Bhupesh Baghel CBI Raid: काँग्रेसचे जेष्ठ नेते आणि छत्तीसगडचे (Chhattisgarh) माजी मुख्यमंत्री भूपेश बघेल (Bhupesh Baghel) यांच्या घरावर सीबीआयने छापा टाकला असल्याची माहिती समोर आली आहे. या प्रकरणात समोर आलेल्या माहितीनुसार, माजी मुख्यमंत्री भूपेश बघेल यांच्या घराबाहेर मोठ्या संख्येत सीआरपीएफ जवान तैनात करण्यात आले आहेत.
सीबीआयने रायपूर आणि भिलाईमधील भूपेश बघेल यांच्या घरावर छापे टाकले आहे. तर दुसरीकडे सीबीआयने सीडी घोटाळा प्रकरणात काही दिवसांपूर्वी पुनर्विचार याचिका दाखल केली होती. सीडी घोटाळा प्रकरणात न्यायालयाने भूपेश बघेल यांना दोषमुक्त केले होते.
Raipur | CBI arrives at the residence of former Chhattisgarh CM Bhupesh Baghel. pic.twitter.com/sQKnCZy6bR
— ANI (@ANI) March 26, 2025
या पुनर्विचार याचिकेवर 4 एप्रिल रोजी सुनावणी होणार आहे. मिळालेल्या माहितीनुसार, महादेव सत्ता अ‍ॅप, कोळसा आणि दारू घोटाळ्याबाबतही ही कारवाई केली जात आहे.
तर दुसरीकडे माजी मुख्यमंत्री भूपेश बघेल यांच्या भिलाई येथील निवासस्थानासह, सीबीआयने भिलाईतील तीन ठिकाणी छापे टाकले आहेत. भिलाईचे आमदार देवेंद्र यादव यांच्या घरावरही छापा टाकण्यात आला आहे. भूपेश यांचे जवळचे सहकारी विनोद वर्मा यांच्या घरावरही छापा टाकण्यात आला. माजी आयएएस अधिकारी अनिल तुतेजा यांच्या घरावरही छापा टाकल्याची माहिती समोर आली आहे.
मोठी बातमी! 1 एप्रिलपासून बँकिंग नियमांमध्ये होणार बदल, आताच जाणून घ्या सर्वकाही
काँग्रेस कम्युनिकेशन विभागाचे प्रमुख सुशील आनंद शुक्ला यांनी या कारवाईवर प्रतिक्रिया देताना म्हटले आहे की, भाजपच्या मोदी सरकारने काँग्रेसचे राष्ट्रीय सरचिटणीस आणि माजी मुख्यमंत्री भूपेश बघेल यांच्या निवासस्थानी सीबीआय पाठवले आहे. या छाप्याबाबत सीबीआय अधिकाऱ्यांनी अद्याप कोणतेही अधिकृत विधान जारी केलेले नाही. मी तुम्हाला सांगतो की, काही दिवसांपूर्वीच ईडीने भूपेश बघेल यांच्या भिलाई येथील निवासस्थानी छापा टाकला होता. या कारवाईत लाखो रुपयांची रोकड जप्त करण्यात आली.
