Delhi Blast Update : देशाची राजधानी दिल्ली येथे झालेल्या बॉम्बस्फोट प्रकरणात एक मोठी अपडेट समोर आली आहे. या अपडेटनुसार, स्फोट झालेल्या आय20 कारमध्ये सापडलेला मृतदेह दहशतवादी उमरचा असल्याची पृष्टी डीएनए चाचणीद्वारे करण्यात आली आहे. तपास यंत्रांनी डीएनए चाचणीमधून उमरच्या मृतदेहाची ओळख पटवली. दिल्ली बॉम्बस्फोट प्रकरणात आतापर्यंत 12 जणांचा मृत्यू झाला आहे.
एनआयएकडून देण्यात आलेल्या माहितीनुसार, डॉ. उमरने (Dr. Umar) पांढऱ्या रंगाची हुंडई आय20 कार (i20 car) खरेदी केली होती आणि स्फोटाच्या वेळी तो कारमध्ये उपस्थित होता. तो फरीदाबादमध्ये अटक केलेल्या दहशतवादी मॉड्यूलचा सदस्य देखील होता. पुलवामामधील सांबुरा गावातील रहिवासी उमरच्या आई आणि भावाचे डीएनए (DNA Test) नमुने घेण्यात आले होते आणि कारमध्ये सापडलेल्या अवशेषांशी जुळले तेव्हा ते 100% जुळले. मृताचे दात, हाडे आणि इतर अवशेष आई आणि भावाच्या नमुन्यांशी जुळवण्यात आले.
Fresh update in Delhi Blast Case
· The car’s owner was contacted via OLX.
· The car was registered using Aamir Rashid’s documents.
· Aamir Rashid is a resident of Pulwama.
· The car was purchased on October 29th.
· Two men came to complete the purchase.
· The identity of the… pic.twitter.com/qoDmp7w1Kk— Atulkrishan (@iAtulKrishan1) November 12, 2025
दबावाखाली हल्ला
तपास यंत्रणांच्या मते, पोलिसांच्या दबावाखाली जम्मू-काश्मीर आणि फरिदाबादमध्ये दहशतवादी मॉड्यूल उघड केले होते आणि दहशतवाद्यांना शोधण्यासाठी छापेमारी सुरू होती. दबावाखाली उमर आत्मघातकी हल्लेखोर बनला आणि लाल किल्ल्याजवळ कार बॉम्बमध्ये स्वतःला उडवून दिले. उमरच्या कुटुंबाला माहित होते की तो कट्टरपंथी बनला आहे आणि चुकीच्या मार्गावर आहे, परंतु चौकशीदरम्यान त्यांनी हे उघड केले नाही. छाप्यामुळे घाबरलेल्या उमरने घाबरून त्याच्या कारसह स्वतःला उडवून दिले. मार्च 2022 मध्ये उमर अंकारा येथे गेला होता, जिथे त्याचे ब्रेनवॉश करून कट्टरपंथी बनवण्यात आले होते, असे उघड झाले आहे.
तर दुसरीकडे पंतप्रधान मोदींच्या अध्यक्षतेखाली सुरक्षा मंत्रिमंडळ समिती (सीसीएस) ची बैठक झाली. दिल्ली स्फोटाला दहशतवादी हल्ला घोषित करणारा ठराव मंजूर करण्यात आला. राष्ट्रीय तपास संस्थेकडे (एनआयए) चौकशीची जबाबदारी सोपवण्यात आली आहे आणि अहवाल मागवण्यात आला आहे. या व्हाईट कॉलर दहशतवादी मॉड्यूलला धोकादायक म्हणून वर्णन केले गेले आहे कारण त्यात डॉक्टरांसारख्या अत्यंत प्रतिष्ठित व्यवसायातील व्यक्तींचा समावेश आहे, जे पाकिस्तानमधील जैश-ए-मोहम्मदच्या दहशतवाद्यांच्या संपर्कात होते.