अखेर प्रज्ञा सातवांचा काँग्रेस विधान परिषद आमदारकीचा राजीनामा; आज भाजपमध्ये अधिकृत प्रवेश होणार?

Pradnya Satav finally resigns from Congress Legislative Council; Will she officially join BJP today : राज्यात सध्या स्थानिक स्वराज्य संस्थांच्या निवडणुकांची रणधुमाळी सुरु आहे. यातच राज्यातील राजकाणातील एक मोठी अपडेट समोर आली आहे. काँग्रेसचे स्वर्गीय नेते राजीव सातव यांच्या पत्नी आमदार प्रज्ञा सातव भाजपमध्ये प्रवेश करणार असल्याची माहिती समोर आली आहे. त्यासाठी आज 18 डिसेंबर 2025 रोजी त्यांनी त्यांच्या कॉंग्रेस विधान परिषदेच्या आमदारकीचा राजीनामा दिला आहे. त्यांनी त्यांचा राजीनामा विधीमंडळ सचिवांकडे सुपूर्द केला आहे.

धमाल मनोरंजक ‘गोट्या गँगस्टर’चा ट्रेलर लाँच! ‘या’ दिवशी प्रेक्षकांच्या भेटीला येणार चित्रपट

प्रज्ञा सातव (Pradnya Satav) 2021 पासून विधानपरिषदेत काँग्रेसकडून आमदार आहे. भाजपाने माघार घेतल्यानंतर प्रज्ञा सातव यांची विधानपरिषदेत बिनविरोध निवड झाली होती. माजी खासदार दिवंगत राजीव सातव यांच्या निधनानंतर हिंगोलीत काँग्रेसची पकड कमजोर झाली आहे. तर आता हिंगोलीत पक्षाला आणखी एक मोठा धक्का लागण्याची शक्यता आहे.

कोण आहेत प्रज्ञा सातव?

आमदार प्रज्ञा सावत हिंगोलीचे दिवंगत माजी खासदार राजीव सातव यांच्या पत्नी आहे. प्रज्ञा सावत ऑगस्ट 2021 पासून महाराष्ट्र प्रदेश काँग्रेस कमिटीच्या उपाध्यक्षा म्हणूनही कार्यरत आहेत. प्रज्ञा सातव यांची विधान परिषद पोटनिवडणुक भाजप उमेदवाराने अर्ज मागे घेतल्यानंतर बिनविरोध झाली होती. तर दुसरीकडे दिवंगत खासदार राजीव सातव हे राहुल गांधी यांच्या विश्वासू सहकाऱ्यांपैकी एक होते. 2014 मध्ये संपूर्ण देशात मोदी लाट असताना देखील हिंगोलीमधून राजीव सातव जिंकून आले होते. यानंतर राजीव सातव देश पातळीवर आपली एक वेगळी ओळख निर्माण केली होती.