कर्नाटकच्या मुख्यमंत्रिपदासाठी उपमुख्यमंत्री डी. के. शिवकुमार (Karnatak) यांनी सुरू केलेला आटापिटा अखेर शनिवारी (२९ नोव्हेंबर) शांत झाला. पक्षश्रेष्ठींनी दिलजमाईसाठी केलेले प्रयत्न फळास आले आहेत. दरम्यान, आता कर्नाटक सरकार व कर्नाटक काँग्रेसमध्ये सारंकाही आलबेल असल्याचं सांगितलं जात आहे.
अशातच आता डी. के. शिवकुमार यांनी मोठ वक्तव्य केलं आहे. ते म्हणाले की “मला माझ्या मर्यादा माहिती आहेत. मुख्यमंत्री सिद्धरामय्या आणि माझ्यात कुठलाही मतभेद नाही. डी. के. शिवकुमार यांनी बंगळुरूत प्रसारमाध्यमांशी बातचीत केली. यावेळी ते म्हणाले, कर्नाटक काँग्रेसचा प्रदेशाध्यक्ष या नात्याने मला माझ्या मर्यादा माहिती आहेत असंही ते म्हणाले आहेत.
सर्व 140 आमदार माझे! कर्नाटकमध्ये मुख्यमंत्री पदाचा संघर्ष पेटला, शिवकुमार काय म्हणाले?
२०२८ ची विधानसभा निवडणूक हेच आमचं एकमेव लक्ष्य आहे. आम्ही त्यासाठी मोर्चेबांधणी करत आहोत.कर्नाटकच्या जनतेला आमच्याकडून खूप अपेक्षा आहेत. माझ्यात आणि मुख्यमंत्री सिद्धरामय्यांमध्ये कुठलेही मतभेद नाहीत. पक्षाचा प्रदेशाध्यक्ष या नात्याने मला माझ्या मर्यादा माहिती आहेत.
मी कधीच मुख्यमंत्र्यांबाबत कुठलीही टिप्पणी केलेली नाही. कधीही त्यांच्यापेक्षा वेगळं मत मांडलेलं नाही. आम्ही सर्वजण एकत्र मिळून काम करत आहोत. कर्नाटकच्या जनतेला आमच्याकडून खूप अपेक्षा आहेत. आम्ही त्यांच्या अपेक्षा पूर्ण करण्यास बांधील आहोत. त्या दृष्टीने आम्ही काम करत आहोत.