सांगितले जात आहे. ही संपूर्ण घटना पहाटे साडे पाच वाजेच्या सुमारास घडली. या संपूर्ण अपघातात प्रौढ, मुले आणि पायलटसह एका मुलाचा मृत्यू झाला आहे.
चारधाम यात्रेदरम्यान …
या चारधाम यात्रेदरम्यान वेगवेगळ्या धामांवर हेलिकॉप्टर अनेक वेळा कोसळले आहेत. तसेच हेलिकॉप्टरचे अनेक वेळा आपत्कालीन लँडिंग करण्यात आले. अलिकडेच रस्त्याच्या मधोमध एक हेलिकॉप्टर कोसळले. चारधाम यात्रेच्या सुरुवातीलाही एकदा एक हेलिकॉप्टर कोसळले होते, ज्यामध्ये अनेक लोकांचा मृत्यू झाला होता.
चारधाम यात्रेदरम्यान, प्रवासी त्रास टाळण्यासाठी आणि चढाई टाळण्यासाठी हेलिकॉप्टरचा वापर करतात. अलिकडच्या काळात केदारनाथमध्ये अशा अनेक घटना समोर आल्या आहेत. अलिकडेच रस्त्यावर एका हेलिकॉप्टरचे आपत्कालीन लँडिंग करण्यात आले. याशिवाय, काही दिवसांपूर्वी, उड्डाण करण्यापूर्वी आणखी एका हेलिकॉप्टरला अपघात झाला.
