Chhagan Bhujbal : गेल्या काही दिवसांपासून रायगड आणि नाशिकच्या पालकमंत्रिपदावरुन ( Nashik Guardian Minister) वाद सुरु आहे. अशातच मंत्री गिरीश महाजन (Girish Mahajan) यांनी मोठा दावा केलाय. नाशिक जिल्ह्याचा पालकमंत्री मीच होणार, असं ते म्हणाले. यावर आता मंत्री छगन भुजबळ Chhagan Bhujbal) यांनी भाष्य केलं.
नाशिकमध्ये सर्वाधिक आमदार राष्ट्रवादी काँग्रेसचे असल्याने पालकमंत्रिपद राष्ट्रवादीलाच मिळावे, मागणी छगन भुजबळ यांनी केली आहे.
छगन भुजबळ यांनी आज प्रसारमाध्यमांशी संवाद साधला. यावेळी बोलताना त्यांनी अनेक विषयांवर भाष्य केलं. महाजन यांनी पालकमंत्रीपदाविषयी केलेल्या वक्तव्याविषयी विचारले असता भुजबळ म्हणाले, मला कल्पना नाही, त्यांना होऊ द्या.. कारण, मुख्यमंत्री आणि उपमुख्यमंत्र्यांच्या बैठकीला मी नसतो. पण, रायगडमध्ये आमची एकच जागा आहे. त्यासाठी आम्ही पालकमंत्रीपदाचा आग्रह धरतो. मग नाशिक जिल्ह्यात आमचे सात आमदार असताना, पालकमंत्री पदासाठी आमच्या लोकांनी आग्रह धरायला पाहिजे. याबाबत मी अजित पवार आणि सुनील तटकरेंशी बोलेन. पालकमंत्री कोण होणार हा प्रश्न नाही. पण जर एकाच पक्षाचे सात आमदार असतील, तर त्या पक्षाला पालकमंत्रिपद मिळालं पाहिजे, असं भुजबळ म्हणाले.
मेंदू खाणाऱ्या अमीबाचा कहर! 9 वर्षीय मुलीचा मृत्यू; केरळमध्ये वर्षभरात चौथा बळी
पुढं बोलताना ते म्हणाले, सर्व मंत्र्यांमध्ये 26 जानेवारी आणि 15 ऑगस्टचे जास्तीत जास्त झेंडावंदन मी केलंय. 1991 पासून मी झेंडावंदन करतो आहे. त्यामुळे मला त्याचे काही दुःख नाही, असंही भुजबळ म्हणाले. तसंच लोक मला पालकमंत्री बोलत आहेत. मी त्यांना बोललो मी अजून पालकमंत्री होणार आहे. पालकमंत्री म्हणून मी माझे बोर्डही लावलेले नाही. तसेच ज्यांनी हे बोर्ड लावले होते त्यांना काढायला लावले, असंही भुजबळ म्हणाले.
