Ritabrata Banerjee : पश्चिम बंगाल विधानसभेत टीएमसीचे बंडखोर आमदार ऋतब्रत बॅनर्जी यांच्या गटाला विधानसभा अध्यक्षांनी परवानगी दिली असून आता विरोधी पक्ष नेते म्हणून ऋतब्रत बॅनर्जी यांची निवड करण्यात आली आहे. तर दुसरीकडे अखरुज्जमान यांची ‘मुख्य प्रतोद’ (Chief Whip) म्हणून नियुक्ती करण्यात आली आहे. ऋतब्रत बॅनर्जी यांच्या नेतृत्वाखाली, 58 बंडखोर आमदारांनी विधानसभा अध्यक्ष रथिन बोस यांच्याकडे समर्थनाचे पत्र सादर केले. पक्षांतरबंदी कायद्याचा (Anti-defection law) भंग टाळण्यासाठी एकूण 80 आमदारांपैकी किमान 54 आमदारांचा पाठिंबा आवश्यक होता. बंडखोर गटाने 58 आमदारांचा पाठिंबा असल्याचा दावा केला आहे.
ऋतब्रत बॅनर्जी काय म्हणाले?
ऋतब्रत बॅनर्जी (Ritabrata Banerjee) यांनी सांगितले की, विरोधी पक्षनेत्यासाठी (LoP) राखीव असलेली खोली आता अधिकृतपणे वाटप करण्यात आली आहे. ममता बॅनर्जी यांनीच आपले मार्गदर्शक म्हणून काम करत राहावे आणि आपला सल्ला द्यावा, जेणेकरून विधानसभेत पक्षाचे कामकाज एकत्रितपणे आणि प्रभावीपणे चालवता येईल, अशी या गटाची सामूहिक इच्छा आहे.
क्रिकेटच्या इतिहासात नवीन विक्रम; अवघ्या पाच चेंडूत ‘या’ संघाने मारली बाजी
ऋतब्रत बॅनर्जी यांनी ठामपणे सांगितले की, आज पक्ष ज्या बिकट अवस्थेत सापडला आहे, त्याला काही अंशी अभिषेक बॅनर्जी यांचे अपयशच कारणीभूत आहे. त्यांनी असा युक्तिवाद केला की, जेव्हा गोष्टी सुरळीत चालतात तेव्हा जर अभिषेक बॅनर्जी त्याचे श्रेय घेत असतील, तर जेव्हा गोष्टी बिघडतात तेव्हा त्यांनी त्याची जबाबदारीही स्वीकारली पाहिजे.
नुकतंच झालेल्या पश्चिम बंगाल विधानसभा निवडणुकीत ममता बॅनर्जी यांच्या टीएमसीचा दारुण पराभव करत भाजपने पहिल्यांदाचा राज्यात सरकार स्थापन केली आहे. या निवडणुकीत टीएमसीला फक्त 80 जागा जिंकता आल्या आहेत तर भाजपने 200 पेक्षा जास्त जागा जिंकत पहिल्यांदा सरकार स्थापन केली आहे.