Dcm Eknath Shinde On Udhav Thackeray : उद्धव ठाकरे (Udhav Thackeray) गटाचा काल नाशिकमध्ये निर्धार मेळावा पार पडला. या मेळाव्यातू उद्धव ठाकरे यांनी बाप चोरण्यावरुन उपमुख्यमंत्री एकनाथ शिंदे यांच्यासह बंडखोर आमदारांवर जोरदार हल्लाबोल चढवल्याचं दिसून आलं. मला दुसऱ्यांचे वडील चोरायची गरज नाही, असं म्हणत उद्धव ठाकरेंनी उपमुख्यमंत्री एकनाथ शिंदेंचं (Eknath Shinde) नाव न घेता टीका केली. या टीकेला आज उपमुख्यमंत्री शिंदे यांनी प्रत्युत्तर दिलंय. यावेळी शिंदे यांनी बाळासाहेब ठाकरेंचा जुना व्हिडिओ दाखवत सडकून टीका केलीयं.
या व्हिडिओमध्ये बाळासाहेब ठाकरे जेव्हा काँग्रेसबरोबर जाण्याची वेळ येईल तेव्हा राजकारणातून बाहेर जाईल, असं बोलल्याचं ऐकू येत आहे. यासोबतच मी कधीही काँग्रेससोबत जाणार नसल्याचं बाळासाहेब ठाकरे यांनी म्हटलेला व्हिडिओ एकनाथ शिंदे यांनी दाखवलायं.
पीबीजी पुणे जॅग्वार्सला मिळाली मोठी ताकद, इजिप्तच्या दिना मेशरेफचा संघात समावेश
पुढे बोलताना शिंदे म्हणाले, कालही बाप चोरला, बाप चोरला हे रडगाणं चालू होतं. आम्ही बाप चोरला नाही. तो कायम हृदयात पुजला आणि यापुढेही पुजत राहू. पण, तुम्ही पाप झाकण्यासाठी त्यांचा आवाज चोरला, त्यांचे विचार चोरले आणि हे विचार चोरण्याचे पाप आम्ही नाही तुम्ही केले असल्याचं प्रत्युत्तर एकनाथ शिंदेंनी दिलंय.
तसेच व्हिडिओमध्ये पुढे बोलताना बाळासाहेब ठाकरे म्हणतात, एकनाथ शिंदे यांनी पुढे बाळासाहेब ठाकरे यांचा आणखी एक व्हिडिओ दाखवला. त्या व्हिडिओमध्ये बाळासाहेब, “एकनाथ शिंदे यांच्यासारखी माणसं आनंद दिघे यांनी तयार केली आहेत. ते आनंद दिघे यांच्या तालमीत तयार झाले आहेत, असं बाळासाहेब ठाकरे म्हटल्याचे ऐकू येत आहे.
नाशिकमध्ये आयोजित सभेत काल उद्धव ठाकरे यांनी बाळासाहेब ठाकरे यांच्या आवाजातील भाषण दाखवलं. या भाषणात बाळासाहेब ठाकरे राज्यातील सध्याच्या राजकीय परिस्थितीवर भाष्य करीत आहे. यासोबतच शिवसेा सडोोून गेलेले एकनाथ शिंदे, बंडखोर आमदार आणि पंतप्रधान नरेंद्र मोदींसह भाजपवर टीका केल्याचं दिसून आलंय.
आदित्य ठाकरेंनीही डिवचलं…
शिवसेनेचे आमदार आदित्य ठाकरे यांनी “सगळ्या पक्षांना आज हिंदूदृदय सम्राटांशिवाय पर्याय नाही. पण, काही चोरही माझ्या आजोबांचा फोटो वापरत आहेत. त्यांना त्यांच्या वडिलांचा फोटो वापरायला लाज वाटते”, असे म्हटले होते.
